Mennin Bwilōn̄ ko, Enjeļ ro, im Kajoor eo an Priesthood eo

Rainin, elōn̄ ro rej ba bwe ejako an waļo̧k mennin bwilōn̄ ko, ejjeļok enjeļ, im lan̄ ekilōk. Ij kam̧ool bwe mennin bwilōn̄ ko rejjan̄in bōjrak, ewōr enjeļ ilubwiljid, im lan̄ ellukun peļļok.

Ke Rilo̧mo̧o̧r, Jisōs Kraist, eaar pād laļin, Eaar leļok kii ko an Priesthood eo n̄an Rijilōk eo An eutiej Pita.¹ Kōn kii kein, Pita im Rijilōk ro jet raar tōl kabun̄ in an Rilo̧mo̧o̧r. Ak ke Rijilōk ro rej mej, kii ko an priesthood eo kar būki jān laļin.

Ij kam̧ool bwe kii ko an priesthood ilo tōre ko etto em̧ōj aer bar jepļaaktok. Pita, Jemes, im Jon im bar jet rikanaan ro jān etto raar waļo̧k āinwōt ro em̧ōj aer jerkakpeje im leļo̧k n̄an Rikanaan Josep Smith ilo an Irooj ba, “ki ko an aelōn̄ eo Aō, im juon tōrean bōk eddo an gospel eo.”²

Ejja kii kein wōt kar leļo̧k jān Rikanaan n̄an Rikanaan tok n̄an rainin. Em̧m̧an rein 15, jej rejtake er āinwōt Rikanaan, rilolo, im ribbōk revelesōn kōjerbal er n̄an tōl Kabun̄ in an ad Rilo̧mo̧o̧r. Ilo tōre ko etto, ewōr juōn Rijilōk ej tōl eo ej kabwijōr im em̧ōj kōmālimi n̄an kōjerbal aolep kii ko an Priesthood eo. E ej Būreejtōn Russell M. Nelson, rikanaan im Būreejtōn eo an Kabun̄ eo an Kraist me em̧ōj an jepļaaktok ilo raan kein: Kabun̄ eo an Jisōs Kraist im Armej ro rekwojarjar ilo Raan Ko Āliktata.

Kōn Kabun̄ in an Rilo̧mo̧o̧r, jej bōk kōjeram̧m̧an ko an Priesthood eo—ekoba kajoor eo an Anij n̄an jipan̄ kōj ilo mour kein ad. Ium̧win kii ko em̧ōj kōmālimi an Priesthood eo, jej kōm̧m̧ane kallim̧ur ko rekwojarjar ippān Anij im bōk kain̄i ko rekwojarjar me rej kōpooj kōj n̄an mour Ippān. Jino kōn peptaij im kapene, innem ilo tampeļ eo, jej bun̄ m̧aanļo̧k ilo iaļan bujen ko me ej tōlļo̧k kōj n̄an Ippān.

Kōn pā ko likūt ioon bōrad, jej barāinwōt bōk kōjeram̧m̧an ko an Priesthood eo, ekoba bōk tōl, aeņōm̧m̧an, kapilōk, kōmour, im kajoor eo n̄an ļoore Jisōs Kraist. Ilo aolepān mour eo aō, ilukkuun jeram̗m̗an kōn kajoor in eutiej. Ilo an kwaļo̧k ilo jeje ko rekwojarjar, jej ba kajoor eo an Melkisedek Priesthood eo ekwojarjar.³

Tōre ko ij jodikdik, eaar jino aō lukkuun kautiej kajoor in, eļaptata ilo an kar kwaļo̧k ilo kōjeram̧m̧an ko an Priesthood eo. Ilo aō kar jerbal in mijenede ke ij em̧m̧an ded ilo Chile, n̄a im eo m̧ōtta kom̧ro kar kalbuuj im jepelļok jān doon. Raar jab ba tok un eo. Juon iien eo eaar lukkuun ļap poktak ilo kien. Bwilijmāān ro an jikin tariņae eo rekar bōk taujin armej n̄an jikin kalbuuj eo im ejjeļo̧k en eaar bar ron̄ jān er.

Ālikin kajitkōn eō, iaar jijōt make ilowaan jikin kalbuuj eo, jab jeļā eļan̄n̄e inaaj bar lo ro ij iakwe er. Iaar reilo̧k n̄an Jema ilan̄, kajjitōk ilo ettā: “Jema eto aō katak im jeļā ke Kwōj lale mijenede ro Am̧. Jouj Jema, Ejjeļo̧k bōnbōnū, ako eto aō pokake im ij aikuji jipan̄ eo Am̧ bon̄niin.

Ineen jipan̄ ko An raar ekkat elōn̄ iiō m̧oktaļok. Ālikin peptaij eo aō, kar kapen eō n̄an juōn uwaan kabun̄ in im kar letok kōjeram̧m̧an eo an Jetōb kwojarjar. Ilo aō kar jar, make, ilowaan jikin kalbuuj eo, Jetōb Kwojarjar eaar itok n̄an eō im kaeņōm̧m̧an eō. Eaar likūt ilo ļōm̧nak eo aō jet naan jān kōjeram̧m̧an eo an Petriak eo aō, eo im ej bar juon kōjeram̧m̧an jān Priesthood eo. Ilowaan, Anij eaar kallim̧uri eō bwe jān aō tōmak, imaron̄ liāp ilo tampeļ eo jān rainin im indeeo n̄an juon kōrā eo eobrak kōn aiboojoj, kwojarjar, im iakwe, bwe kom̧ro erom̧ jet m̧am̧a im baba n̄an ajri leddik im ļaddik ro rejitōnbōro, im bwe inaaj jeram̧m̧an im em̧m̧an āinwōt juon baba in Israel.

Naan in kōkajoor kein kōn ilju eo aō raar kaobrak aō kōn aenōm̧m̧an. Iaar jeļā ke raar itok jān Jemed Ilan̄ eo Ej iakwe, Eo ej kōjparok kallim̧ur ko An.⁴ Ilo tōre in, Eaar kajoor aō en̄jake ke inaaj rōļok im mour n̄an lo an kallim̧ur kein kūrm̧ool.

Juon iiō tokālik, Jema Ilan̄ eaar kōjeram̧m̧an eō kōn juon karejera eo im eobrak kōn kwojarjar im iakwe. Lynette im n̄a kom̧ro kar liāp ilo tampeļ eo. Kom̧ro kar jeram̧m̧an kōn jilu nejimro m̧aan im emen kōrā ro eļap aer aorōk. Iaar erom̧ juon baba, kōn wōt kallim̧ur ko an Anij ilo kōjeram̧m̧an eo an Petriak eo iaar bōke ke ej 17 iiō detta.

“Kōn menin, ro jeiū im jatū rejitōnbōro, mennin bwilōn̄ ko rekar ke bōjrak kōnke Kraist eaar wanlōn̄ļo̧k n̄an lan̄? …

“… Jaab; barāinwōt enjeļ raņ raar jab bōjrak n̄an jerbal ippān ro nejin armej raņ.”⁵

Ij kam̧ool bwe mennin bwilōn̄ ko im jerbal in lo tok ko rej waļo̧k wōt ilo mour kein ad, elōn̄ alen ejja āinwōt kajoor eo an Priesthood eo. Jet kōjeram̧m̧an ko an Priesthood eo rej m̧ōkaj aer tōprak, ilo wāween ko jemaron̄ loi im meļeļe. Jet erūm̧ūj aer itok, im rejjab lukkuun alikkar ilo mour in. Ak Anij ej kōjparok aolep kallim̧ur ko An, aolep iien, ilo an kalikkar jān bwebwenato eo an baam̧le in am.

Jemen jema, Grant Reese Bowen eaar juon em̧m̧an in tōmak. Ij keememej an kōmeļeļeik wāween an kar bōk kōjeram̧m̧an eo an Petriak. Ilowaan bok eo an, eaar je: “Petriak eo eaar kallim̧uri eō kōn menin letok eo an kōmour. Eaar ba, “Ro rinan̄inmej renaaj mour. Aet, Ro remej renaaj jerkak jān pā kein peim.’”

Elōn̄ iiō tokālik, Jimm̧a ej aiin wūjooj ko kijen o̧o̧j ko ke ej en̄jake juon im̧we n̄an ro̧o̧l n̄an m̧weo. Eaar ioone jemen ej jibadōktok e. “Grant, em̧ōj an jinōm̧ jako ekkein ļo̧k,” jemen eaar ba.

Im inaaj riit tok jān bok eo an Jimm̧aō: “Iaar jab bōjrak ak iaar kaiur n̄an m̧weo im ilo etōnaak eo ijo ej babu ie ioon kineen. Iaar kalimjōke im loe ke ejjeļo̧k kōkaļle in mour ippān. Iaar keememej kōjeram̧m̧an eo an Petriak eo n̄an eō im kallim̧ur eō bwe n̄e inaaj tiljek ilo tōmak eo aō, ro renan̄inmej renaaj mour; im ro remej renaaj jerkak. Iaar likūt pā ko peiū ioon bōran, im iaar ba n̄an Irooj bwe n̄e kallimūr eo eaar letok n̄an eō jān petriak eo ej m̧ool, en kwaļo̧ke ilo iien in im kōjerkak tok jinō n̄an mour. Iaar kallim̧ur n̄an E bwe n̄e Enaaj, Iban aepedped n̄an kalōk Aelōn̄ eo An kōn aolepen aō. Ilo aō kar jar, jinō eaar kōpelļo̧k mejen im ba, ‘Grant, kajutak eō. Iaar pād ilo laļ eo an Jetōb, ako kwaar kūr tōk eō. Kōm̧m̧an bwe men in en naan in kam̧ool n̄an eok im ro nuku.’”

Būreejtōn Russell M. Nelson eaar katakin kōj n̄an kappukot im kōtmān mennin bwilōn̄ ko.⁶ Ij juon rikam̧ool bwe kii ko an priesthood im kūr āinwōt juon rikanaan an Anij repād ioon laļ in. Kōn kūr im kweilo̧k ko, kōrā im em̧m̧an ro, dik im rūtto, remaron̄ bōk koņaer ilo jerbal in an Priesthood eo. Ej juon jerbal in mennin bwilōn̄ ko, enjeļ ro rej kobaļo̧k. Ej jerbal in lan̄, im ej kōjeram̧m̧an aolep ro nejin Anij.

Ilo 1989, jiljilimjuon uwaan baam̧le in am raar jepļaaktok jān juon iien kōmejatoto. Eaar lukkun bon̄. Lynette ej nan̄inmej kōn ajri eo kein kajiljino nejim. Eaar en̄jake juon im̧we bwe en kōņak seat belt eo an, bwe eaar meļokļokin kōņak Ejjab too jān iien eo kōm kar tōpar ko̧o̧na eo, juōn wa eaar bōk ijo kōm ej ettōr ie. Ettōr kōn 70 m̧aiļ (112km) juōn awa, Eaar m̧ōkaj aō jeer bwe in jab dōbdōb wa n̄e renej itok. Van eo waamim eaar rool, eaar wāār ilo ial leplep eo, diwōjļok jān ial eo im ej kab bōjrak, jok iturājet in ijo jikin baajin jea ioon pedkat eo.

Men eo juōn n̄aij keememeje ej an ainikien Lynette ba: “Shayne, jej aikuj diwōj ilo kōjām ne am̧.” Ij etoto imejatoto kōn seat belt eo aō. Eaar bōk jejjo jekōn n̄an kajimwe kōm. Kom̧ro eaar jino kotak ajri ro nabōjļok jān Van eo ilo wūntō eo aō, eo im ej kiiō ceiling in van eo. Raar jan̄, ļōm̧nake ta eo eaar waļok.

Kom̧ro eaar kajju kile ke leddik eo nejimro jon̄oul an iiō, Emily, ejako. Kōm eaar lam̧ōj e etan, ak eaar ejjeļo̧k uwaak. Membōr ro ilo ward eo, ro rej bar jibadōk kapijukunen, raar ped ijo ilo aer jeparujruj im pukote. Eaar lukkun marok. Iaar bar lale ilowaan Van eo kōn juōn teen̄ki im leln̄on̄, iaar lo ānbwin jidikdik eo an Emily ej keņaak ium̧win Van eo. Iaar lam̧ōj kōn jipan̄, “Jej aikuj kotak van e jān ioon Emily.” Iaar jibwe lōn̄ Van eo im iuuni lik ļok. Eaar wōr jejjo wōt rikotak, ako jon̄an an kabwilōn̄lōn̄ van eo eaar oktak tok im bar jutak ioon neen, kwaļo̧k tok ānbwinin Emily eo em̧ōj an jako.

Emily eaar jab menono. Turin mejen eaar āinwōt plum ņe epiolōt. Iaar ba, “Jej aikuj leļo̧k n̄an e kōjeram̧m̧an.” Juon m̧ōtta epaake eō im juon membōr in ward eo raar bukwelōlō ippa im jān mālim eo an Melkisedek Priesthood eo, ilo etan Jisōs Kraist, kōm eaar ba en mour. Ilo tōre in, Emily eaar kajju bōk kutwōn.

Ālkin ta eo me eaar āinwōt elōn̄ awa ko remootļok, Ambulance eo ej kab jāde. Raar kaiur kake Emily n̄an aujpitōļ. Eaar bōjrak ār eo an im lukkun joreen tendon eo an bukwein neen. Joreen in kōmālij men eo jaar inepata kake kōn jon̄an to in an kar ejjeļo̧k kūtuwōn. Emily eaar kom̧a ium̧win juon jimettan raan. Kōm kar wōnm̧aanļo̧k wōt im jar im jitlo̧k kake e. Eaar jeram̧m̧an bwe em̧ōkaj an mour. Rainin, Emily im eo karejeran rej jinen im jemen jiljino leddik.

Ej mennin bwilōn̄, bwe aolep raar maron̄ etal jān ijo. Nin̄nin̄ eo Lynette eaar nan̄inmej kake ej Tyson. E eaar jab bar joreen im eaar lo̧tak ilo Pāpode eo tok. Ruwalitōk allōn̄ tok ālik, ālikin an Tyson kar lo̧tak, Tyson eaar jepļaak n̄an ippān Jemedwōj ilan̄. Ej juon enjeļ eo ej lale kōm. Kōmij en̄jake an kōm̧m̧an oktak ilo baam̧le in am im jej reimaanļok n̄an am bar ped ippān.⁷

Ro raar kotak van eo jān ioon Emily raar en̄jake an jab eddo van eo. Ijeļā bwe enjeļ ro jān lan̄ raar jipan̄ enjeļ rein ilaļ n̄an kotak wa eo jān ioon ānbwinin Emily. Ibar jeļā bwe Emily eaar mour jān kajoor eo an priesthood eo ekwojarjar.

Irooj eaar kwaļo̧k m̧ool in n̄an ro Rikarejeran: “Inaaj etal imaanļo̧k in mājāmi. Inaaj pād ianbwijmaron̄imi im ianmiin̄imi, im Aō Jetōb enaaj pād ibūruōmi, im enjeļ ro Aō ipeļaakimi, n̄an kotak kom̧.”⁸

Ij kam̧ool ke “Priesthood Ekwōjarjar, ilo̧kan Laajrak an eo Nejin Anij”⁹—Melkisedek Priesthood eo—kōn kii ko an, mālim, im kajoor em̧ōj aer jepļaaktok n̄an laļ in rainin, ilo raan kein āliktata.” Ijeļā bwe men̄e ejjab aolep men ko jej iooni rej ekkar n̄an ta ko jej kōtmeni im jar kaki, mennin bwilōn̄ ko an Anij renaaj itok ilo Ankilaan, iien eo An, im An karōk n̄an kōj.

N̄e kwōj kōnaan bōk kōjeram̧m̧an ko an priesthood eo, ekoba mennin bwilōn̄ ko im jerbal ko an enjeļ ro, ij karuwaineneik eok n̄an etetal ilo iaļan bujen ko an Anij me eaar kōpeļļok n̄an kōj wōj kajjojo. Membōr im ritōl ro an kabun̄ in im rej iakwe eok renaaj jipan̄ eok kōm̧m̧ane bun̄tōn eo lōn̄ļok.

Ij kam̧ool ke Jisōs Kraist, Nejin Anij, Ej mour im Ej tōl Kabun̄ in An jān rikanaan ro an rej kabwijōr im kōjerbal Priesthood kii ko. Em̧ool ewōr Jetōb Kwojarjar. Rilo̧mo̧o̧r eo Eaar letok mour eo An n̄an kōmour kōj, bōk kōj, im bōkļo̧k kōj n̄an ļām̧oran.

Ij kam̧ool bwe mennin bwilōn̄ ko rejjan̄in bōjrak, ewōr enjeļ ilubwiljid, im lan̄ ellukun peļļok. O im, elukkun peļļok! Ilo etan Jisōs Kraist, amen.