O Le A Se Ofu E Tatau Ona Ou Ofuina?

E te alu i se matafaga mafanafana ma ni seevae mamafa o le kiona? Pe e te saunia ea mo lau taaloga soka i le ofuina lea o ofu moe? O le mea moni e leai! E i ai taimi talafeagai e te ofuina ai na laei—e pei ona o le a e fauina se faatagata aisa po o le a alu e moe.

O loo aoaoina Atonio ma Ela e uiga i le taua o le tausaafia ma le ituaiga o ofu e talafeagai mo le ofuina i gaoioiga eseese. Ao la mafaufau e uiga i mea uma e tatau ona o la faia, sa la manatua e ofu o la ofu e sili ona lelei pe a o atu i le lotu i Aso Sa. Sa faapea mai Elder Dallin H. Oaks o le Korama a Aposetolo e Toasefululua: “Pe a tatou o atu e tapuai i se malumalu po o le falelotu, e tuuese o tatou ofu faigaluega ma tatou laei i ni ofu lelei. O le suia o laei o se faailoga lea e faaali atu ai le faaaloalo” (“O Le Gagana o le Tatalo,” Liahona, Iulai 1993, 17).

Oti ese ata o Ela ma Atonio o loo i le itulau U16. Faapipii pe tuu i le faatulagaga sao i luga o nei itulau. Fesoasoani ia Atonio ma Ela e filifili ofu sao pe a o i le aoga, taaalo i taaloga, ma le faia o isi gaoioiga. Aua nei galo ia tuuese o la ofu sili ona lelei mo le Aso Sa!