Naʻe Toetuʻu ʻa Sīsū (Toetuʻu)

Fakaafeʻi ha taha ʻi he fānaú ke ne fai ʻa e fua lotú.

Fakahā ange ʻa e fakatātā ʻi he peesi 122. Fakamatalaʻi ange ʻa e ngaahi fakaikiiki ʻi he fakatātaá lolotoga hoʻo fai ʻi he founga mahinongofua ʻa e talanoa ki he Toetuʻu ʻa Sīsū Kalaisí (vakai, Sione 19:41–42; 20:1, 11–16). Hangē ko ʻeni:

ʻI he pekia ʻa Sīsuú, ne loto mamahi Hono kaungāmeʻá (ʻai ke fakatātaaʻi ʻe he fānaú ʻa e mata mamahí). Naʻa nau tuku ʻa e sino ʻo Sīsuú ki ha fonualoto ne hangē ha ʻaná (tuhu ki he fonualoto ʻi he fakatātaá). Ne tekaʻi mai ha fuʻu maka ki muʻa ʻi he matapaá (ʻai e fānaú ke nau fakatātaaʻi hano tekeʻi ha fuʻu maka lahi mo mamafa). Hili ha ʻaho ʻe tolu, (ʻai ke puke hake ʻe he fānaú ha ngaahi foʻi tuhu ʻe tolu), ne tekaʻi ʻe ha ongo ʻāngelo ʻa e fuʻu maká. Ne toe moʻui ʻa Sīsū! (Tuhu kia Sīsū ʻi he fakatātaá) Kuó Ne toetuʻu (tokoni ki he fānaú ke nau lea ʻaki ʻa e foʻʻi lea ko e “toetuʻu”). Ne fiefia ʻa e kaungāmeʻa ʻo Sīsuú! Kuó ne moʻui pea he ʻikai te Ne toe pekia!

Ko Melé, ko e taha ia hono ngaahi kaungāmeʻá (tuhu kia Mele ʻi he fakatātaá). Naʻá ne loto mamahi ʻi Heʻene pekiá. ʻI he toetuʻu ʻa Sīsuú, ko Mele ʻa e tokotaha naʻe fuofua mamata kiate Iá. Naʻá ne fuʻu fiefia he kuo moʻui ʻa Sīsū (ʻai e fānaú ke nau fakatātaaʻi ʻa e mata fiefiá).

ʻĪmisi

Jesus and Mary by the tomb

Talaange ki he fānaú ʻe lava ke toetuʻu pea moʻui ʻo taʻengata ʻa e tokotaha kotoa pē koeʻuhí ko Sīsū. ʻAi e fānaú ke nau toe fakatātaaʻi a e mata fiefiá.

Hivaʻi pe lau ʻa e ʻuluaki veesi ʻo e “Naʻe toetuʻu Nai ʻa Sīsū?” (Tohi Hiva ʻa e Fānaú, 45) fakatātaaʻi ʻo hangē ko ia ʻoku ʻasi atu ʻi laló. Fakaafeʻi ʻa e fānaú ke nau kau fakataha atu mo koe.

Fakafeʻi ʻa e fānaú ke nau lea ʻo pehē, “Naʻe toetuʻu ʻa Sīsū,” ʻo foʻi lea ʻe taha pe ua ʻi he taimi ʻe taha. Vahevahe nounou ange ki he fānaú ʻa hoʻo fakamoʻoni naʻe toetuʻu ʻa Sīsū Kalaisi.

Fakaafeʻi ha taha he fānaú ke ne fai e lotu tukú.

• Ki he talanoa: ʻAi ha tatau ʻo e fakatātā ʻi he peesi 123. Valivali kinautolu peá ke fakapipiki kinautolu ki ha pepa fefeka ʻo kapau te ke fie maʻu. Kosi ʻa e fakatātaá pea kosi mo e hūʻanga ko ia ki he fonualotó ʻo fakatatau ki he ngaahi laine motumotú.

  ʻĪmisi

  coloring page, Resurrection illustration

• Ki he ʻekitivitī valivalí: ʻAi ha tatau ʻo e fakatātā ʻi he peesi 123 maʻá e kiʻi tamasiʻi takitaha. Kosi ʻa e fakatātaá pea kosi mo e hūʻanga ki he fonualotó.

Fakaafeʻi ʻa e fānaú ke nau tuʻu ʻo fakafuopotopoto pea nau pikinima. Hivaʻi pe lau ʻa e fakalea ʻo e “Kuo Toetuʻu ʻa Sīsū” (tohi Hiva ʻa e Fānaú, 44) pea fakatātaaʻi ʻo hangē ko ia ʻoku ʻasi atu ʻi laló:

Mou toutou hivaʻi pē ia ʻo fakatatau mo e fie maʻu ʻa e fānaú.

Toe fai ʻa e talanoa ki he Toetuʻu ʻa Sīsū Kalaisí, ka ke fakaʻaongaʻi he taimí ni ʻa e fakatātā ko ia naʻá ke kosí. ʻOku ʻasi atu ʻi lalo ʻa e sīpingá:

(Kamata ʻaki ʻa e fakatātā ko ia ʻo Sīsū ʻokú Ne tuʻu pea kuo tekeʻi a e maká mei he matapā ʻo e fonualotó.) ʻI he pekia ʻa Sīsuú ne tuku Hono sinó ʻi ha fonualoto (fakatokoto ʻa e fakatātā ʻo Sīsuú ʻi [mui] he loto fonualotó). Naʻe tekaʻi ha fuʻu maka ki muʻa ʻi he matapaá (tekaʻi ʻa e fuʻu maká ki muʻa ʻi he fonualotó). ʻI he ʻaho hono tolú, ne omi ha ongo ʻāngelo ʻo tekaʻi ʻa e fuʻu maká (tekaʻi ʻa e fuʻu maká mei he matapaá). Naʻe toetuʻu ʻa Sīsū (fokotuʻu ʻa e fakatātā ʻo Sīsuú ki ʻolunga). Ne toe fakataha ʻa Hono laumālié mo Hono sinó! [Vakai, Susan Payson, “Easter Story,” Friend, Apr. 1995, 32–33.]

ʻĪmisi

illustration diagram

ʻOange ki he fānaú ʻa e ngaahi fakatātā ko ia naʻá ke kosi maʻanautolú. Fakaʻaliʻali ange kiate kinautolu ʻa e founga te nau lava ke fakaʻaongaʻi ai ia ke toe fakamanatu ʻa e talanoa ʻo e Toetuʻu ʻa Sīsuú. ʻOku feʻunga ʻaupito ʻa e ʻekitivitī ko ʻení mo e fānau lalahí.