Faamatalaga

O le mekasini o le Liahona e fesoasoani ia te au e avea ma se tagata lelei. O taimi uma ou te faitau ai i tala tusia, ou te lagonaina le alofa o le Atua ma faamanatu mai ai au feagaiga na ma osia ma le Atua. O le vaega O Leo o le Au Paia i Aso e Gata Ai e fesoasoani ia te au ia ou iloa ai o i tatou uma e tatau ona tofotofoina ma suesueina. O loo ou aoao ina ia ou onosai i mea uma. Ou te lagonaina le malosi, ma o loo ou galue ia ou taunuu i le iuga.

Christine Torres Lagunbay, Filipaina

O a outou tala tusia e musuia. Ou te fiafia lava i aafiaga patino. Ae o le mea sili, ou te fiafia i savali mai perofeta aua ou te iloa o le siufofoga lea o le Alii ia i tatou le autalavou. Ou te faafetai mo tala tusia ma ou te fiafia e faasoa atu i au uo.

Jackeline Bedoyal, Ekuatoa

I se galuega na tuuina mai i le aoga, sa faatonuina ai i matou e suesue i mekasini eseese ma isi nusipepa ua lolomiina. E ui ina sa ou faamisia nisi o itulau o isi mekasini ae sa ou faitauina le Liahona mai le isi faavaa i le isi. E faigata ona faitau na o sina mea itiiti, aua o savali uma, tala fou, ma tala ua faatumuina i musumusuga, aoaoga, ma faamalosiauga mo tagata uma o lo’u aiga. Soo se tagata o le Ekalesia e le taumafa i upu o le Liahona ua ia misia se mea sili ona taua.

Irene Taniegra, Filipaina

Ou te faitaua le Liahona mai le taimi e oo mai ai seia oo ina uma i le lua itula mulimuli ane. Ou te fiafia i mea uma o loo i ai i totonu. E saunia ai fesoasoaniga mo tulaga faigata ma aumai ai ia i tatou tali sao ia tatou fesili. O se mea faigaluega ou te manaomia e pei lava ona faia e Liae ma lona aiga. O le tusitusiga a Elder Quentin L. Cook, “I le Lalolagi ae Le ni o le Lalolagi” (Fep. 2006) sa musuia ai au i lona matagofie. Ou te faamoemoe o le a naunau le Au Paia uma e faitau le mea o le a tau mai e o tatou taitai ma le perofeta i nei aso e ala mai i le Liahona.

Hector Iramain, Atenitina

Sa ou mauaina lau tuatusi o le imeli mai faaliliuga faa-Rusia o la outou mekasini. Ou te fia faailoa atu lo’u agaga faafetai mo la outou mekasini ma faifeautalai. O loo i ai sau kopi o le Tusi a Mamona, ma o loo ou faitauina le Liahona. Ao ou faitau i ai ou te mauaina tali e uiga i mea ou te le malamalama ai. Ou te talitonu o se lotu latou te atiina ae nei tagata lelei e tatau i ai le faaaloalo ma le faamalo. Ma e ui o au o se tagata o le Kerisiano Faavae i Rusia, ou te talitonu o i tatou o ni usoga faaleagaga.

Oleg Anatolyevich Yakovlev, Ukraine