Ua Valaaulia e Le Au Peresitene iaTamaitai Talavou ina ia Saunia mo Fonotaga

Sa valaaulia e le Au Peresitene Aoao o Tamaitai Talavou ia tamaitai talavou o le Ekalesia, o latou matua, ma o latou taitai ia saunia i latou lava mo le fonotaga faaletausaga o loo loma a Tamaitai Talavou o le a faia i le aso 24 o Mati, 2007.

“O le fonotaga aoao a Tamaitai Talavou o le fonotaga muamua a le Au Peresitene Sili mo oe, le tamaitai talavou o le Ekalesia,” o le saunoa mai lea a taitai o Tamaitai Talavou i le fofogaina mai o le fonotaga. “O se avanoa lelei mo oe e maua ai le faamalosiau ma faalogo i molimau mai le Au Peresitene Sili ma le au peresitene aoao o Tamaitai Talavou.”

E potopoto le fiaselau afe o tamaitai talavou e 12 tausaga e oo atu i le 18 ma o latou matua ma taitai, i faletatalo i le lalolagi atoa e auai i le faasalalauga i tausaga taitasi.

I lenei tausaga, ua valaaulia e le au peresitene aoao o Tamaitai Talavou ia tamaitai talavou ina ia saunia i latou lava ina ia aoaoina e le Agaga e ala i le faia o mea nei:

• Suesue le MFF 121:45.

• Suesue le “Avea ma Talavou o Siona i Aso e Gata Ai” (Liahona, Ape. 2000, 24).

• Toe iloilo le mataupu faavae o le faatuatua 13.

E le gata i lea, a ua lu’iina foi e le au peresitene ia tamaitai talavou e faitau le Mo Le Malosi o le Autalavou ma faia se mea se tasi o mea nei:

• Lio faalapotopoto mea taitasi o loo faasino i le Agaga.

• Faailoga folafolaga o loo maua i le tamaitusi.

• Filifili se tu ma se aga se tasi, suesue i ai, ma faia ni sini ina ia ola ai.

O le autu mo le fonotaga i lenei tausaga o le autu lea mo le 2007 o le Mutuale e maua lea i le MFF 121:45, “Ia teuteuina ou manatu i le mama e le aunoa; ona malosi ai lea o lou faatuatua fai ifo i luma o le Atua.”

Mo faamatalaga e uiga i le faasalalauina, faatasi ai ma le satelite po o le Initoneti, faafesootai o outou taitai po o le asiasi ane i le www.lds.org/broadcast.