Ko Sīsū Kalaisí Ko e ʻAlo ʻo e Tamai Hēvaní (Kilisimasí)

Fakaafeʻi ha taha ʻo e fānaú ke ne fai ha fua lotu.

Fakahā ange ʻa e fakatātā ʻi he peesi 126. Fakaafeʻi ʻa e fānaú ke nau kumi ʻa e pēpē ʻi he fakatātaá. Talaange kiate kinautolu ko hono hingoá ko Sīsū peá ke fakaafeʻi kinautolu ke nau lea ʻaki ʻa e “Sīsū”.” ʻAi e fānaú ke nau pehē pē ʻoku nau fuofua ha pēpē.

ʻĪmisi

Mary and baby Jesus

Tuhu kia Mele ʻi he fakatātaá pea talaange ki he fānaú, “Ko e faʻē ʻeni ʻa Sīsuú. Ko hono hingoá ko Mele.”

Talaange ki he fānaú ko Sīsuú ko e ʻAlo ia ʻo e Tamai Hēvaní. Fakaafeʻi ʻa e fānaú ke nau angimui atu ʻo pehē, “Ko Sīsuú ko e ʻAlo ia ʻo e Tamai Hēvaní,” ʻo lau tahataha ʻa e ngaahi foʻi leá. Talaange naʻe fekauʻi mai ʻe he Tamai Hēvaní ʻa Hono ʻAló, ʻa Sīsū Kalaisi ki he māmaní he ʻokú Ne ʻofa ʻiate kitautolu.

Tuhu ki he pēpē ko Sīsuú ʻi he taá. Talaange ki he fānaú te mou hivaʻi ha foʻi hiva. Fakaafeʻi kinautolu ke nau pehē, “Naʻá ne Fekau Hono ʻAló” ʻi he taimi te ke tuhu ai ki he pēpē ko Sīsuú. Tuku ke nau toutou ʻahiʻahi hono fai ʻení pea mou hivaʻi pe lau ʻa e ngaahi lea ki he “Naʻá Ne Fekau Hono ʻAló” (Tohi Hiva ʻa e Fānaú, 20–21):

Fakaʻaliʻali ange ʻa e fakatātā ʻo Sīsū Kalaisi ʻi he peesi 106. Talaange ki he fānaú naʻe tupu hake ʻa e pēpē ko Sīsuú ʻo hoko ko hotau Fakamoʻuí, ʻa Sīsū Kalaisi. Fakaafeʻi kinautolu ke nau pehē, “Naʻá ne Fekau Hono ʻAló” ʻi he taimi te ke tuhu ai ki he fakatātā ʻo e Fakamoʻuí. Hivaʻi pe lau ʻa e fakalea ʻo e “Naʻá ne Fekau Hono ʻAló”:

ʻĪmisi

Jesus Christ

Fakahā hoʻo houngaʻia ʻi hono fekauʻi mai ʻe he Tamai Hēvaní ʻa Sīsū Kalaisí. Vahevahe hoʻo fakamoʻoní ko Sīsū Kalaisí ko e ʻAlo ia ʻo e Tamai Hēvaní.

Fakaafeʻi ha taha ʻi he fānaú ke ne fai e lotu tukú.

• Maʻá e ngaahi tamapua ʻakaú: ʻAi ha tatau ʻo e fakatātā ʻi he peesi 127 pea kosi ʻa e fakatātaá maʻá e fānaú takitaha. Tepiʻi pe kuluuʻi ha vaʻakau ʻi he tuʻa fakatātā takitaha ke ngaohi ʻaki ha tamapua ʻakau maʻá e fānaú.

  ʻĪmisi

  coloring page, Nativity pictures

• Maʻá e ʻekitivitī folofolá: Haʻu mo ha tatau ʻo e Tohi ʻa Molomoná. Fakaʻilongaʻi ʻa e 3 Nīfai 9:15 ke faingofua hoʻo huke ki aí.

ʻOange ki he fānaú ʻa e fanga kiʻi tamapua ʻakau naʻá ke ngaohi maʻanautolú. Fakamatalaʻi nounou ange ʻa e talanoa ʻo hono ʻaloʻi ʻo Sīsū Kalaisí ʻi hoʻo lea pē ʻaʻaú (vakai, Luke 2:4–16). Fakaafeʻi ʻa e fānaú ke nau puke hake ʻenau tamapua ʻakaú ʻi he ngaahi taimi totonú lolotonga e talanoá. ʻOku feʻunga moʻoni ʻa e ʻekitivitī ko ʻení mo e fānau lalahí.

ʻĪmisi

puppet diagram

Hivaʻi pe lau ʻa e fakalea ʻo e “Naʻe ʻAloʻi Mai ʻa Sīsū Kalaisi” (Tohi Hiva ʻa e Fānaú, 26–27) pea fakatātaaʻi ʻa e meʻa ʻoku fokotuʻu mai ʻe he fakaleá. Fakaafeʻi ʻa e fānaú ke nau kau atu mo koe.

Lau ʻa e ʻekitivitī lau maau ko ʻení pea fakaafeʻi ʻa e fānaú ke nau kau fakataha atu mo koe:

Talaange ki he fānaú naʻe folofola mai ʻa Sīsū kiate kitautolu ʻi he folofolá ko e ʻAlo ia ʻo e ʻOtuá, ʻa ʻetau Tamai Hēvaní. Fakaava hake ʻa e Tohi ʻa Molomoná ki he 3 Nīfai 9:15 pea lau ia, “Vakai, ko au ko Sīsū Kalaisi ko e ʻAlo ʻo e ʻOtuá.” Fakaafeʻi ʻa e fānaú ke nau lea fakataha mo koe ʻo pehē, “ko e ʻAlo ʻo e ʻOtuá.”