Na sitoa ni vava nei Abuelo

iVakatakilakila

Abuelos Shoe Shop

E dolava yani o Miguel na katuba ni sitoa ni vava nei nona tutu. E boica yani na leca e cakava tiko o nona Tutu. E a dua nai boi taleitaki vua.

“Bula Tutu!”

E cuva tu o tubuna ni droini muria tiko na yavana e dua na dauvolivoli ena dua na pepa. A sega ni rai cake mai o koya. E sega soti ni vinaka na nona rogorogo o Tutu.

E dabe ena dua na idabedabe ni cakacaka o Miguel. Ka vakaraica yani o koya na binibini leca ka sa koti oti tu. E veinanuyaka o koya na veika ena cakava kina o Tutu, ni vakayagataka tu na nona ituki kei na ikoti.

E vakananuma vei Miguel nai yaya ni cakacaka eso oqo, e dua na ka e dau taleitaka. E dau solia vei Miguel o Tutu na loli kamica ni dau veivuke o koya ena sasamaki.

Ia, sa via kana tu ena gauna oqo o Miguel! E kila o koya ni sega ni dodonu me taura e dua na loli ni sega ni kerea rawa, ia e kena irairai ni na osooso tiko o Tutu ena gauna oqo. “Ena sega niu na wawa,” e nanuma o Miguel.

E cuva yani o Miguel me taura mai na tavaya ka tiko kina na loli kamica. E sinai tu ena nona loli taleitaki—kena e kamica kei na kena e gaga ka vakapauta gaga! Ni sa dolava yani, e sega ni logaloga vinaka o Miguel. Ia, sa veitemaki saraga na rairai ni loli. E vakatotolo yani ka biuta e gusuna.

Sa gole yani o dauvolivoli. E tomika mai o tutu e dua na tiki ni leca ka tonia yani ena so na wai. E vukea oqori me malumu na leca ka rawarawa na cakacakataka.

E veimamayaka yani vakatotolo o Miguel na loli. Ka qai taubale yani vei Tutu.

“Bula!” E tukuna yani ena matadredre o tutu. “Au vakavinavinaka ni o mai raici au.”

E mokoti tutu yani o Miguel. E nuitaka o koya ni sega ni raica rawa o tutu ni sa kania tu o koya e dua na loli. E vakatikitikitaka o Miguel na lomaleqa oqori.

“E kena irairai ni o osooso nikua,” e tukuna o Miguel, ni dusia tu yani na binibini leca. “O gadreva beka e dua na veivuke?”

“Donu! E rawa beka ni o solia mai vei au na wa oqori?”

E taura mai o Miguel e dua na tiki ni wa balavu. E dreta mai e ligana. E kaukauwa sara mai na kena e nanuma o koya.

“Oi, e kaukauwa dina.”

E dredre o tutu. “E dodonu me vakakina, me rawa ni lako curuma na veidraki ni bula.” E cula basika yani o tutu ena leca. Ka qai laurai e matana nai rairai e dau vakatoka o Nana me rairai “Vuku nei Tutu”.

“Kila o keda, eda gadreva meda vaka na ivava oqo,” e kaya o Tutu ni deguvacu toka.

E raica yani vakamalua o Miguel na leca. “Ah. E dodonu beka?”

“Io, e dina sara. E gadrevi meda kaukauwa tiko. Ena sala oya ena sega ni rawa ni vakalutumi keda na veitemaki nei Setani.

E basika tale mai nona vakanananu o Miguel na loli damudamu. E kila o koya ni dodonu me tukuna vei tutu.

E taura mai o tutu e dua na ivava makawa ena kovate. “Raica na qara levu oqo?”

Ena rawa beka ni vakasodoma o Miguel na ligana e qara oya. “Io.”

“Oqo e dua na qara lailai ka na vakavinakataki vakarawarawa. Ia, eratou a wawa, oqo sa na dredre na vakavinakataka. Na ivakarau matau kei na digidigi cala ena rawa ni vakalevutaka na qara oqori. E vinaka cake me vakavinakataki ena gauna totolo duadua.’

E deguvacu tale o tutu, ka baci basika tale na rairai vuku kei tutu qai dredre tale mai. Erau veitalanoa tiko ga ni cakacaka tiko o Abuelo. Ena kece oqori e vakasamataka tikoga o Miguel na loli damudamu.

Ni sa oti o tutu, sa vukei koya sara o Miguel me sasamaki. Ka qai taura mai o tutu na nona tavaya loli.

Sa sega ni rawa ni vosota rawa o Miguel. “Au a taura e dua na nomu loli kamica!” e kaya yani o koya.

E biuta sobu tale na tavaya o tutu. “Na cava o ya?”

Sa qai kaya vua o Miguel ni a taura na loli kamica ka sega ni kerea. “Vosoti au, Tutu! Au na sega ni cakava tale, au sa yalataka!”

E mokoti Miguel sara o Tutu. E vakila o Miguel ni sa vinaka cake sara na veika e vakila.

“Vinaka vakalevu na dau dina. E bibi sara oqori mai na cava tale.”

Ni rau sa taubale lesu tiko ki vale, a vakila o Miguel ni vaka e dua nai vava vou nei Tutu. Kaukauwa tu, ka vakarautu me sotava na bula!