Nsaafee no nye president na n’apamfo no hɔn ndzinoa, anaa tum a Nyankopɔn dze ama nyimpa dɛ ɔmfa nkyerɛ kwan, ondzi do tum, na ɔmfa nhwɛ Nyankopɔn N’asɔfodzi do wɔ asaase do. Hɔn a wokitsa Asɔfodzi no a wɔafrɛ hɔn akɔ president na n’apamfo dzibew mu no na hɔn nsa kã nsaafee no fi hɔn a wɔwɔ do tumdzi no hɔ. Hɔn a wokitsa Asɔfodzi no dze asɔfodzi no dzi dwuma nko wɔ n’ahe a hɔn a wokitsa nsaafee no akyerɛ hɔn no mu. Asɔr no ne President no nye nyimpa kortsee a ɔwɔ asaase yi do a okitsa asɔfodzi nsaafee no nyina na ɔwɔ tumdzi dɛ ɔdze ne nyina dzi dwuma (N&A 107:65–67, 91–92; 132:7).