Kweilo̧k Eo Eļap
Leen Eo En Pād Wōt
Eprōļ 2024 kweilo̧k eo eļap

Leen Eo En Pād Wōt

Elder Matthew L. Carpenter

Jān Jiljilimjuonn̄oul eo

Bōk Jetōb Kwojarjar bwe en kapen kain̄i ko ad ej menin aorōk n̄e jej kōņaan bōk kōjeram̧m̧an ko kar kallim̧ur kaki n̄an aolep indeeo.

Āinwōt kar juon ļaddik edik, enno ippa, piijjej. N̄an rainin, ļōmņak n̄an kijji juon pijjej eo edānden, emmed, ippān an kōmmōn̄ ekōmman bwe en ibwij lo̧n̄iū. Ñe piijjej ko rej lukkuun kalo rej ļotļot, rej pād ruo ļo̧k ñan emmān raannier m̧okta jān aeer kōt. Elōñ aō ememļo̧kjeņ kōn koba ippān doon eo am ippān jinō im ajri ro jeiū im jatū ilo mōn kuk eo am ilo am maron̄ kokkuņņi piijjej ko kar tūm̧i tok ñan iien molo eo ej itok jān ilo am sili ilo bato ko. Ñe ej jimwe kilen ad kokkunni piijjej kein, leen wōjke in enno emaroñ pād iumin jejjo iiō ko; ejjab ruo ñan emān raan wōt. N̄e ejim̧we kar kōpooji im kar kamāāņeni, leen eo naaj kōjparoke m̧ae iien jej kōpeļļo̧k mejen bato eo.

Kraist ej tōl kōj ñan “ilo̧k im jebar leen, … im bwe leen eo ami en pād wōt.”1 Bōtaab E ejjab kōnono kōn piijjej ko. Ej kōnnaan kōn kōjeram̧m̧an ko an Anij ñan ajri ro Nejin. N̄e jej kōm̧m̧ane im kōjparok bujen ko ippān Anij, kōjeraam̧m̧an ko rej ekkeijelļo̧k ippān bujen ko ad me reļļā jān mour in im sili iood, ak kōjparoki, bwe en leen eo en pād wōt n̄an indeeo.

Jetōb Kwojarjar, ilo jerbal eo An ekwojarjar āinwōt Jetōb Kwojarjar in Kallim̧ur, enaaj kapen kajjojo kain̄i ioon ro rej tiljek n̄an bujen ko aer bwe en naaj jerbal ālkin mour in.2 Bōk Jetōb Kwojarjar bwe en sili kaiñi ko ad ej menin aorōk ñe jej kōņaan bōk kōjeram̧m̧an ko kar kallim̧ur kaki ñan mour indeeo, erom̧ leen eo en pād wōt.

Menin eaorōk elaññe jej kōņaan mour āinwōt Anij.3 Āinwōt Būreejtōnji Russell M. Nelson ekar katakin, jej aikuj “jino meļeļe jem̧ļo̧kin mejān kajjik eo. … Aaet, n̄an kōj kajjojo, ilo ‘jemļo̧kin’ men jenaaj aolep kōņaan bōk ej mour indeeo ippān baam̧le ko ad ilo juon jikin eo eutiejtata ijo jenaaj pād im̧aan mejen Jemedwōj Ilan̄, im Nejin Jisōs Kraist.”4 Būreejtōn Nelson ekar bar ba: “Selestial m̧are ej m̧ōttan kōppopo eo n̄an mour indeeo. Eaikuj bwe juon en m̧are iki armej eo ejimwe, ilo jikin eo ejimwe, jān mālim eo ejimwe, im n̄an tiljek im pokake bujen eo kwojarjar. Innām juon emaron̄ kar jeļā kōn mour ijo ilōn̄tata ilo aelōn̄ in selestial eo an Anij.”5

Ta kōjeraam̧m̧an ko mour eo eutiejtata ippān Anij? Ren pād im̧aan mejen Anij n̄an indeeo ippān doon āinwōt ļeo im lieo pālele, jolete “aolep tūroon ko, aelōn̄ in kiin̄ ko, tōln̄an ko, im kajoor ko, … im ej wōnm̧aanļo̧k wōt in ine ko ineero indeeo im indeeo,”6 im bōk aolep men ko an Anij Jemed.7

Irooj eaar kwaļo̧k ñan Josep Smith:

“Ilo aiboojoj selestial ewōr jilu lan̄ ko ak tiikri ko;

“Im ñan bōk eo eutiejtata, juon armej eaikuj deļo̧n̄e laajrak in an priesthood eo [meļeļein bujen m̧are eo ekāāl im ejjeļo̧k jem̧ļo̧kin];

“Im eļan̄n̄e e ejjab, e ejjab maron̄ bōk e.

“E maron̄ deļo̧n̄ ilo bar juon, a en̄in ej jem̧ļo̧kin aelōn̄ in kiin̄ eo an; e ejjab maroñ wōr an ļapļo̧k.”8

Jej katak ijin bwe juōn emaroñ pād ilo laļ eo an selestial, ak pād im̧aan mejān Anij, im ejjeļo̧k pāleen. Ak n̄an maroñ pād ilo tiikri eo eutiejtata ilo laļ eo an selestial, juon aikuj in deļo̧n̄e m̧are jān ippān juon eo ewōr an mālim im m̧ooļ ñan bujen ko kar kōm̧m̧ani ilo m̧are eo. Ilo ad tiljek ñan bujen kein, Jetōb Kwojarjar in Kallim̧ur emaroñ liāpe bujen m̧are eo ad.9 Kōjeram̧m̧an liāp kein rej erom̧ leen eo en pād wōt.

Ta eo emenin aikuj n̄an tiljek ilo kōjparok bujen m̧are eo ekāāl im ejjeļo̧k jem̧ļo̧kin?

Bureejtōn Russell M. Nelson eaar katakin bwe ewōr ruo kain kilen liāpe ko ñe jej deļo̧ñe bujen m̧are indeeo: liāpe eo ikōtaan ļeo im lio pālele, im juon liāpe eutiejļo̧k ippān Anij.10 Ñan bōk kōjeraam̧m̧an ko an mour eo eutiejtata ippān Anij bwe en sil iood im pād wōt ālkin mour in, jej aikuj m̧ool ñan jimor liāpe eo an pālele im liāpe eo lōñlok an bujen eo.

Ñan kōjparok liāpe eo il pālele eo am̧, Anij eaar kapilōke kōj ñan “iakwe lio [pāleem] ak ļeo [pāleem] kōn aolepen [būruōm], im … kwon eddāp ņa ippān lio [ak ļeo] im jab bar juōn.”11 Ñan ro emōj aer m̧are, n̄an eddāp ņa ippān lio ak ļeo im jab bar juōn ej meļeļein kom̧in kapilōk doon ilo iakwe, kom̧in iakwe im kea kōn doon, kom̧in likūt iien ko ippān eo itūrum̧ bwe en m̧oktata jān kōņaan ko nabōj, im kwoj kūr ñan Anij bwe en jipañ kom̧ ellā jān m̧ōjno̧ ko ami.12 Ej bar meļeļein ke ejjab aikuj wōr eñjake ak letok ilo jabdewōt jekjek itulikin m̧are eo ami, ekoba abje ak bwebwenato, im en ejjeļo̧k alooje pija ko renana, eo ej kōm̧m̧an bwe en wōr en̄jake in ļōñ.13

Ñan kōjparok liāpe eo maanlo̧k ilo bujen eo, kajojo iaer ro rej aikuj kōnnaan pād ilowan m̧are eo. Bureejtōn Dallin H. Oaks ej kap mōj an katakin ke: “Jej barāinwōt jeļā bwe E [Anij] ejjamin naaj kipel juon juon jemjera eo kar jiiļ ņae kōnnaan eo an leo ak liio. Kōjeraam̧m̧an in jemjerā eo em̧ōj an liāp rej menin kam̧ool n̄an aolep ro rej kōjparok bujen ko ad bōtaab jamin kipel juon jemjerā eo kar liāpe ioon armej eo ejjab erreo ak jab kōņaan.”14

Ta meļeļe in liāpe eo eutiejļo̧k ej itok jān Būreejtōn Nelson? Liāpe in eutiejļo̧k ej juon eo jej kōm̧m̧ane ippān Anij.

Ñan kōjparok liāp eo eaorōk ippān Anij, jej aikuj in m̧ool n̄an bujen ko an tampeļ eo jekkar kōm̧m̧ani me rej jelōte kien pokake, kaarmejete, gospel, kien erreo im kakwōjarjar. Jej barāinwōt kallim̧ur n̄an Anij ñan bōk eo pāleeō indeeo im bwe jet ripālele im pāāren ro rōwānōk. Ilo ad kōjparok bujen eo ad, jej karbab n̄an bōk kōjeraam̧m̧an ko āinwōt mōttan baam̧le eo an Anij kōn wōt bujen eo an Ebream, kobaļo̧k ippān kōjeraam̧m̧an ko an ineen, gospel eo, im priesthood eo.15 Kōjeraam̧m̧an kein rej barāinwōt leen eo en pād wōt.

Ilo ad kōjātdikdik bwe aolep ro rej deļoñ bujen in ekāāl im ejeļo̧k jem̧ļo̧kin pād wōt im m̧ool in bōk kōjeraam̧m̧an ko kar sili ioeer ñan aolep indeeo, jet iien lōmnak in eppen ad tōpare. Ilo jerbal in kwaļo̧k eo aō iaar ioone membōr ro rekar kōm̧m̧an im rej kōjparok bujen ko aer, bōtaab ro pālleer raar jab. Barāinwōt ro me rejjaññin kar m̧are, raar jab bōk iien em̧m̧an ñan m̧are ilo mour in. Im ewōr ro me rejjab tiljek ilo bujen m̧are ko aer. Ta eo ej waļo̧k ñan rein kajjojo ilo kajojo wāwein kein rej waļo̧k?

  1. Elaññe kwoj pād wōt im tiljek n̄an bujen ko kwar kōm̧m̧ani ke kwar bōk kwōjarjar, kwōnaaj bōk am̧ make kōjeraam̧m̧an ko kar kallim̧ur n̄an eok ilo iien bōk kwōjarjar eo meñe lio ak ļeo pālele ekar rube bujen ko aer im erlok jen m̧are eo. Ñe emōj am kar liāp im tokālik kar jepel, im ñe liāp eo am̧ ejjab kāānjeļ, kōjeram̧m̧an ko am̧ make jen liāp in rej pād wōt im jerbal ñan kwe n̄e kwōnaaj pād wōt im tiljek.16

    Jet iien, kōn en̄jaake ko in ketak im relukkuun kōmetak, juon eo pāleen etiljek emaroñ kōņaan kāānjeļe siil eo aer ippān eo pāļeen me ejjab tiljek im etal ettolok n̄e emaron̄ jen er, jimor ilo mour in im ñan indeeo. Ñe kwoj inepata bwe kwōnaj bōlen liāp wōt n̄an ippān juon eo pāleen mokta ejaññin kar ukweļok, kememej, kobban aikuj! Anij ejjāmin naaj kōtļo̧k bwe jabdewōt armej ren pād wōt ilo juon jemjerā eo kar siil ñan indeeo nae kōņaan an ļeo ak lio. Jemedwōn̄ Ilan̄ ej kōņaan bwe jen bōk aolep kōjeraam̧m̧an ko me rej ad ikdeelel n̄an kāāleti.17

    Bōtaab, ñe rej kōnaan wōt kāānjeļe liāp eo, naaj kautiej wōt anemkwoj in kāālet. Maron̄ kar ļoori wōt kilen jerbal ko. Ijoke en jab kōm̧m̧an bajjōk! Būreejtōn eo Kein Kajuōn ej kabwijere ki ko ñan liāpe ioon laļ im ilo lañ. Iien eo wōt ej kāānjeļ siil eo me em̧ōj kar letok jān Būreejtōnji eo Kein Kajuōn, kōjeram̧m̧an ko rej iookļo̧k siil ejako aer jerbal; renaaj kāānjōl jim̧or kōttaan ripālele ro im ilo ippān Anij. Elukkuun aorōk ñan melele ke ñan bōk kōjeraam̧m̧an ko an mour āinwōt Anij, jej aikuj kwaļo̧k ke jemaroñ deļoñe im jej m̧ōņōņō in deļon̄e im kōjeparok ilo tiljek bujen kāāl in im ejjeļo̧k jem̧ļo̧kin, emaron̄ ilo mour in ak mour eo tokālik.

  2. Ñan membōr ro rejjaññin m̧are an Kabuñ in, jouj im kememej bwe “Ilo wāween ko im iien ko an Irooj make, ejjeļo̧k kōjeraam̧m̧an ko naaj dāpiji jān Armej ro An Rekwojarjar retiljek. Irooj enaaj ekajet im ņa oņāān kajjojo ekkar n̄an ikdeelel ko an bōro im kōm̧m̧an ko aer.”18

  3. Ñe kwojjab pād wōt ilo tiljek ñan bujen ko an tampel, ewōr ke kōjātdikdik? Aaet! Gospel eo an Jisōs Kraist ej juon gospeļ in kōjātdikdik. Kōjātdikdik in ej itok jān Jisōs Kraist kōn ukweļo̧k eo em̧ool im pokake ilo ļoore katak ko an Kraist. Emōj aō loe an kajojo armej kōm̧m̧ani bōd ko reļļap, rubi bujen ko rekwojarjar. Ilo kar juon iien, Ikar loe an ro rej m̧ool in ukweļo̧k, kar jeorļo̧k bōd,im bar ro̧o̧ltok n̄an iaļ in bujen eo. Ñe kwar rubi bujen in tampeļ ko am̧, ij rōjjañ eok n̄an reilok ñan Jisōs Kraist, kennaan ippān bisop eo am̧, ukweļo̧k, im kōpeļļo̧k jetōb eo am̧ ñan kajoor patata kajoor in kemour eppeļo̧k kōnke kōn Pinm̧uur eo an Jisōs Kraist.

Ro jeiu im jatu, Jemedwōj Ilan̄ eo ej iakwe eaar letok bujen ko ñan kōj bwe jen maron̄ būki aolep men ko Ej kepooji n̄an kōj. Kōjeram̧m̧an kein rekwojarjar jān Anij eļapļo̧k aer enno jān jabrewōt leen ilo laļin. Remaroñ kōjparoki ñan kōj n̄an indeeo, erom̧ leen eo en pād wōt, ilo ad tiljek ñan bujen ko ad.

Ij kam̧ooļ bwe Anij em̧ōj an kōjepļaaktok māļim in ñan liāpe ioon laļ in im ilo lañ. Mālim in wōt ej waļo̧k ilo Kabun̄ eo an Jisōs Kraist im Armej ro Rekwojarjar ilo Raan ko āliktata. Ej pād ippān Būreejtōnji eo Kein Kajuon im Doulul eo an Jon̄oulruo Rijilōk ro im rej kōjerbal iumin tōl eo an Būreejtōn Russell M. Nelson. Ro rej deļoñe ļo̧k bujen eo ekāāl im ejjeļo̧k jem̧ļo̧kin an m̧are im kōjparok bujen in emaroñ lukkuun wānōk im naaj eļaptata bōk tarlep in aebojooj eo an Jemed, jekdoon ta ko raar waļo̧k me ejjeļo̧k aer maroñ ie.”19

Kōjeraam̧m̧an kein kar kallim̧ur kake ekkar n̄an bujen ko ad maron̄ liāp ioon jān Jetōb Kwojarjar in Kallim̧ur im erom̧ leen eo en pād wōt n̄an indeeo im indeeo. Ij lukkuun in kam̧ool ilo etan Jisōs Kraist, amen.

Kakeememej ko

  1. Jon 15:16.

  2. Lale Dale G. Renlund, “Accessing God’s Power through Covenants,” Liahona, May 2023, 35–38; Doctrine and Covenants 132:7.

  3. Juōn kaiñi ej sil ñe ej kōm̧m̧an bwe en jejjet ilo jimor ilo lañ im ioon laļ kōnke ej walok ippān juōn eo ej kabwijōr maroñ in im ej kapene jān Jetōb Kwojarjar.

    Jej ļōmņak kōn kajoor in liāp eo bwe ej jerbal wōt n̄an jet kain̄i ko ilo tampeļ, ak bwe mālim jab in ej aorōk n̄an kōm̧m̧an jabdewōt kain̄i jejet im lukōji ālkin mej. Kajoor eo an liāp ej leļo̧k juon liāp ejejjet ioon peptaij eo am̧, n̄an waanjon̄ak, bwe maron̄ kile ijin im ilo lan̄. Em̧ool, aolep kain̄i ko an priesthood rej kōm̧m̧an iumin kii ko an Būreejtōn eo an Kabun̄ in, āinwōt an Būreejtōn Josep Fielding Smith kar kōmeļeļeik, “E [Būreejtōn eo an Kabun̄ in] emōj letok n̄an kōj mālim eo, em̧ōj an likūti kajoor eo ilo priesthood eo ad, kōnke e eo ej kabwejer kii ko’ [quoted by Harold B. Lee, in Conference Report, Oct. 1944, 75]” (D. Todd Christofferson, “Kajoor in Liāp,” Liaona, Okt. 2023, 20).

    “Juon jerbal me ej sil jān kajoor in Jetōb kwojarjar ej juōn eo me ej kapene jān Jetōb kwojarjar; ej juon eo me emōj kar kōmālimi jān Irooj. … Ejjeļo̧k juon emaron̄ riab n̄an Jetōb Kwojarjar im bōk im̧we. … Pedped in katak kein rej bar jerbal n̄an aolep kain̄i ko jet n̄an kōm̧m̧ani ilo Kabun̄ in. Āindein ñe armej rein jim̧or rej pād ilo [juon m̧are] me e ‘jim̧we im m̧ool’ [Katak im Bujen Ko 76:53], n̄e rej erreo, juon siil in kappen enaaj pād ilo m̧are eo aer ilo tampeļ; ñe rejjab erreo, Jetōb ebban kile er im kam̧ooļ eo an Jetōb Kwojarjar enaaj jako. Ilo m̧ool erreeo enaaj kapen sil eo” (Bruce R. McConkie, “Holy Spirit of Promise,” in Preparing for an Eternal Marriage Student Manual [2003], 136).

    “Jetōb Kwojarjar in Kallim̧ur eo ej Jetōb Kwojarjar eo ej letok jitaam̧ in kōmālim eo ioon aolep kaiñi ko: peptaij, kapene, ekkapit, m̧are. Kallim̧ur eo ej bwe kōjeraam̧m̧an ko naaj maron̄ bōke jān eļap tiljek. Ñe juōn armej ej kakkure juōn bujen, meñe ej ilo peptaij, ekkapit, m̧are ak jabdewōt men, Jetōb enaaj toļo̧k jen jitaam̧ in errā eo, im kōjeraam̧m̧an ko ban maron̄ būki. Aolep kaiñi emōj sili, ippān juon kallim̧ūr in nebar pedped ioon aolep ro rej tiljek. Jetōb Kwojarjar eo ej toļo̧k jen jitaam in errā eo ijo bujen ko rar rubi” (Joseph Fielding Smith, Doctrines of Salvation, comp. Bruce R. McConkie [1954], 1:45).

  4. Russell M. Nelson, Heart of the Matter: What 100 Years of Living Have Taught Me (2023), 15. Aolep bujen ko rej aikuj liāpe jān Jetōb Kwōjarjar in Kallim̧ur eo, im rej peeke ālkin jerkakpeje eo an ro remej (lale Katak im Bujen Ko 132:7).

  5. Russell M. Nelson, “Celestial Marriage,” Liahona, Nov. 2008, 94.

  6. Katak im Bujen Ko 132:19.

  7. Lale Katak im Bujen Ko 84:38.

  8. Katak im Bujen Ko 131:1–4.

  9. Lale Katak im Bujen Ko 132:19–20. “Mejān kajjik jab in eutiej—mour ijo eutiej tata ilo laļ eo an selestial—ej jibadbad eo an Kabun̄ eo an Jisōs Kraist im Armej ro Rekwojarjar ilo Raan Ko Āliktata”” (Dallin H. Oaks, “Aiboojoj an Laļ ko,” Liaona, Okt. 2023, 26).

  10. “Ko āinwōt m̧are im baam̧ļe ko rej kwalok juōn jemjerā eo ejej uwaan ikōtaan ej ejaake juōn iakwe ejenolok, barāinwōt jemjera eo ekāāl ekar ejaak ke jaar lukōj kōj make n̄an Anij ke deļo̧n̄ juon bujen ekāāl ippān … Anij” ekāāl im ejjeļo̧k jem̧ļo̧kin an m̧are (Russell M. Nelson, Heart of the Matter, 41–42).

  11. Katak im Bujen Ko 42:22; bar lale Bok in Bōk Melele Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 38.6.16. Ilo ad kōmelele m̧are ijin, ij kennan kōn m̧are ekkar ñan kien eo an Anij, eo ej kwalok melelein m̧are ekkar ñan kakkien eo kōttan juon em̧m̧aan im kōrā (lale “Baam̧le Eo: Juon Kean̄ n̄an Laļin,” Gospel Library).

  12. Lale “Baam̧le Eo: Juon Kean̄ n̄an Laļ in,” Gospel Library.

  13. Lale Katak im Bujen ko 42:22–24.

  14. Dallin H. Oaks, “Aiboojoj an Laļ ko,” 29; naan eo kar kobaiktok.

  15. Lale Katak im Bujen Ko 86:8–11; 113:8; Ebream 2:9–11.

  16. Lale Bok in Bōk Meļeļe Eļap, 38.4.1.

    Ke iaar jerbale juōn mijen ilo Switzerland, kompānien eo aō im ña kōmro ar kwalok gospel ippān ruo rūtto relukkuun em̧m̧an ak 60 aerro iiō im er ri Switzerland. Ke kōmro kar katakin er kōn Kabuñ eo an Jisōs Kraist me emōj an jepļaaktok, kōrā eo eaar kwaļo̧k an itok limoin kōn ta ko kōmij katakin er. Ilo kar week ko tokālik, kōrā eo eaar maroñ bōk juon an kam̧ooļ kōn m̧ooļ ke kabuñ eo an Jisōs Kraist emōj an jepļaaktok kōn mālim in maroñ jān Anij, im bwe Jisōs Kraist ej tōl Kabuñ eo An ippān rikannaan ro an rej mour im rijilōk ro. Kōm kijoñ reimaanlok ñan iien ekatak ko ippān ritto rein kōn katak ko rem̧m̧an tata ilo Jepļaaktokin, iien em̧m̧an ñan m̧are ņan indeeo. Kabwilōñlōñ ke, mekarta, ilo am̧ katakin er kōn katak in m̧are indeeo, kōrā in Swiss eo eba ke ejjab kōnaan pād ippān leo pālleen ñan indeeo. Ñan e, lañ eaar jab koppaiki an pād ippān ļeo pāllen eo ar m̧are ippān ium̧win 36 iio ko. Sister eo ar peptaij, ak leo ippān arjab. Rekar jab liāp ilo tampeļ eo.

    Ñan ellōñ, bōtaab, lañ eban kar lañ ñe jejjab pād ippān armej eo jekkar m̧are iki. Ñan pād ippān doon ippen eo pālele kwoj iakwe, n̄an indeeo, ilo m̧ool rej ainikien lañ. Ke Elder Jeffrey Holland ej kwaļo̧k kōn kōrā eo ippān ejitenbōro, Pat, lan̄ en kar jab lan̄ n̄e eban kar e (lale “Scott Taylor: For Elder Holland, Heaven without His Wife and Children ‘Wouldn’t Be Heaven for Me,’” Church NewsJuly 22, 2023).

  17. Lale Dallin H. Oaks, “Aiboojoj in Laļ ko,” 26.

  18. Russell M. Nelson, “Celestial Marriage,” 94.

  19. Lale Jon 15:16.