Te faaineine ra Mathilde no te tomo i roto i te Feia Apî Tamahine
Ua anaanatae roa Mathilde no te mea ua fatata oia i te tomo i roto i te Feia Apî Tamahine, noa’tu â pai aita oia i papû roa e aha te mea ta’na e ite atu. E no reira, ua paraparau oia i to’na tupuna vahine. To’na tupuna vahine, o te tuahine Bonnie Oscarson ïa, te peresideni rahi no te Feia Apî Tamahine. E mau mana‘o tauturu rahi e vai ra i roto ia’na !
A ani i to outou mama e aore râ to outou tupuna vahine e aore râ te tahi vahine o te paroisa i te mea ta’na e haamana‘o ra no ni‘a i te Feia Apî Tamahine. E faaroo mai paha outou i te tahi mau mea arearea.
E no reira…
I te haereraa te tuahine Oscarson i te Feia Apî Tamahine, ua roaa ia’na te tahi mau fetiʻa na roto i te rave-faaoti-raa i te tahi mau ohipa taa ê. Ua nira roa oia i te reira i ni‘a i te hoê tapu ahu taa ê, e ua nira atoa oia i te hoê tiare ei tapa‘o no te haapa‘o maitai
… E teie nei
Na teie fifi arapoʻa e faahaamanaʻo ia outou ia riro ei mori no vetahi ê e ia ti‘a outou no te parau mau e te parau-ti‘a.
E roaa atoa ia outou te tahi mau ripene na roto i te faaotiraa i te mau iteraa e te mau opuaraa o te faanahoraa Te faahaereraa ia’u iho i mua.
E i muri iho, e farii outou i te feti‘a no te Feia Apî Tamahine.
Oro‘a no te haamataraa apî
Ua haere Mathilde i te hoê putuputuraa taa ê o te parauhia nei te oro‘a no te haamataraa apî. E mea arearea roa ta ratou haapiiraa e ua haapii ratou no ni‘a i te faanahoraa Te faahaereraa ia’u iho i mua.
Te rave atoa nei Mathilde i te ohipa no ta’na Feti‘a no te Faaroo i te Atua ma te tamau aau i te mau hiro‘a faaroo.
Haamanaʻoraa taa ê
Tei roto o Mathilde e to’na mau fetii taea‘e i te pû amuiraa rahi i te 6 no eperera 2013. Aita ratou i ite e no te aha râ to ratou mama ruau i titau mai ai ia ratou paatoa ia haere mai i te amuiraa rahi. Ua hitimahuta ratou e ua anaanatae atoa hoʻi i te patururaahia oia ei peresideni rahi no te Feia Apî Tamahine !
Feia Apî Tamahine
Faahaereraa ia‘u iho i mua
Te mau hiti api na amiloslava/iStock/Thinkstock