Í dag
Okkar lifandi spámaður gerir sinn hlut til að fylla jörðina af Mormónsbók. Við verðum að fylgja fordæmi hans.
Kæru bræður og systur, í Mormónsbók er orðtakið „í dag“1 notað ítrekað til að vekja athygli á leiðsögn, loforðum og kenningum. Í lokaræðu Benjamíns konungs aðvaraði hann fólkið: „Hlustið á mig [í dag,] … ljúkið upp eyrum yðar, svo að þér megið heyra, og hjörtum yðar, svo að þér megið skilja, og hugum yðar, svo að leyndardómar Guðs megi afhjúpast augliti yðar.“2 Aðalráðstefna er álíka vettvangur. Við komum til að hlýða á leiðsögn „í dag,“ svo við megum „[alltaf vera trú]“3 Drottni og fagnaðarerindi hans. Að láta sannfærast „í dag,“ er mikilvægi þess að endurnýja skuldbindingu okkar við Mormónsbók, sem Joseph Smith sagði vera „réttari en allar aðrar bækur á jörðinni.“4
Ég er með eintak af Mormónsbók í hendinni. Þetta er 1970 árgangsútgáfan mín og hún er mér dýrmæt. Af útliti sínu er hún máð og slitin, en engin önnur bók er jafn mikilvæg lífi mínu og vitnisburði og þessi. Þegar ég las hana vitnaði andinn fyrir mér að Jesús Kristur er sonur Guðs,5 að hann er frelsari minn,6 að þessar ritningar eru orð Guðs7 og að fagnaðarerindið er endurreist.8 Þessi sannindi eiga sér djúpar rætur í mér. Spámaðurinn Nefí sagði: „Sál mín hefur unun af öllu, sem Drottin snertir.“9
Frá vinstri: Öldungur Ronald A. Rasband, ungur trúboði; Harold Wilkinson forseti Austur-Bandaríkjatrúboðsins; og öldungur Marion D. Hanks, aðalvaldhafi Sjötíu.
Hér er saga úr lífi mínu. Sem ungur trúboði, fór ég að leiðsögn öldungs Marions D. Hanks, sem heimsótti okkur í Austur-Bandaríkjatrúboðið. Hann var fyrrverandi forseti breska trúboðsins og tveir trúboða hans eru á pallinum í dag; mínir kæru bræður, öldungur Jeffrey R. Holland og öldungur Quentin L. Cook.10 Á sama hátt og hann gerði við trúboða sína í Englandi, skoraði hann á okkur að lesa ómerkt eintak af Mormónsbók, hið minnsta tvisvar. Ég tókst á við verkefnið. Í fyrri lestrinum átti ég að merkja við eða undirstrika allt sem vísaði til eða bar vitni um Jesú Krist. Ég notaði rauðan blýant og undirstrikaði marga ritningarhluta. Í síðari lestrinum bauð öldungur Hanks að merkt yrði við reglur og kenningar fagnaðarerindisins og í það skiptið notaði ég bláan lit til að merkja við ritningarnar. Ég las Mormónsbók tvisvar, eins og lagt var upp með, og síðan tvisvar í viðbót og notaði gult og svart til að merkja ritningarhluta sem vöktu mér áhuga.11 Eins og þið sjáið, þá gerði ég margar athugasemdir.
Í lestri mínum fólst miklu meira en að merkja við ritningarvers. Við hvern lestur Mormónsbókar, spjaldanna á milli, fylltist ég djúpri elsku til Drottins. Ég fann fyrir rótföstum vitnisburði um sannleika kenninga hans og hvernig þær eiga við „í dag.“ Titilinn „Annað vitni um Jesú Krist,“ er sniðinn að efni bókarinnar.12 Með þennan lærdóm og þann andlega vitnisburð sem ég hlaut, varð ég trúboði Mormónsbókar og lærisveinn Jesú Krists.13
„Í dag“ er Russell M. Nelson forseti einn mesti trúboði Mormónsbókar. Þegar hann var nýkallaður postuli, flutti hann fyrirlestur í Accra, Gana.14 Viðstaddir voru tignarmenn, þar á meðal afrískur ættbálkakonungur, sem hann ræddi við í gegnum túlk. Konungurinn tók nám sitt í Bibíunni alvarlega og elskaði Drottin. Eftir ræðu Nelsons forseta, leitaði konungurinn til hans og spurði á fullkominni ensku: „Hver ert þú? Nelson forseti útskýrði að hann væri vígður postuli Jesú Krists.15 Næsta spurning konungsins var „Hvað getur þú kennt mér um Jesú Krist?“16
Nelson forseti náði í Mormónsbók og opnaði hana í 3. Nefí 11. Saman lásu Nelson forseti og konungurinn prédikun frelsarans fyrir Nefítum: „Sjá, ég er Jesús Kristur, sem spámennirnir vitnuðu um, að koma mundi í heiminn. … Ég er ljós og líf heimsins.“17
Nelson forseti gaf konungi þetta eintak af Mormónsbók og konungurinn svaraði: „Þú hefðir getað gefið mér demanta eða rúbína, en ekkert er mér dýrmætara en þessi viðbótarþekking um Drottin Jesú Krist.“18
Þetta er ekki eitt einangrað dæmi um það hvernig okkar ástkæri spámaður deilir Mormónsbók. Hann hefur gefið hundruðum manna eintök af Mormónsbók og ber alltaf vitni um Jesú Krist. Þegar Nelson forseti hittir gesti, forseta, konunga, þjóðhöfðingja, leiðtoga fyrirtækja og samtaka og ólíkra trúarbragða, hvort sem er í höfuðstöðvum kirkjunnar eða á þeirra eigin stöðum, kynnir hann þessa bók opinberaðrar ritningar af lotningu. Hann hefði getað gefið þeim svo margt annað vafið borðum, sem hægt væri að setja á borð eða skrifborð eða í skáphillu, til að minna á heimsókn hans. Þess í stað gefur hann það sem er honum dýrmætast, langt umfram rúbína og demanta, eins og ættbálkakonungurinn sagði.
„Sannleikur Mormónsbókar,“ sagði Nelson forseti, „hefur kraft til að lækna, hugga, endurreisa, hjálpa, styrkja, hughreysta og gleðja sálir okkar.“19 Ég hef séð hvernig þessi eintök af Mormónsbók hafa verið færð í hendur þeirra sem hafa tekið á móti þeim frá spámanni Guðs. Engin gjöf getur verið dýrmætari.
Nýlega hitti hann forsetafrú Gambíu á skrifstofu sinni og rétti henni auðmjúkur Mormónsbók. Hann lét ekki þar við sitja. Hann fletti síðum bókarinnar til að lesa með henni og kenna og bera vitni um Jesú Krist, friðþægingu hans og kærleika hans til allra barna Guðs – hvarvetna.
Okkar lifandi spámaður gerir sinn hlut til að sópa jörðina með Mormónsbók.20 Hann getur þó ekki lokið einn upp flóðgáttunum. Við verðum að fylgja fordæmi hans.
Innblásinn af fordæmi hans, hef ég reynt að deila Mormónsbók af meiri auðmýkt og eldmóði.
Ég var nýlega í verkefni í Mósambík. Borgarar þessa fallega lands glíma við fátækt, heilsubresti, atvinnuleysi, storma og pólitíska ólgu. Ég naut þess heiðurs að hitta forseta landsins, Filipe Nyusi. Að beiðni hans, bað ég fyrir honum og þjóð hans; ég sagði honum að við værum að byggja musteri Jesú Krists21 í landi hans. Í lok heimsóknarinnar færði ég honum eintak af Mormónsbók á portúgölsku, móðurmáli hans. Þegar hann tók við bókinni með þakklæti, bar ég vitni um vonina og fyrirheitið fyrir þjóð hans, sem finna má í orðum Drottins á síðum hennar.22
Við annað tækifæri, áttum ég og eiginkona mín, Melanie, stund með Letsie III, konungi og drottningu af Lesótó, á heimili þeirra.23 Fyrir okkur, var hápunktur heimsóknar okkar að afhenda þeim eintak af Mormónsbók og gefa síðan vitnisburð minn. Þegar ég lít til baka á þá reynslu og aðrar, kemur vers í síðari daga ritningum upp í hugann: „Að hinir veiku og einföldu fái boðað fyllingu fagnaðarerindisins til endimarka heims, og frammi fyrir konungum og stjórnendum.“24
Ég hef deilt Mormónsbók með Indra Mani, sendiherra Indlands26hjá Sameinuðu þjóðunum í Genf og með hans heilagleika Bartholomew partíarka26 frá Austur-rétttrúnaðarkirkjunni og mörgum öðrum. Ég hef fundið anda Drottins með okkur þegar ég hef persónulega afhent þeim þennan „burðarstein trúar okkar“27 og borið vitni um Jesú Krist, hyrningarstein trúar okkar.28
Bræður og systur, þið þurfið ekki að fara til Mósambík eða Indlands eða hitta konunga og höfðingja til að geta gefið einhverjum þessa bók helgra kenningar og loforða. Ég býð ykkur í dag að gefa Mormónsbók vinum ykkar og fjölskyldu, vinnufélögum, fótboltaþjálfara ykkar eða framleiðslumanninum á markaði ykkar. Þau þurfa orð Drottins sem finna má í þessari bók. Þau þurfa svör við spurningum þessa lífs og hins ókomna eilífa lífs. Þau þurfa að vita um sáttmálsveginn sem fyrir þeim liggur og varanlegan kærleika Drottins til þeirra. Þetta er allt hér í Mormónsbók.
Þegar þið gefið þeim Mormónsbók eruð þið að opna huga þeirra og hjörtu fyrir orði Guðs. Þið þurfið ekki að hafa prentuð eintök af bókinni meðferðis. Þið getið auðveldlega miðlað henni úr farsímanum ykkar frá ritningarhlutanum í Gospel Library appinu.29
Hugsið um alla þá sem gætu hlotið blessun fagnaðarerindisins í lífi sínu og sendið þeim síðan stafræna Mormónsbók úr símanum ykkar. Munið að láta vitnisburð ykkar fylgja með og hvernig þessi bók hefur blessað líf þitt.
Kæru vinir mínir, sem postuli Drottins, býð ég ykkur að fylgja okkar ástkæra spámanni, Nelson forseta, í því að fylla jörðina af Mormónsbók. Þörfin er svo mikil; við þurfum að bregðast við núna. Ég lofa að þið munið taka þátt í „mikilvægasta verki á jörðu,“ samansöfnun Ísraels,30 þegar þið eruð innblásin til að liðsinna þeim sem „haldið [er] frá sannleikanum vegna þess að þeir vita ekki hvar hann er að finna“31 Þau þurfa vitnisburð ykkar og vitnisburðinn um það hvernig þessi bók hefur breytt lífi ykkar og aukið nálægð ykkar við Guði, frið hans32 og hans „[miklu] gleðitíðindi.“33
Ég ber vitni um að Mormónsbók var fyrirbúin að guðlegri skipan í Ameríku til forna, til að koma fram til að lýsa yfir orði Guðs, til að leiða sálir til Drottins Jesú Krists og hins endurreista fagnaðarerindi hans „í dag.“ Í nafni Jesú Krists, amen.