Auauna Atu i le Malumalu

Ina ua atoa lo’u 17, sa amata ona ou mafaufau mamafa e uiga i lo’u lumanai, ma sa ou tatalo i le Tama Faalelagi e uiga i mea e mafai ona ou faia e saunia ai e alu i se misiona ma maua le Perisitua Mekisateko. Sa ou lagonaina e ao ona ou alu soo i le malumalu ona o le maota o le Alii ma o le nofoaga lea ou te mafai ona lagonaina ai le latalata sili i lo’u Tama Faalelagi.

O lea na ou faatuina ai se sini ia fai ni papatisoga se 1,000 i le tausaga. Sa ou lagona moni lava le manaomia ona faatu lenei sini; sa ou anapogi ia iloa pe o le mea lea e ao ona ou faia. Sa tali mai lo tatou Tama Faalelagi ia te au, ma amata ai ona ou alu i le Malumalu o Tampico Mekisiko i Aso Toonai uma.

Ina ua uma ona ou faia papatisoga e 500, sa ou faatuina se sini e saili talafaasolopito o aiga o ou augatama, ma sa ou fiafia tele lava e fai le sailiga sa le mafai ai ona ou moe ona sa ou saili mo igoa. Sa ou mauaina igoa e 50 ma augatupulaga e valu o le talafaasolopito o lo’u aiga; sa ou fesoasoani e fai galuega faalemalumalu mo i latou uma.

Sa iu ina ou faia e silia ma le 1,300 papatisoga, ma sa ou faauu mai le seminare, maua le Perisitua Mekisateko, ma o le taimi nei o loo avea au ma se faifeautalai faamisiona, o se tasi o au sini silisili o le olaga.