Manatu mo afiafi faaleaiga

O nei manatu e mafai ona faaaoga mo aoaoga i le potuaoga faapea foi i le aiga.

“Faaaloalogia o le Malumalu,” i. 10: Faaali atu se ata o se malumalu, ma faasoa atu faamanuiaga autu e fa o le malumalu e pei ona taua e Peresitene Groenewald. Ia talanoa i mea e mafai ona fai e saunia ai e maua faamanuiaga o le malumalu. Tuu atu i tagata taitoatasi o le aiga e faasoa atu se sini o le a faapea ona fesoasoani ia te ia e auai atu ai i le malumalu.

“O Le Samaria Agalelei: O Faatusa Ua Faagaloina,” i. 26: Faamatala atu o se faataoto e faaaoga ai mea faitino faaleolaga nei ma aafiaga e aoao atu ai upumoni e faavavau. Toe faamanatu le faataoto i le Samaria agalelei, ma faamatala atu uiga faaopoopo na ta’ua e Brother Welch. Fesili atu i tagata o le aiga: O le a se auala na fesoasoani ai Iesu Keriso ia te oe? O le a se auala na tausia ai oe e le Ekalesia? E faapefea ona e alu atu ma fai faapena?

“O Taiala e Sefulu e Taitaiina ai Lou Olaga,” i. 34: Ia saunia ni fasipepa se sefulu e tusi ai faapupuu ni upumoni, ma tufatufa atu. Tuu atu i tagata eseese o le aiga e faitau mai se upumoni ma ia talanoaina pe avea faapefea lena upumoni ma se taiala i lou olaga. Fai atu i tagata o le aiga pe i ai ni a latou upumoni pupuu e faaopoopo atu i le lisi. Ia faauma i le faitauina o parakalafa mulimuli e fa o le tusitusiga.

“Lagolagoina o Epikopo Sheets,” i. U12: Tuu atu i se tagata o le aiga e tulai ma faaloloa i luma ona lima. Ia tuu auaua’i ni mea mamafa i luga o lima taitasi (mo se faataitaiga, e ala i le faaputuina o tusi i luga o lima). Tuu atu i isi tagata o le aiga e fesoasoani e taofi i luga lima a’o faateleina le mamafa [o tusi]. Fesili atu pe o le a le uiga o le lagolagoina o se tasi. Faitau le tala a’o faalogologo tagata o le aiga e iloa ai le auala na lagolago ai e Sheila lona epikopo. Lisi ni auala e mafai e lou aiga ona lagolago ai le epikopo po o le peresitene o le paranesi. Ia fai faatasi o se aiga se mea (atonu o ni kuki po o se tusi faafetai) e avatu i lou epikopo po o le peresitene o le paranesi.