Gauna vakamosiyalo vei ira na gonevuli
A dua na gauna vinaka vei ira na gonevuli ni kalasi ni bula-rawati koya e Suva na nodra a laki veiqaravi vei ira na gone era tu vakaloloma.
Ena iotioti ni siga ni kalasi, era sa lomavata na ilawalawa kei nodra iliuliu mera dolea lesu ki na itikotiko raraba ena nodra laki veiqaravi vei ira. Era a digitaka mera solia na nodra gauna kei na igu kivei ira na Gone ena St. Christopher’s Home. E vakarautaka na vale oqo kei ira na kena marama me itikotiko taqomaki vei ira na gone era tu vakaloloma.
Era gole yani na lewe ni kalasi kei na nodra reki, selekava, barasi kei na vokete ki na St. Christopher. Ni ra yaco yani, a kerei ira sara na marama iliuliu e kea mera “qusi katubaleka kei na kena iloilo.”
Era soqoni vata mai na kalasi ni bula-rawati koya mera laki veiqaravi vei ira na Gone ena St. Christopher’s Home e Viti—2017.
Era a wasewase na ilawalawa mera yadua na vale ni moce me savasava kina na katubaleka taucoko. A kaya e dua a cakacaka, “Keimami a veiwasei ni toso tiko na neimami qusia na iloilo e cake e ra ka taleitaka sara. Na itaviqaravi oqo a duavata mai kina na itikotiko raraba ki na kena inaki—mera qaravi na gone kei ira na iliuliu e St. Christopher.”
Ki na vuqa era volodia ena siga o ya, a dua dina “na gauna vakamosiyalo ka marautaki.” A imatai tiko vei ira eso era se qai bau cakava vakadua na mataqali veiqaravi vakaoqo. A kaya e dua a vakaitavi kina, “Keimami a cakacaka vata ka kila tiko ni keimami veiqaravi vei ira na lewenivanua, keimami sa qarava tiko na noda Kalou.”