Ua here Oia ia oe

Te parahirahi noa ra vau i roto i te hoê poro o te piha tiretiera, i piha‘i iho i te hamonia i te taime no te haamoʻaraa o te hiero no Memphis Tennessee. O te peresideni James E. Faust (1920-2007), no te Peresideniraa Matamua, mai te matahiti 1995 i te matahiti 2007, tei haere mai i te pureraa haamoʻaraa o te hiero. Tei muri oia e te tahi atoa mau puʻeraa feia faatere i te terono. Ua tomo mai te pŭpŭ himene e ua parahi i muri mai ia ratou.

Tei roto atoa i teie pŭpŭ te hoê tamahine ta’u i hahaere noa na. I te roaraa o te pureraa, ua pure noa vau ia farii mai oia i te mea i haere mai ai oia. I parau mai hoʻi oia ia’u e, e haere mai oia i teie haamoʻaraa hiero no te farii i te pahonoraa no ni‘a i to’na ti‘araa i mua i te Fatu. E mau hara teimaha ta’na i rave i te matamua ra, e noa’tu pai ua tatarahapa oia, te tahurihuri noa nei â to’na mana‘o no ni‘a ia’na e ua tae roa i te mana‘o e, eita e ti‘a ia’na ia himene i roto i te pŭpŭ himene.

Ua mau noa to’u na mata i ni‘a i te peresideni Faust, ma te mana‘o e, ei ti‘a no te Fatu i roto i te Peresideniraa Matamua, e ti‘a ia’na ia faatupu i te tahi ohipa. Nahea râ pai te parau atu ia’na, e e aha pai ta’na e nehenehe e rave ? I muri mai i te pureraa, e faaruʻe oia i te piha mai ta’na i tomo mai, e aita ïa e farereiraa, aita ïa e aroharaa rima e aita e paraparauraa. Ua taa ihoa ia’u e, ua rahi ta’na tapura ohipa e ua nahonaho a‘ena to’na tere, ua tamau râ vau i te pure.

Tei roto te peresideni Faust i te manaʻonaʻoraa rahi, e ua fariu ihora to’na mata i ni‘a ia’u—ua faateimaha to’na tu’e mata. I te otiraa te pureraa, ua diluvihia to’na mata i te oaoa e ua maramarama roa to’na hoho‘a.

Ua hi‘o faahou mai to’na mata ia’u ei reira, ua ti‘a a‘era oia i ni‘a, e ua huri i muri ia’na, ua faatoro atea a‘era oia i to’na rima. Ua toro afaro to’na rima i ni‘a i to’u hoa. Ei reira, ua parau papû e ua parau puai oia, « Ua here te Fatu ia oe ! »

E ohipa iti naʻinaʻi noa e te ohie ta te peresideni Faust i rave, e mana rahi râ tei itehia i reira, e no reira, na te Varua Maitai ana‘e i faa‘ite ia’na i te mea eita ta’u e nehenehe. Ua haamaitai roa ino te reira mau parau i to’u hoa e ua tamau atoa te reira i te turu i to’u iho nei faaroo e, e mea manaʻonaʻo te Fatu i te mau tuhaa iti o to tatou oraraa e « na roto i te mau mea iti e te papû ra e faatupuhia’i te mau mea rarahi » (Alama 37:6).