O Le Fale o Leute
O po uma lava e potopoto ai le aiga o Leute i lo latou fale Samoa masani, o se fale ato lau e tu i luga o pou ma e lapotopoto laumiumi ona foliga. Pe a ma le 15 futu (4.6 m) le umi ma e 10 futu (3 m) le lautele ma e leai ni puipui, ae o nisi taimi e tatau ai i luga ieafu e puipui ai.
O Leute, e 10 tausaga, ma o loo nonofo faataamilo tagata o lona aiga i luga o le fola ma o loo faia se suesuega o tusitusiga paia faaleaiga. Latou te usuina ni pese ma talanoa i mea tau i le aiga ao lei momoe.
O le taimi lea latou te faaaluina faatasi i po taitasi ua taua o le sā, o lona uiga e “paia.” O se taimi e mafuta faatasi ai le toatele o aiga i Samoa.
Ua aoao mai perofeta e tatau ona paia o tatou fale e pei o le malumalu. Po o a lava foliga o o tatou fale, e i ai mea e mafai ona tatou faia e fesoasoani ai e valaaulia le Agaga Paia i totonu o o tatou fale ma faamatagofie ai, avea ai ma se nofoaga fiafia o le filemu ma le aoaoga.
Ata na tusia e Steven Keele; ata na pueina e Adam C. Olson
Ina ua uma ona fofola lona fala moe ma tautau lona tainamu, ona fai lea o le tatalo a Leute.
E potopoto le aiga i lo latou fale mo le tatalo faaleaiga, suesue i tusitusiga paia, ma fai ni talanoaga faaleaiga e toeitiiti lava o po uma.
Afai e manao Leute e suesue na o ia i tusitusiga paia, e masani lava ona nofonofo i fafo i lalo o se laau.
E masani lava ona potopoto le aiga i le fale o matua o matua a Leute mo le afiafi faaleaiga.
E faaali e le aiga se ata o le Faaola faatasi ai ma nisi ata mai le Liahona e faamanatu atu ai o Ia ia i latou.
O taimi o taumafataga o taimi taua ia i le aiga. E kuka meaai a le aiga i luga o se afitafu pe faaaoga foi maa aasa i luga o se ogaumu e ta’u o se umu.
E teu e le aiga a latou tusitusiga paia, tusi lesona, ma isi lomiga o le Liahona i luga o se laulau.