Naʻe Ngaohi ʻe Sīsū Kalaisi ʻa e Māmaní Maʻaku

Fakaafeʻi ha taha ʻo e fānaú ke ne fai ʻa e fua lotú.

Hivaʻi pe lau ʻa e lea ʻo e hiva “ʻOku ʻOfa ʻEku Tamai Hēvaní ʻIate Au” (Tohi Hiva ʻa e Fānaú, 16–17) pea fai ʻa e fakatātā ʻoku hā atu ʻi laló. Fakaafeʻi ʻa e fānaú ke kau fakataha mo koe.

Fakaava e Tohi Tapú kia Sēnesi 1:1 pea lau, “Naʻe fakatupu ʻe he ʻOtuá ʻi he kamataʻangá ʻa e langí mo māmani.” Fakaafeʻi ʻa e fānaú ke toe lau tahataha ʻa e ngaahi lea ʻo e potufolofolá fakataha mo koe. Fakamatalaʻi naʻe fekau ʻe he Tamai Hēvaní kia Sīsū Kalaisi ke Ne faʻu ʻa e māmaní mo e ngaahi meʻa ʻi aí; naʻe toe faʻu ʻe Sīsū ʻa e laʻaá ke ne ʻomai kiate kitautolu ʻa e māmá. Fakaafeʻi ʻa e fānaú ke hiki honau nimá ki ʻolunga ʻi honau ʻulu ʻi he siakale pea lea “laʻā.”

Talaange ki he fānau naʻe faʻu ʻe Sīsū ʻa e ngaahi fetuʻu ʻoku tau sio ki ai ʻi he poʻulí. Fakaafeʻi ʻa e fānaú ke fakaava mo tāpuni honau nimá ke hangē ko e ngaahi fetuʻu ngingilá pea lea “ngaahi fetuʻu.”

Fakaʻaliʻali ʻa e fakatātā ʻi he peesi 34. Tuhu ki he ʻulu ʻakaú pea talaange ki he fānaú naʻe ngaohi ʻe Sīsū ʻa e ʻakaú. Fakaafeʻi ʻa e fānaú ke nau tuʻu pea fao ki ʻolunga honau nimá ke hangē pē ha fuʻu ʻakaú ʻoku puhi ʻe he havilí. Fakaafeʻi kinautolu ke nau lea “ʻakau.”

ʻĪmisi

plants and animals

Tuhu ki he fanga manu ʻi he fakatātaá pea fakamatala ange naʻe faʻu ʻe Sīsū ʻa e fanga manú. Fakaafeʻi ʻa e fānaú ke fakahingoa mai e fanga manu ʻe niʻihi pea ʻai e lea ʻa e fanga manu ʻe niʻihi.

Fakamatalaʻi ange naʻe faʻu ʻe Sīsū ʻa e ngaahi meʻa kotoa ko ʻení koeʻuhí ʻokú Ne ʻofa ʻiate kitautolu. Fakahaaʻi ʻa hoʻo houngaʻia ʻi hotau māmani fakaʻofoʻofá.

Fakaafeʻi ha taha ʻo e fānaú ke ne fai ʻa e lotu tukú.

• Ki he ʻekitivitī tengaʻiʻakaú: ʻOmai ha ipu pelesitiki ke taki taha e fānaú. ʻOmai foki mo e kelekele ke faʻo ʻi he ipú pea ʻomai mo e tengaʻiʻakau (hangē ko e piini, koane pe tengaʻi uite) ke tō ʻe he fānau takitaha. ʻI he ipu takitaha tohiʻi ai “Naʻe Faʻu ʻe Sīsū Kalaisi ʻa e tengaʻiʻakaú Maʻaku.” Teuteuʻi ha kiʻi nouti ʻo fakamatalaʻi ai ʻa e founga ke tokangaʻi ʻaki e tengaʻiʻakaú, ke ʻalu mo e fānaú ki honau ʻapi.

• Ki he ʻekitivitī tohí: ʻAi ha tatau ʻo e peesi 35 ke taki taha ʻa e fānaú ke nau valivali. ʻOmai ha tepi pe kulū.

  ʻĪmisi

  coloring page, Creation book

  Naʻe Faʻu ʻe Sīsū Kalaisi ʻa e Māmaní Maʻaku

  Naʻe faʻu ʻe Sīsū ʻa e laʻaá.

  Naʻa Ne faʻu ʻa e mahiná mo e ngaahi fetuʻú

  Naʻa Ne ngaohi ʻa e ʻulu ʻakaú.

  Naʻa Ne faʻu ʻa e fanga monumanu.

Hivaʻi pe lau ʻa e ngaahi lea ʻo e hiva ko e “Fakaʻofoʻofa ʻa Māmaní” (Tohi Hiva ʻa e Fānaú, 123) pea fai ʻa e fakatātā ʻoku hā atu ʻi laló. Fakaafeʻi ʻa e fānaú ke nau kau fakataha mo koe.

ʻAi e kelekele ʻi he ngaahi ipu takitaha naʻá ke ʻomaí pea tuku ke takitaha tō ʻe he fānaú ha tengaʻiʻakau. Lolotonga ʻenau fai ʻení, talaange kiate kinautolu kapau te nau fuʻifuʻi ʻenau tengaʻiʻakaú pea tuku nautolu ki ha feituʻu oku laʻalaʻaá, ʻe tupu ʻa e ngaahi tengaʻiʻakau ko iá ko ha ngaahi fuʻu ʻakau. Fakamanatu kiate kinautolu naʻe ngaohi ʻe Sīsū ʻa e tengaʻiʻakaú, kelekelé, ʻuhá mo e huelo ʻo e laʻaá. ʻAi ʻa e mātuʻá ke nau ʻave ki ʻapi ʻa e ngaahi ipu ʻa e fānaú koeʻuhí ke nau lava ʻo siofi e tupu ʻa ʻenau ngaahi tengaʻiʻakaú. ʻOku feʻunga ʻa e ʻekitivitī ko ʻení ki he fānau lalahi angé.

ʻAi ʻa e fānaú ke nau valivali ha tatau ʻo e fakatātā ʻi he peesi 35. Lolotonga ʻenau valivalí, toe fakamanatu ʻa e ngaahi meʻa naʻá ke akoʻi ʻi he lēsoní. ʻI he taimi te nau ʻosi aí, pelu ʻa e fakatātaá pea tepiʻi pe kuluuʻi ʻo fakatatau ki he ngaahi fakahinohino ʻi he fakatātaá. Pea lau ʻa e tohí fakataha mo e fānaú.

ʻĪmisi

book diagram