ʻOku Tokoniʻi Au ʻe he Sākalamēnití Ke u Fakakaukau kia Sīsū Kalaisi

Fakaafeʻi ha taha ʻo e fānaú ke ne fai ʻa e fua lotú.

Fakaʻaliʻali ʻa e fakatātā ʻo Sīsū ʻi he peesi 106 lolotonga ia ʻokú ke hivaʻi ʻa e laine ʻuluaki ʻo e “Loto ʻApasia” (Tohi Hiva ʻa e Fānaú, 11):

Toutou fai ʻeni ke tokoni ki hono faʻu ha ʻātakai ʻapasia. Fakaafeʻi ʻa e fānaú ke hiva fakataha mo koe.

ʻĪmisi

Jesus Christ

Talaange ki he fānaú ko e ʻaho Sāpate kotoa pē ʻoku tau fai ai e meʻa ʻoku makehe ʻaupito ke tau manatuʻi ai ʻa Sīsū—lolotonga e fakatahaʻanga sākalamēnití ʻoku tau kai ʻa e meʻi mā siʻisiʻi pea inu ha kiʻi ipu vai siʻisiʻi. Talaange kiate kinautolu ʻoku ui ʻeni ko e sākalamēniti. Fakaafeʻi ʻa e fānaú ke nau lea “sākalamēniti.” Talaange ki he fānaú ʻoku tau ako mei he folofolá, ʻoku fie maʻu kitautolu ʻe Sīsū ke tau kai ʻa e sākalamēnití ke tau manatu ai kiate Ia. Fakaava e Tohi Tapú kia Luke 22:19 pea lau, “Naʻe folofola ʻa Sīsū, ʻFai ʻeni ʻi he fakamanatu kiate au.’”

Fakaʻaliʻali ʻa e fakatātā ʻo ha tīkoni ʻokú ne tufa ʻa e sākalamēnití (peesi 114). Fakamatalaʻi e ngaahi fakaikiiki ʻi he fakatātaá, hangē ko e tīkoní mo e kakai ʻoku nau tangutu fakalongolongo. ʻAi ʻa e fānaú ke nau puke ʻa e laulau sākalamēniti naʻá ke ʻomaí lolotonga iá ʻokú ke fakamatalaʻi ʻi he ngaahi lea mahinongofua ʻa e meʻa ʻoku hoko ʻi he lolotonga hono tufa ʻo e sākalamēnití—ʻoku tau fakafanongo fakalongolongo lolotonga ʻoku tāpuakiʻi ʻa e sākalamēnití; ʻoku tau toʻo e kiʻi konga mā ʻe taha; ʻoku tau inu ʻa e vaí pea toe fakafoki ʻa e ipú ki he laulaú; pea tau fakakaukau kia Sīsū.

ʻĪmisi

passing the sacrament

Lau ʻa e ʻekitivitī lau māú pea fakaafeʻi ʻa e fānaú ke kau mo koe:

Fakaʻaliʻali ʻa e fakatātā ʻo Sīsū ʻi he peesi 106. Fehuʻi ki he fānaú, “Ko hai ʻoku totonu ke tau fakakaukau ki ai ʻi he taimi ʻoku tau toʻo ai e sākalamēnití?” Fakaafeʻi ʻa e fānaú ke nau pehē, “Sīsū.”

Fakaafeʻi ha taha ʻo e fānaú ke ne fai ʻa e lotu tukú.

• Ki he ʻekitivitī mateʻi ʻo ha tahá: Aleaʻi ha tokotaha maʻu Lakanga Taulaʻeiki Faka-ʻĒlone ke haʻu ki he kalasi nesilií pea fakamatala ʻo kau ki heʻene tokoni ki hono tufa ʻo e sākalamēnití.

• Ki he fakafaivaʻí mo e vaʻingá: ʻAi ha tatau ʻo e ngaahi kaati ʻi he peesi 115. Valivali ʻa e ngaahi kātí, kapau ʻe fie maʻu pea kosi kinautolu.

  ʻĪmisi

  coloring page, sacrament book

  Te u lava ʻo fanongo lolotonga hono lau ʻo e lotu sākalamēnití.

  Te u lava ʻo fakakaukau kia Sīsū ʻi he taimi ʻoku ou kai ai ʻa e maá.

  Te u lava ʻo fakakaukau kia Sīsū ʻi he taimi ʻoku ou inu ai ʻa e vaí.

• Ki he tohi: ʻAi ha tatau pea kosi ʻa e ngaahi kaati ʻi he peesi 115 ke taki taha ʻa e fānaú. ʻOmai ha filo pe afo.

Fakafeʻiloaki hoʻo fakaafé ki he fānaú. Fakamatalaʻi ange ʻokú ne maʻu ʻa e lakanga fakataulaʻeikí. Kole kiate ia ke lea nounou fekauʻaki mo ʻene teuteuʻi, tāpuakiʻi pe tufa ʻa e sākalamēnití. Fakaafeʻi ia ke vahevahe ʻene ongo fekauʻaki mo e sākalamēnití.

Toʻo tahataha ki ʻolunga ʻa e ngaahi kaati naʻá ke teuteuʻí. Lau ʻa e fakamatalá pea ʻai ʻa e fānaú ke hangē ʻoku nau fai ʻa e meʻa ʻoku hā ʻi he tā fakatātaá (ki he ʻuluaki kaati pē ʻe tolú). Hangē ko ʻení, ʻai ke nau kūnima pea punou honau ʻulú pea ʻapasia ke pehē pē ʻoku nau toʻo ʻa e maá mo e vaí. Fakamālōʻiaʻi kinautolu ʻi heʻenau ngaahi ngāue leleí. ʻI he taimi ʻokú ke puke ai ki ʻolunga ʻa e tā fakatātā ʻo Sīsuú, fehuʻi ki he fānaú, “Ko hai ʻoku totonu ke tau fakakaukau ki ai ʻi he taimi ʻoku tau maʻu ai e sākalamēnití?”

Tuku fakafoʻohifoʻi ʻi he falikí pe ʻi he funga tēpilé ʻa e ngaahi kāti naʻá ke teuteuʻí. Fakaafeʻi ʻa e toko taha ʻi he fānaú ke fulihi hake ʻa e taha ʻo e ngaahi kaatí. Lau ʻa e fakamatala ʻi he kātí. Toutou fai kae ʻoua kuo ʻi ai ha faingamālie ʻo e tokotaha kotoa pē ʻoku fie kaú.

ʻOange ki he fānau takitaha ʻa e ngaahi kaati ʻe fā naʻá ke teuteuʻi maʻanautolú. Fakaava ʻa e tuliki ʻo e kaati takitaha. Fakahū e meʻi filó pe afó ʻi he foʻi avá pea nonoʻo ʻa e afó ke faʻu ha kiʻi tohi maʻá e fānaú takitaha. Pea lau ʻa e tohí ki he fānaú.

ʻĪmisi

book diagram