Te u Vahevahe

Fakaafeʻi ha taha ʻo e fānaú ke ne fai ʻa e fua lotú.

Hivaʻi pe lau ʻa e ngaahi lea ʻo e tau ʻo e foʻi hiva ko e “ʻOku ou Feinga ke Hangē ko Sīsuú” (Tohi Hiva ʻa e Fānaú, 40–41) pea fakatātaaʻi ʻo hangē ko ia ʻoku hā atu ʻi laló. Fakaafeʻi ʻa e fānaú ke kau mo koe.

Talaange ki he fānaú, ʻoku fie maʻu ʻe he Tamai Hēvaní ke tau feʻofaʻaki. Fakamatalaʻi ange ko e taimi ʻoku tau vahevahe aí, ʻoku tau fakahaaʻi ai e angaleleí.

Talaange ki he fānaú ʻoku ʻamanaki ke ke fakatātaaʻi ʻa e meʻa ko e vahevahe. Fakaʻaliʻali kiate kinautolu ʻa e founga ʻo e vahevahé ʻaki haʻo lea, “Te u vahevahe” lolotonga ia hoʻo ʻoange ʻa e meʻa naʻá ke ʻomaí ki he taki nesilī ʻe tahá. Fakamamafaʻi ʻa e fiefia ʻoku ʻomai ʻe he vahevahé. Fakaafeʻi ʻa e fānaú ke nau lea, “Te u vahevahe.”

Fakaʻaliʻali ʻa e ʻuluaki fakatātā ʻi he peesi 74. Tuhu ki he kiʻi taʻahine ʻi he tafaʻaki toʻohemá pea talaange ki he fānaú, ko e kiʻi taʻahine ko ʻení ʻoku ʻi ai ʻene kiʻi tamapua ʻoku manako ke vaʻinga mo ia; ʻi he taimi ʻoku haʻu ai hono kaumeʻá ke vaʻingá, ne talaange leva ʻe he kiʻi taʻahiné, “Te u ʻoatu ke ke vaʻinga ʻaki ʻeku tamapuá.” Talaange naʻá na fakatou fiefia. Fakaafeʻi ʻa e fānaú ke nau lea, “Te u vahevahe.”

ʻĪmisi

girls playing

Fakaʻaliʻali ʻa e fakatātā hono ua ʻi he peesi 74. Tuhu ki he kiʻi tamasiʻi ʻi he tafaʻaki toʻomataʻú pea talaange ki he fānaú, ko e kiʻi tamasiʻi ko ʻení ʻoku saiʻia ke vaʻinga heʻene ʻū meʻavaʻingá; ʻi he taimi ʻoku haʻu ai hono ngaahi kaumeʻá ke vaʻingá, ne talaange leva ʻe he kiʻi tamasiʻí, “Te u vahevahe ʻeku meʻavaʻingá mo koe.” Fakatokangaʻi ange ʻokú na fakatou fiefia. Fakaafeʻi ʻa e fānaú ke nau lea, “Te u vahevahe.”

ʻĪmisi

boys playing

Hivaʻi pe lau ʻa e ngaahi lea ʻo e hiva ko e “Fakafiefia ke Faí” ( Tohi Hiva ʻa e Fānaú, 129) lolotonga ia hoʻo ʻai ke pehē ʻokú ke vahevahe mo e fānaú. Fakaafeʻi ʻa e fānaú ke kau atu mo koe.

Talaange ki he fānaú ʻa e fiefia ʻokú ke ongoʻi ʻi he taimi ʻokú ke vahevahe aí. Fakamatalaʻi ange ʻoku pehē pē ʻa e fiefia ʻa e Tamai Hēvaní heʻetau vahevahé.

Fakaafeʻi ha taha ʻo e fānaú ke ne fai ʻa e lotu tukú.

• Ki he ʻekitivitī fakatātaá: ʻAi ha tatau ʻo e fakatātā ʻi he peesi 75 ke taki taha e fānaú.

  ʻĪmisi

  coloring page, sharing cube

  Te u Vahevahe

  Te u vahevahe ʻa e malimalí.

  Te u vahevahe ʻa e meʻakaí.

  Te u vahevahe ʻa e ū tohí.

  Te u vahevahe ʻa e ū meʻavaʻingá.

• Ki he vaʻinga kiupí: ʻAi ha tatau pea kosi ʻa e fakatātā ʻi he peesi 75. Valivali kapau ʻe fie maʻu. Peluki ʻi he laine motumotú pea tepiʻi pe kuluuʻi ʻe ngaahi tafaʻakí ke faʻu ha poloka.

Fakaʻaliʻali ʻa e fakatātā ʻi he peesi 75 pea ʻoange ha tatau ʻo e fakatātaá ki he fānaú. Tuhu ki he fakatātā ʻo e kiʻi tamasiʻi ʻoku malimalí pea fakamatalaʻi ange te tau lava ʻo vahevahe ʻetau malimalí. Fakaafeʻi ʻa e fānaú ke nau tuhu ki he kiʻi tamasiʻi ʻoku malimali ʻi heʻenau laʻi tataú. Toutou fai e meʻa tatau ki he ngaahi fakatātā kehé.

Vilohi ʻa e foʻi poloka naʻá ke ngaohí. ʻAi ʻa e fānaú ke nau fai ha ngaahi fakatātā faingofua ke ʻalu fakataha mo e fakatātā ʻoku ʻasi ʻi ʻolunga ʻi he foʻi poloká. Pea fakaafeʻi ʻa e fānaú ke nau lea fakataha mo koe, “Te u vahevahe ʻeku [malimalí, meʻavaʻingá, meʻakaí mo e alā meʻa pehē].” ʻI he taimi ʻoku ʻasi hake ai ʻa e tafaʻaki ʻoku ʻi ai e ngaahi foʻi lea “Te u Vahevahe”, ʻai ʻa e fānaú ke pasi honau nimá pea nau lea, “Te u vahevahe.” Toutou fai pē kae ʻoua kuo ʻi ai e faingamālie ʻo e tokotaha kotoa pē ke vilohi ʻa e foʻi poloká.

ʻĪmisi

cube diagram

Lau ʻa e ʻekitivitī lau māú pea fakaafeʻi ʻa e fānaú ke kau fakataha mo koe: