Ho Tsew, Ahotsew Hwɛ Ahotsew; Ho Tsew na ho Nntsew iyi so Innyi bɔn anaa afɔdzi; inndzi fɔ. Nyimpa bɛyɛ ɔhotsewnyi wɔ ber a n’adwen na ne ndzeyɛɛ ho tsew wɔ kwan biara do. Nyimpa a ɔayɛ bɔn noho botum atsew wɔ ber a oenya gyedzi wɔ Jesus Christ mu, oenu noho, na ɔagye asɛmpa no ho ayɛdze no. Nyia ne nsa ho nnyi fĩ na n’akoma mu tsew no benya Ewuradze hɔ nhyira, Ndw. 24:3–5. Hom ho ntsew, hom a hom soso Ewuradze no nkuraba, Isa. 52:11 (N&A 133:4–5). Nhyira akã hɔn a hɔn akoma mu atsew, Matt. 5:8 (3 Ne. 12:8). Dza ho tsew, hom ndwen dɛm ndzɛmba yi ho, Philip. 4:8 (G ho N 1:13). Hom a hom akoma mu tsew nyina, hom mma hom tsir do na hom ngye Nyankopɔn n’asɛm a ɔyɛ enyigye, Jacob 3:2–3. Ana hom botum dze akoma a no mu tsew na nsa a no ho tsew ahwɛ Nyankopɔn wɔ da no, Alma 5:19. Wɔtseew hɔnho na nkekãa biara nnyi hɔnho wɔ Nyankopɔn enyim no, woenntum annhwɛ bɔn na mbom wokyirii, Alma 13:12. Hom mma homho ntsew tse dɛ mbrɛ Christ mpo noho tsew, Moro. 7:48 (Morm. 9:6). Christ dze nyimpa a hɔnho tsew besie ama noho, N&A 43:14. Ewuradze hyɛɛ dɛ wonsi fi wɔ Zion a ahotsewfo bohu Nyankopɔn wɔ mu, N&A 97:10–17. Iyi nye Zion-akoma a mu tsew, N&A 97:21.