Ua Faapaiaina le Malumalu i Curitiba Pasila

Na fuafua e tatalaina le Malumalu o Curitiba Pasila i le Aso Gafua, 2 Iuni, 2008, ina ua mavae le aso sa fuafuaina ai sauniga e fa o le faapaiaga i le aso 1 o Iuni.

Sa faia se faafiafiaga faaleaganuu i le Aso Toonai, 31 Me, i le po a o lumanai le faapaiaga. O le faafiafiaga ma le faapaiaga sa faia ina ua mavae se masina atoa o le fale tatala lea sa faia mai le aso 10 o Me e oo i le 24, 2008.

O le Malumalu o Curitiba Pasila o le lona 126 ai lea o malumalu ua faagaoioia i le lalolagi atoa ma o le lona lima ai lea o malumalu o le Au Paia o Aso e Gata Ai i Pasila. O loo i ai foi malumalu i Campinas, Porto Alegre, Recife, ma São Paulo. O le Malumalu o Manaus Pasila, lea sa faasilasilaina i le 2007, o le a avea ma malumalu lona ono i Pasila.

Na uluai faasilasilaina le malumalu o Curitiba ia Aokuso o le 2002, ma sa suatiaina le eleele ia Mati o le 2005. O le a tautuaina ai le silia ma le 42,000 tagata, e aofia ai i latou mai siteki e 21 i setete o Paraná ma Santa Catarina.

O le faapaiaga ma faatasiga uma e faatatau i ai sa fuafuaina ina ia faataunuuina ae ua maea ona lolomiina lenei lomiga.