Te Faaara mai nei te Fare Ana Vahaparau i te Va‘uraa o te Tata‘uraa Rima Î no te Ao atoa nei

Ua horo‘a mai te Fare Ana Vahaparau no te Aamu e te Rima Î i te tumu parau no te Va‘uraa o te Tata‘uraa Rima Î no te Ao atoa nei e te ani manihini mai nei i te mau melo o te Ekalesia ia faaŏ i roto i teie tata‘uraa e tupu i te 20 no Mati e tae atu i te 11 no Atopa 2009.

Teie te tumu parau no teie nei tata‘uraa, « Haamana‘oraa i te mau Mea Rarahi a te Atua »,1 oia’toa te mau iteraa rau o te Feia Mo‘a i te mau vahi atoa. E faahoho‘ahia teie nei ohipa rima î i te hoê tumu parau, hoê feruriraa, hoê aamu, te mau taata e aore râ, te hoê vahi ia faaauhia i (1) te mau parau haapiiraa o te Mau Mahana Hopea Nei, te mau ti‘aturiraa e te mau haapiiraa, oia’toa te mau aamu no roto mai i te mau papa‘iraa mo‘a e te mau haapiiraa a te mau peropheta; (2) te mau ohipa tei tupu, te mau vahi e te mau vahi tuiroo no te aamu o te Ekalesia e to’na mau taata; e aore râ (3) te faaohiparaa i te mau faufaa o te pae faaroo i roto i te oraraa o te Feia Mo‘a oia’toa te Ekalesia, te utuafare e te mau ohiparaa a te taata iho.

Ua haamatarahia te tata‘uraa i te mau melo no te Ekalesia mai te 18 matahiti e hau atu hou te 31 no Titema 2008. Ia hapono mai te mau taata tata‘u hoê a‘e ohipa. Te rau o te huru o te iho tumu e te nehenehe o te mau peu tumu, te mau huru o te rima î e e fariihia te rauraa o te huru o te faanahoraa. E mea ti‘a ia faaîhia te mau aniraa no te tomo i roto i teie tata‘uraa hou te 1 no Tenuare 2006.

E haponohia’tu ïa te mau parau no te tomoraa i te mau taata tata‘u na roto atu i te rata a te Fare Ana Vahaparau i te ava‘e Eperera 2008. E roaa’toa teie parau tomoraa i ni‘a i te reni Vere [Web] a te Fare Ana Vahaparau. Mai te mea e taui outou i to outou vahi nohoraa e ua tapa‘o a‘ena-hia outou i ni‘a i te tabula haponoraa, a papa‘i i te Fare Ana Vahaparau i te Eighth International Art Competition, Museum of Church History and Art, 45 North West Temple St., Rm. 200, Salt Lake City, UT, 84150-3470, USA e aore râ, a hapono i te hoê imere i te churchmuseum@ldschurch.org.

No te hi‘opoaraa matamua, e niuhia ïa i ni‘a i te mau hoho‘a tei haponohia apeehia e te parau tomoraa hou te 10 no Atopa 2008. Te hi‘opoaraa no ni‘a i te rima î e ravehia ïa i ni‘a i te huru o te faaiteiteraa o te tumu parau; te faaotiraa i ravehia no ni‘a i te rima î e te faanahoraa ; te huru o te hamaniraa, to’na tumu mau e te nehenehe o te faaotiraa o te rima î. Rave rahi mau Au‘a Haamauruururaa o ta te Ekalesia e hoo mai; tae roa’tu e 25 Haamauruururaa e Au ia Aruehia mea aufau, o te horo‘ahia e te mau haava o te tata‘uraa ; e e 3 Haamauruururaa aufau no te Maitiraa a te mau Manihini.

No te mau haamaramaramaraa hau atu no ni‘a i teie tata‘uraa e aore râ, i teie ohipa rima î, a haere i ni‘a i te Imere www.lds.org/churchhistory/ museum/competition.