Fakataha Molumalú
ʻE kāinga, kuo kole mai ʻa Palesiteni Nelson ke u fakahoko e pisinisi ʻo e fakataha molumalu ʻoku tau fakataha mai aí.
Ko ha meʻa mahuʻinga fau ʻeni ki he kāingalotu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he funga ʻo e māmaní.
Talu mei he ʻaho 10 ʻo ʻOkatopa 1880, ʻi hono hikinimaʻi ʻa Sione Teila ke ne fetongi ʻa Pilikihami ʻIongi ko e palōfita, tangata kikite, tangata maʻu fakahā pea mo e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, mo hono ui e taimi takitaha pehení ko ha fakataha molumalu ʻa e Siasí ke fakahaaʻi e leʻo ʻo e Siasí.
Te tau hikinima fakakōlomu mo fakakulupu. Ko e fē pē feituʻu ʻokú ke ʻi aí, ʻoku fakaafeʻi atu koe ke ke meʻa hake pē he taimi ʻe kole atu aí peá ke fakahā ho lotó ʻaki hono hiki ho nimá ʻa ia ʻokú ke fili ai ke poupouʻi e ngaahi hingoa ʻe ui atú. Te ke toki hikinima pē he taimi ʻoku kole atu ai ke ke meʻa ki ʻolungá.
ʻE siofi e hikinima ʻi he Tāpanekalé mo e Fale Fakatahaʻanga ʻi he Temipale Sikueá, ʻe he Kau Taki Māʻolunga ne vahe ki aí. ʻE siofi e hikinima he ngaahi senitā fakasiteikí, ʻe ha mēmipa ʻo e kau palesitenisī fakasiteikí. Kapau ʻe hikinima taʻeloto ha taha, ʻoku totonu ke fetuʻutaki e niʻihi ko iá ki heʻenau takitaha palesiteni fakasiteiki.
Tau hoko atu leva. Kātaki kau toe fakamanatu atu, toki meʻa hake pē ʻo hikinima he taimi ʻe kole atu aí.
ʻOku mau kole atu ki he kau mēmipa ʻo e Kau Palesitenisī ʻUluakí ke nau meʻa hake.
ʻOku fokotuʻu atu ki he Kau Palesitenisī ʻUluakí ke nau poupouʻi ʻa Russell Marion Nelson ko e palōfita, tangata kikite, tangata maʻu fakahā pea mo e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.
Ko kimoutolu ʻi he Kau Palesitenisī ʻUluakí ʻoku loto ki aí, kātaki ʻo fakahā mai.
ʻOku fokotuʻu atu ke poupouʻi ʻe he Kau Palesitenisī ʻUluakí ʻa Dallin Harris Oaks ko e Tokoni ʻUluaki pea mo Henry Bennion Eyring ko e Tokoni Ua ʻi he Kau Palesitenisī ʻUluaki ʻo e Siasí.
Ko kimoutolu ʻi he Kau Palesitenisī ʻUluakí ʻoku loto ki aí, fakahā mai.
ʻOku fokotuʻu atu ke poupouʻi ʻe he Kau Palesitenisī ʻUluakí ʻa Dallin Harris Oaks ko e Palesiteni ʻo e Kōlomu ʻo e Kau ʻAposetolo ʻe Toko Hongofulu Mā Uá pea mo Melvin Russell Ballard ko e Palesiteni Leʻoleʻo ʻo e Kōlomu ʻo e Kau ʻAposetolo ʻe Toko Hongofulu Mā Uá.
Ko kimoutolu ʻi he Kau Palesitenisī ʻUluakí ʻoku loto ki aí, fakahā mai.
ʻOku fokotuʻu atu ke poupouʻi ʻe he Kau Palesitenisī ʻUluakí ʻa e kau mēmipa ʻo e Kōlomu ʻo e Toko Hongofulu Mā Uá: M. Russell Ballard, Jeffrey R. Holland, Dieter F. Uchtdorf, David A. Bednar, Quentin L. Cook, D. Todd Christofferson, Neil L. Andersen, Ronald A. Rasband, Gary E. Stevenson, Dale G. Renlund, Gerrit Walter Gong, pea mo Ulisses Soares.
ʻE Kau Palesitenisī ʻUluaki, kātaki ʻo fakahā mai.
ʻOku fokotuʻu atu ke poupouʻi ʻe he Kau Palesitenisī ʻUluakí ʻa e ongo tokoni ʻi he Kau Palesitenisī ʻUluakí mo e Kau ʻAposetolo ʻe Toko Hongofulu Mā Uá ko e kau palōfita, kau tangata kikite mo e kau tangata maʻu fakahā.
ʻE Kau Palesitenisī ʻUluaki, kātaki ʻo fakahā mai.
ʻE meʻa ki lalo e Kau Palesitenisī ʻUluakí he taimí ni.
ʻOku mau fakaafeʻi atu ʻa Elder Gong mo Elder Soares ke na meʻa mai ki hona tuʻunga ʻi he Kōlomu ʻo e Toko Hongofulu Mā Uá.
Meʻa hake ki ʻolunga e kau Mēmipa pē ʻo e Kōlomu ʻo e Kau ʻAposetolo ʻe Toko Hongofulu Mā Uá, kau ai ʻa Elder Gong mo Elder Soares.
ʻOku fokotuʻu atu ki he Kau ʻAposetolo ʻe Toko Hongofulu Mā Uá ke nau poupouʻi ʻa Russell Marion Nelson ko e palōfita, tangata kikite, mo e tangata maʻu fakahā pea mo e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, fakataha mo hono ongo tokoní pea mo e kau mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá, ʻo hangē ko ia ne ʻoatu pea hikinimaʻi ʻe he Kau Palesitenisī ʻUluakí.
Ko kimoutolu ʻi he Kōlomu ʻo e Kau ʻAposetolo ʻe Toko Hongofulu Mā Uá ʻoku loto ki aí, kātaki ʻo fakahā mai.
Mou meʻa hifo.
ʻOku mau kole atu ki he Kau Fitungofulu Taki Māʻolungá mo e Kau Pīsopeliki Pulé ke mou kātaki ʻo meʻa hake.
ʻOku fokotuʻu atu ki he Kau Fitungofulu Taki Māʻolunga kotoa pē mo e Kau Pīsopelikí ke nau poupouʻi ʻa Russell Marion Nelson ko e palōfita, tangata kikite, mo e tangata maʻu fakahā pea mo e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, fakataha mo hono ongo tokoní pea mo e kau mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá, ʻo hangē ko ia ne ʻoatu pea hikinimaʻi ʻe he Kau Palesitenisī ʻUluakí.
Ko kimoutolu kotoa pē he Kau Taki Māʻolungá mo e Kau Pīsopeliki Pulé ʻoku loto ki aí, kātaki ʻo fakahā mai.
Mou meʻa hifo.
ʻOku mau kole atu ke mou meʻa hake pē ki ʻolunga he feituʻu ʻoku mou takitaha ʻi ai he māmaní: Kau Fitungofulu Fakaʻēlia Kotoa pē, kau pēteliake, kau taulaʻeiki lahi, mo e kaumātuʻa kotoa pē kuo fakanofo.
ʻOku fokotuʻu atu ke mou poupouʻi ʻa Russell Marion Nelson ko e palōfita, tangata kikite, mo e tangata maʻu fakahā pea mo e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, fakataha mo hono ongo tokoní pea mo e kau mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá, ʻo hangē ko ia ne ʻoatu pea hikinimaʻí.
Ko kimoutolu ʻoku loto ki aí, kātaki ʻo fakahā mai.
Ka ʻoku ʻi ai ha taʻe loto pea fakahā mai he founga tatau.
Kātaki ka mou meʻa hifo ā.
Kātaki kae meʻa hake ki ʻolunga e kau mēmipa kotoa pē ʻo e Fineʻofá—ʻa ia ko e kakai fefine taʻu 18 ki he motuʻa ange.
ʻOku fokotuʻu atu ke mou poupouʻi ʻa Russell Marion Nelson ko e palōfita, tangata kikite, mo e tangata maʻu fakahā pea mo e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, fakataha mo hono ongo tokoní pea mo e kau mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá, ʻo hangē ko ia ne ʻoatu pea hikinimaʻí.
Ko kimoutolu ʻoku loto ki aí, kātaki ʻo fakahā mai ʻaki hono hiki homou nimá.
Ka ʻoku ʻi ai ha taʻe loto, fakahā mai.
Mou meʻa hifo ā.
Kātaki kae meʻa hake ki ʻolunga e kau maʻu Lakanga Taulaʻeiki Faka-ʻĒlone kotoa pē—ʻa ia ko e kau taulaʻeiki, kau akonaki mo e kau tīkoni kotoa pē kuo fakanofó.
ʻOku fokotuʻu atu ke mou poupouʻi ʻa Russell Marion Nelson ko e palōfita, tangata kikite, mo e tangata maʻu fakahā pea mo e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, fakataha mo hono ongo tokoní pea mo e kau mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá, ʻo hangē ko ia ne ʻoatu pea hikinimaʻí.
Ko kimoutolu ʻoku loto ki aí, kātaki ʻo fakahā mai ʻaki e hiki homou nimá.
Ka ʻoku ʻi ai ha taʻe loto, fakahā mai.
Mou meʻa hifo ā.
Kātaki kae meʻa hake ki ʻolunga e kau finemui taʻu 12 ki he 18.
ʻOku fokotuʻu atu ke mou poupouʻi ʻa Russell Marion Nelson ko e palōfita, tangata kikite, mo e tangata maʻu fakahā pea mo e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, fakataha mo hono ongo tokoní pea mo e kau mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá, ʻo hangē ko ia ne ʻoatu pea hikinimaʻí.
Ko kimoutolu ʻoku loto ki aí, kātaki ʻo fakahā mai ʻaki e hiki homou nimá.
Ka ʻoku ʻi ai ha taʻe loto, fakahā mai.
Mou meʻa hifo ā.
ʻOku mau kole atu he taimí ni ki he kāingalotú kotoa, tatau ai pē pe ko e fē ha feituʻu ʻokú ke ʻi ai, kau ai mo kinautolu ne ʻosi tuʻu haké, mou kātaki ʻo meʻa hake.
ʻOku fokotuʻu atu ke mou poupouʻi ʻa Russell Marion Nelson ko e palōfita, tangata kikite, mo e tangata maʻu fakahā pea mo e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, fakataha mo hono ongo tokoní pea mo e kau mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá, ʻo hangē ko ia ne ʻoatu pea hikinimaʻí.
Ko kimoutolu ʻoku loto ki aí, kātaki ʻo fakahā mai ʻaki e hiki homou nimá.
Ka ʻoku ʻi ai ha taʻe loto, fakahā mai.
Mou meʻa hifo ā.
ʻE kāinga ʻoku mau fakamālō atu ʻi hoʻomou ʻofá mo e poupoú.