Ɔfã 100
Nyikyerɛ a wɔdze maa Joseph Smith Nkɔnhyɛnyi no na Sidney Rigdon, wɔ Perrysburg, New York, Ɔbɛsɛ 12, 1833. Ɔnam dɛ nna enuanom beenu yi efi hɔn ebusuafo nkyɛn nda pii ntsi, hɔn enyi ebesi hɔn do.
1–4, Joseph na Sidney wɔdɛ wɔkɛkã asɛmpa no ama akra eenya nkwagye; 5–8, Dɔn no mu wɔdze dza ɔsɛ dɛ wɔnkã no bɛma hɔn; 9–12, Sidney nyɛ ɔkasamaafo na Joseph nyɛ obi a onya oyikyerɛfo, na ɔyɛ ɔdasegyefo mapã; 13–17, Ewuradze beyi nkorɔfo a hɔn ho tsew ama, na wɔbɛgye hɔn a wɔyɛ setsie no nkwa.
1 Nokwar, dɛm na Ewuradze se, hom m’anyɛnkofo Sidney Rigdon na Joseph, hom ebusuafo ho ye; wɔhyɛ me nsamu, na dza oye ma me no na mebɛyɛ ama hɔn; na mo mu na tum nyina wɔ.
2 Dɛm ntsi, hom nkã mo do, na hom ntsie afotu a medze bɛma hom.
3 Hwɛ na hu dɛ mowɔ nkorɔfo pii wɔ dɛm mbea yi do, mantɔw a etwa hɛn ho ehyia yi nyina do; na wobobue abow pa bi wɔ dɛm mbea a etwa ehyia mantɔw yi ho wɔ boka asaase yi do.
4 Dɛm ntsi, emi, Ewuradze, memaa hom kwan dɛ hom mbra dɛm bea yi do; na dɛm na no ho hia me osian akra hɔn nkwagye ntsi.
5 Dɛm ntsi, nokwar mese hom dɛ, hom mma hom ndze do wɔ nkorɔfo yi do; hom nkã nsɛm a medze bɛhyɛ hom akoma mu no, na hom enyim runngu ase wɔ nkorɔfo enyim;
6 Na dɔn noara mu, nyew, wɔ ber noara mu, na wɔdze dza ɔsɛ dɛ hom kã no bɛma hom.
7 Mbom mbrasɛm a medze ma hom nye dɛ, dza hom bɛkã biara wɔ me dzin mu no, hom mfa akoma a ɔyɛ awɔse nye sunsum a ɔyɛ ɔdwe nkã.
8 Na mobɔ hom anohoba yi dɛ, mber dodow biara a hom bɛyɛ iyi no, mebɛma Sunsum Krɔnkrɔn no edzi hom kan agye dase wɔ ndzɛmba nyina a hom bɛkã ho.
9 Na ohia ma me dɛ m’akowaa Sidney bɛyɛ ɔkasamaafo ama nkorɔfo yi; nyew, nokwar, mebɛhyɛ wo sɔfo dze ama dɛm ɔfrɛ yi, dɛ ebɛyɛ ɔkasamaafo mpo ama m’akowaa Joseph.
10 Na mebɛma no tum ma ɔayɛ ɔdasegyefo mapã.
11 Na mebɛma wo tum ma etum esiansian kyerɛwsɛm no nyina mu yie, ama eetum ayɛ ɔkasamaafo ama no, na ɔno so bɛyɛ oyikyerɛfo ama wo, ama eetum ehu dɛ m’ahenman a ɔwɔ asaase do no mu ndzɛmba nyina yɛ nokwar.
12 Dɛm ntsi, hom nsɔw hom akwantu no do na hom mma hom akoma ndzi dɛw; na hom nhwɛ nhu dɛ, menye hom wɔ hɔ kesi ewiei mpo.
13 Na afei, merekã hom asɛm bi a ɔfa Zion ho. Ɔwɔ mu dɛ wɔretsẽa Zion hyɛber kakra dze, naaso wɔbɔpon no.
14 Hom nuanom, mo nkowaa Orson Hyde na John Gould, wɔ me nsamu; na mber dodow biara a wobedzi me mbrasɛm do no, wɔbɛgye hɔn nkwa.
15 Dɛm ntsi, hom mma hom akoma ntɔ hom yamu; osiandɛ ndzɛmba nyina besi yie ama hɔn a wɔnantsew nokwar mu, ama ɔaatsew asɔr no ho.
16 Na mibeyi nkorɔfo a hɔn ho tsew ama moho, na wɔbɔsom me wɔ tseneneeyɛ mu;
17 Na hɔn a wɔbɔ Ewuradze ne dzin na wodzi ne mbrasɛm do no, wɔbɛgye hɔn nkwa. Ɔnyɛ hɔ dɛm. Amen.