« Te utuafare : E Poro‘i i to te Ao nei », ua horo‘ahia mai e te Atua no te tauturu i to’u utuafare

E mana rahi to te mau tamarii—te mana no te taui i te tahi mea taa ê i roto i te utuafare ! E ere te mau utuafare e hoê â huru, atira noa’tu, e mea faufaa rahi te utuafare na te Metua i te Ao ra. Ua hinaaro Oia ia vai puai to tatou utuafare, e no reira ua horo‘a mai Oia i « Te Utuafare : E Poro‘i i to te Ao nei » no te tauturu ia tatou. Ua ite te Metua i te Ao ra e, e nehenehe ta outou ia tauturu i to outou utuafare ia vai puai.

E tuhaa outou no te hoê utuafare mure ore o te titau nei i ta outou tautururaa.

E ti‘a ia outou ia faatae i te oaoa, te marû e te here i roto i to outou utuafare.

E ti‘a ia outou ia faaroo te tahi i te tahi, ia ohipa e ia haʻuti te tahi i te tahi , ia faaore i te hapa e ia tauturu te tahi i te tahi.

E ti‘a ia outou ia tai‘o i te mau papa‘iraa mo‘a e to outou utuafare.

E ti‘a ia outou ia riro ei hi‘oraa maitai no to outou utuafare ia pure ana‘e outou e ia haapa‘o outou i te mau faaueraa.