Te u Lava Pē Ke Fiefia

Fakaafeʻi ha taha ʻo e fānaú ke ne fai ʻa e fua lotú.

ʻAi ha taha ʻo e fānaú ke pukepuke ʻa e fakatātā ʻi he peesi 82. Fai ʻa e talanoa ko ʻení:

Naʻe ʻalu ʻa Mele mo ʻene fineʻeikí ʻo fai ʻena ʻeveʻeva (tuhu kia Mele mo e Fāʻeé ʻi he fakatātaá). Naʻe ʻi ai ha niʻihi naʻa nau fakalaka atu ai naʻa nau lotomamahí (kole ki he fānaú ke nau fakafulofula). Naʻe ʻeke ange ʻe Mele ki heʻene fineʻeikí, “Ko e hā e ʻuhinga ʻoku fuʻu lotomamahi ai e kakaí?” Naʻe talaange ʻe heʻene fineʻeikí, “ʻOku ʻikai te u ʻilo, kae mahalo pē te ta lava ʻo malimali kiate kinautolu mo tokoniʻi kinautolu ke nau fiefia.”

ʻI he hoko atu pē ʻena ʻevá, naʻe sio ʻa Mele ki ha fefine ʻokú ne lue hangatonu mai kiate kinaua. Naʻe ʻai e fuʻu malimali ʻa Mele (fakaafeʻi ʻa e fānaú ke nau malimali lahi). ʻI he taimi naʻe sio ai ʻa e fefiné ki he mata fiefia ʻa Melé, naʻá ne malimali. Naʻe pehē ʻe Mele, “ʻOku hoko ia” Naʻe lea ange ʻa e fineʻeikí, “ʻI he taimi ʻoku tau fili ai ke fiefiá, ʻokú ne tokoniʻi ʻa e niʻihi kehé ke nau fiefia mo kinautolu.”

ʻĪmisi

smiling mother and daughter

Kole ange ki he fānaú ke nau malimali atu kiate koe. Talaange kiate kinautolu ʻoku tokoni ʻenau malimalí ke ongoʻi fiefia e tokotaha kotoa. Fakaafeʻi ʻa e fānaú ke nau lea “fiefia.”

Hivaʻi pe lau ʻa e ngaahi lea ki he hiva ko e, “Malimali” (Tohi Hiva ʻa e Fānaú, 128) pea fai ʻa e fakatātaaʻi ʻoku hā atu ʻi laló. Fakaafeʻi ʻa e fānaú ke kau atu mo koe.

ʻAi ʻa e fānaú ke nau tuʻu takatakai ʻi ha siakale. Talaange kiate kinautolu te ke akoako e malimalí. Tuʻu ʻi muʻa ʻi ha taha ʻo e fānau pea malimali kiate ia. Fakaafeʻi ʻa e fānaú ke malimali. Peá ke pehē ange, “Tau ō ʻo vahevahe ʻetau malimalí.” Puke atu ha nima ʻo ha taha ʻo e fānaú pea taki atu ki ha taha ʻo e fānaú pea malimali. Fakaafeʻi ʻa e tokotaha foʻoú ke ne puke ʻa e nima ʻo e tokotaha fika ʻuluakí pea malimali ki he tokotaha hokó. Toutou fai pē kae ʻoua kuo ʻosi kotoa e fānaú he piki nima.

Talaange ki he fānaú, ko e taimi ko ia ʻoku tau fili ai ke fiefiá, ʻoku tau lava ʻo tokoniʻi ai ʻa e niʻihi kehé ke nau fiefia. Fakaafeʻi ʻa e fānaú ke nau lea, “Te u lava pē ke fiefia!”

Fakaafeʻi ha taha ʻo e fānaú ke ne fai ʻa e lotu tukú.

• Ki he ʻekitivitī toe fakamanatú: Fakaʻilongaʻi ʻa e peesi 67 ʻi he tohi lēsoni ko ʻení ke faingofua hoʻo huke ki aí. ʻOmai ha fakatātā ʻo ha ngaahi meʻa ʻokú ke fakamālōʻiaʻi; te ke lava ʻo ngāueʻaki ʻa e ngaahi fakatātā ʻi he tohi lēsoni ko ʻení pe ʻi he ngaahi makasini ʻa e Siasí pe ko haʻo tā haʻo meʻa pē ʻaʻau.

• Ki he ʻekitivitī fakatātaá: ʻAi ha tatau ʻo e fakatātā ʻi he peesi 83 ke taki taha e fānaú.

  ʻĪmisi

  coloring page, smiling-frowning face

Hivaʻi pe lau ʻa e ngaahi lea ki he hiva ko e, “Kapau ʻOkú ke Fiefia” (Tohi Hiva ʻa e Fānaú,125) pea fai ʻa e fakatātaaʻi ʻoku hā atu ʻi laló. Fakaafeʻi ʻa e fānaú ke kau atu mo koe.

Toutou fai pē ia kae fetongi ʻa e “pasi ho nimá” ʻaki ha ngaahi fakatātā kehe, hangē ko e “vilo takai,” tātaaʻi ho tuí,” mo e ngaahi alā meʻa pehē.

Lau ʻa e ʻekitivitī lau maau ko ʻení pea fakaafeʻi ʻa e fānaú ke kau atu mo koe:

Toe fai ʻa e ongo ʻekitivitī fakatātā mei he lēsoni 15 (peesi 64 mo e 65). Fakamatalaʻi ange ʻoku hanga ʻe heʻetau manatuʻi ʻa e ngaahi meʻa fakaofo kotoa pē kuo ʻomai ʻe he Tamai Hēvaní ʻo tokoniʻi kitautolu ke tau ongoʻi fiefia.

ʻĪmisi

Jesus with grateful leper

ʻĪmisi

coloring page, I Am Thankful

ʻOku ou fakafetaʻi koeʻuhí ko hoku fāmilí.

ʻOku ou fakafetaʻi koeʻuhí ko hoku valá.

ʻOku ou fakafetaʻi koeʻuhí ko hoku ʻapí.

ʻOange ki he fānau takitaha ha tatau ʻo e laʻipepa fofonga malimali-fakafulofula ʻoku hā he peesi 83. Fakaafeʻi ʻa e fānaú ke nau sio ki heʻenau fakatātaá lolotonga hoʻo toe hivaʻi ʻa e foʻi hiva ko e “Malimalí. Tokoniʻi kinautolu ke fulihi ʻenau laʻipepa fofonga fakafulofulá ki ha fofonga malimali ʻi he taimi totonu lolotonga e hivá.