Te u Loto-ʻApasia

Fakaafeʻi ha taha ʻo e fānaú ke ne fai ʻa e fua lotú.

Fakaʻaliʻali ʻa e fakatātā ʻoku hā ʻi he peesi 86. Talaange ki he fānaú, ko e kiʻi fāmili ko ʻení ʻoku nau ʻi he lotú pea ʻoku nau loto ʻapasia. Fakaafeʻi ʻa e fānaú ke nau lea “loto ʻapasia.” Fakamatalaʻi ange ʻoku ʻuhinga ʻa e loto ʻapasiá ki he fakalaulauloto ki he Tamai Hēvaní pea mo Sīsū Kalaisi. Talaange ha ngaahi meʻa ʻoku fai ʻe he kiʻi fāmili ʻi he fakatātaá ke fakahaaʻi ai ʻoku nau loto ʻapasia.Taki e tokanga makehe ki he fānau ʻi he fakatātaá.

ʻĪmisi

reverent family at church

Tokoni ke mahino ki he fānaú ko e taimi ko ia ʻoku tau haʻu ai ki he lotú, te tau lava ʻo fakahaaʻi ʻetau ʻofa ki he Tamai Hēvaní pea mo Sīsū ʻaki ʻetau loto ʻapasia. Fakamatalaʻi e ngaahi founga ʻe niʻihi ʻoku tau fakahaaʻi ai e loto ʻapasiá ʻi he lotú pea akoako hono fai kinautolú fakataha mo e fānaú. Hangē ko ʻení:

• ʻOku tau talanoa leʻo siʻi. (akoako e talanoa leʻo siʻí)

• ʻOku tau luelue fakalongolongo. (akoako e luelue fakalongolongó)

• ʻOku tau tangutu fakalongolongo. (akoako e tangutu fakalongolongó)

• ʻOku tau fakafanongo ki heʻetau faiakó. (ʻai e nima ke hangē ha ipú ʻo ʻai ki he telingá)

• ʻOku tau fakakaukau kia Sīsū. (ala ki he ʻulú)

Fakamatalaʻi ange ko e founga ʻe taha ke fakahā ai ʻetau loto ʻapasiá, ko e hivaʻi e ngaahi hiva fakalaumālié. Hivaʻi pe lau ʻa e ngaahi lea ki he hiva ko e “Te u Feinga Ke u ʻApasia” (Tohi Hiva ʻa e Fānaú, 13) pea fai e fakatātā ʻoku hā atu ʻi laló. Fakaafeʻi ʻa e fānaú ke kau atu mo koe.

Fakamālō ki he fānaú ʻi heʻenau ʻapasiá. Fakamatalaʻi ange ʻoku hanga ʻe he meʻá ni ʻo tokoniʻi kitautolu mo kinautolu ʻi hotau ʻātakaí ke tau fakakaukau ki he Tamai Hēvaní mo Sīsū. Kole ange ki he fānaú ke nau lea, “Te u ʻApasia.” Fakaafeʻi kinautolu ke nau ʻapasia ʻi he ʻahó ni.

Talaange ki he fānaú kuo taimi ke fai ʻa e lotu tukú. Fehuʻi ange, “ʻTe ke lava fēfē ke ʻapasia lolotonga ʻa e lotú?” Tokoni kiate kinautolu ke ako e kūnimá, punou honau ʻulú pea kuikui honau matá lolotonga ia hoʻo fai e lotú. Fakamanatu ki he fānaú ʻoku tokoni kiate kitautolu hono fai ʻení ke fakahā ai ki he Tamai Hēvaní mo Sīsū ʻoku tau ʻofa ʻiate Kinaua. Fakamālōʻiaʻi kinautolu ʻi heʻenau ʻapasiá.

• Ki he ʻekitivitī tohi fakatātaá: ʻAi ha tatau ʻo e fakatātā ʻi he peesi 87; valivali kapau ʻe fie maʻu. Kosi ʻi he laine ʻoku fakaʻilongaʻí ke faʻu ʻa e tāpuni ʻe ua. Peluki atu ʻa e tāpuní ke fakapuliki ʻa e tā fakatātaá.

  ʻĪmisi

  coloring page, reverence flip book

  ʻOku ou kuikui pea punou mo hoku ʻulú

• Ki he ʻekitivitī valivalí: ʻAi ha tatau ʻo e fakatātā ʻi he peesi 87 maʻá e fānaú ke nau valivali. Kosi ʻi he laine hokohokó ke faʻu ʻa e ngaahi tohi fakatātā maʻá e fānaú.

  ʻĪmisi

  flip book diagram

Puke ki ʻolunga ʻa e fakatātā naʻá ke teuteuʻí, ʻa ia ʻoku fakapuliki ʻa e fakatātaá ʻaki ʻa e ongo tāpuní. Talaange ki he fānaú te ke fakaʻaliʻali ange kiate kinautolu ʻa e ngaahi fakatātā ʻe niʻihi ʻa ia ʻokú ne fakahā mai kiate kitautolu ʻa e founga ke tau ʻapasia ai lolotonga ha lotu. Fakaava ʻa e tāpuni ki ʻolungá pea lau ʻa e ngaahi lea ʻoku ʻi loto ʻi he tāpuní. Fai ʻa e meʻa tatau ki he tāpuni ʻi laló. Toe fai ʻa e ʻekitivitií; fakaafeʻi ʻa e fānaú ʻi he taimí ni ke fakaangaanga e punou honau ʻulú, kuikui honau matá mo kūnima.

Lau ʻa e maau ko ʻení pea fakaafeʻi ʻa e fānaú ke kau fakataha mo koe:

ʻAi ʻa e fānaú ke nau valivali ha tatau ʻo e tohi fakatātā naʻá ke teuteu maʻa kinautolú.