ʻE Lava ke Nofo Fakataha ʻa Hoku Fāmilí ʻo Taʻengata

Fakaafeʻi ha taha ʻo e fānaú ke ne fai ʻa e fua lotú.

Fakaʻaliʻali ha fakatātā ʻo e temipale ʻi homou feituʻú (pe fakaʻaliʻali ʻa e faka-tātā ʻi he peesi 58). Talaange ki he fānaú ko e fakatātā ʻeni ʻo ha temipale. Fakamatalaʻi ʻa e fakatātaá kiate kinautolu, tuhuʻi ange ʻa e tauá, ngaahi matapā sioʻatá, ngaahi matapaá mo e alā meʻa pehē. Kole kiate kinautolu ke nau toutou puʻaki ʻa e foʻi lea “temipale”. ʻAi kinautolu ke nau pehē ko ha temipale fakaʻofoʻofa kinautolu ʻaki haʻanau fakatātaaʻi ia ʻaki hono hiki honau ongo nimá ki ʻolunga ʻi honau ʻulú ke hangē ha taua ʻo e temipalé.

ʻĪmisi

temple

Fakaafeʻi ʻa e fānaú ke nau tuʻu ki ʻolunga. Hivaʻi pe lau ʻa e ngaahi lea ʻo e “ʻOku ou Fie Sio he Temipalé” (Tohi Hiva ʻa e Fānaú, 99) pea fai ʻa e fakatātaaʻi ko ʻena ʻi laló. Fakaafeʻi ʻa e fānaú ke kau mo koe.

Talaange ki he fānaú ko e temipalé ko e fale ia ʻo e ʻEikí. Fakaafeʻi kinautolu ke nau lea, “Fale ʻo e ʻEiki.” Fakamamafaʻi ange ko e temipalé ko ha feituʻu ia ʻoku fuʻu makehe; koeʻuhí ko e temipalé, ʻe lava ke nofo fakataha ʻa hotau ngaahi fāmilí ʻo taʻengata.

Toe lau ʻa e ʻekitivitī lau maau ko ʻení pea fakaafeʻi ʻa e fānaú ke kau atu mo koe:

Hivaʻi pe lau ʻa e ʻuluaki laine ʻe ua ʻo e tau ʻo e “Ko e Fāmilí Ke Taʻengata” (Tohi Hiva ʻa e Fānaú, 98):

Fakaafeʻi ʻa e fānaú ke nau toutou lau māmālie ʻa e ongo laine ko ʻení mo koe.

Vahevahe nounou hoʻo ngaahi ongo fekauʻaki mo e temipalé. Fai hoʻo fakamoʻoní ʻe lava ke nofo taʻengata ʻa e fāmilí.

Fakaafeʻi ha taha ʻo e fānaú ke ne fai ʻa e lotu tukú.

• Ki he ʻekitivitī lau māú: ʻAi ha tatau pea kosi ʻa e fanga kiʻi tamapua louhiʻinima ʻi he peesi 59 pe ngāueʻaki ʻa e fanga kiʻi tamapua louhiʻinima naʻá ke ngaohi ki he ʻekitivitī fili ʻi he lēsoni 12. Valivali ʻa e fanga kiʻi tamapuá kapau ʻe fie maʻu.

  ʻĪmisi

  coloring page, family circles and finger puppets

  E Lava Ke Nofo Fakataha Hoku Fāmilí ʻo Taʻengata

• Ki he vaʻinga mateʻi ʻo ha tahá: ʻAi ha tatau pea kosi ʻa e ngaahi fakatātā ʻo e fāmili ʻi he peesi 51 pe ngāueʻaki ʻa e ngaahi fakatātā naʻá ke teuteu ki he lēsoni 11. ʻOmai ha meʻa ke ʻufiʻufiʻi ʻaki ʻa e ngaahi fakatātaá, hangē ko ha kafu pe konga tupenu. ʻOmai ha fakatātā ʻo ha temipale ʻi homou feituʻú kapau ʻe faingamālie.

  ʻĪmisi

  coloring page, I Love My Family

• Ki he ʻekitivitī valivalí: ʻAi ha tatau pea kosi ʻa e ngaahi foʻi fuopotopoto ʻi he peesi 59 ki he fānau takitaha. Tui ha meʻi filo pe afo ʻi ʻolunga ʻi he foʻi fuopotopoto ʻe uá ke faʻu ha kahoa.

Talaange ki he fānaú kuopau ke tau teuteu ke ʻalu ki he temipalé. Kole kiate kinautolu ke hiki hake ki ʻolunga e ngaahi foʻi tuhú ʻe nima pea tokoniʻi kinautolu ke hiki ʻi honau ngaahi foʻi tuhú ʻa e ngaahi meʻa ʻe nima te nau lava ʻo fai ke teuteu ai ke ʻalu ki he temipalé ʻi haʻanau fuʻu lahí (lotu, talangofua ki he mātuʻá, ʻofa ʻi he niʻihi kehé, ʻalu ki he lotú, muimui he palōfitá mo e alā meʻa pehē). ʻOku feʻunga ʻa e ʻekitivitī ko ʻení kae tautautefito ki he fānau lalahi angé.

ʻĪmisi

finger puppet diagram

Toe fai ʻa e ʻekitivitī lau maau ʻi he peesi 56, ka ke ngāueʻaki ʻa e fanga kiʻi tamapua louhiʻinimá ʻi he taimí ni.

Tuku ʻa e ngaahi fakatātaá ʻi he falikí ofi ki he fakatātā ʻo e temipalé (ko e taha naá ke ʻomaí pe ko e taha ʻi he peesi 58. ʻUfiʻufiʻi ʻa e ngaahi fakatātaá ʻaki ha kafu pe tupenu. Toʻo ʻa e kiʻi tamapua ia ʻe taha. Toʻo ʻa e tupenú pea ʻeke ki he fānaú ke mateʻi mai pe ko hai ʻoku puliá. Pea toe fakafoki ʻa e taha naʻe puliá pea talaange ki he fānaú ʻoku fiemaʻu ia ʻe he Tamai Hēvaní hotau ngaahi fāmilí kotoa ke nofo fakataha ʻo taʻengata, ʻo ʻikai pulia ha taha. ʻOku feʻunga ʻa e ʻekitivitī ko ʻení tautautefito ki he fānau lalahi angé.

Fakaafeʻi ʻa e fānaú ke valivali ʻa e kahoa naʻá ke teuteuʻí. Lolotonga ʻenau valivalí, toe fakamatalaʻi ʻa e tefitoʻi moʻoni ko iá, koeʻuhí ko e temipalé, ʻe lava ke nofo fakataha ʻa e ngaahi fāmilí ʻo taʻengata.