E faapefea ona ou maua se molimau e uiga i tusitusiga paia?

Na faasoa mai e Elder Russell M. Nelson o le Korama a Aposetolo e Toasefululua nisi o ona manatu i lenei mataupu.

Ata

A’o e mafaufau loloto ma tatalo e uiga i mataupu faavae o le talalelei, o le a talanoa atu le Agaga Paia i lou mafaufau ma lou agaga.
Pe a e faitauina le Tusi a Mamona, tulimatai le tagata taua i totonu o le tusi—mai le mataupu muamua e oo i le iuga—o le Alii o Iesu Keriso, le Alo o le Atua soifua.
I lau malaga i le olaga, e te fetaiai ai ma le tele o faafitauli ma faia foi ni mea sese. O taiala o tusitusiga paia e fesoasoani ia te oe e iloa ai le sese ma faia suiga sao talafeagai.
Tatou te faatauaina tusitusiga paia e ala i le aoao i ai i le agaga o le mauaina ma le fiafia, ma le usitai ma le faatuatua.
E mafai e le Tusi a Mamona ona fesoasoani i faafitauli faaletagata i se auala moni. E te manao e lafoai se amioga leaga? E te manao e faaleleia le mafutaga i totonu o lou aiga? E te manao e faateleina lou tulaga faaleagaga? Faitau le Tusi a Mamona!
O i latou taitoatasi e aoao ma le tatalo i le Tusi a Mamona e mafai ona maua se molimau o lona mamalu.

Mai le “Ola i le Taitaiga Faatusitusiga Paia,” Liahona, Ian. 2001, 20, 21; “O Se Molimau i le Tusi a Mamona,” Liahona, Ian. 2000, 82, 85.