Kena dina
Na cava e vakatara kina na Kalou na ivalu?
Na iVakatakilakila mai na Getty Images
Na veivaluvaluti esa dua tu na tiki ni talanoa ni kawatamata e vuravura me tekivu mai na ivakatekivu ni gauna. Ia, na Turaga, na Tui ni Sautu, e sega ni vinakata me da veivaluvaluti. E tagi ni ra digitaka na tamata me ra sega ni veilomani ka “sa sega ni veilomani, ka sa cati ira na wekadra dina” (Mosese 7:33), vakasisila na vuravura ena valavala kaukauwa (raica na iVakatekivu 6:11–13). O ira na ivalavala ca era kauta mai na ivalu ki vuravura era na lewai me baleta na nodra ivalavala.
Esa vakaroti ira na Nona tamata na Turaga me ra “cata na ivalu ka vunautaka na veisaututaki” (V&V 98:16). Ia sa kaya talega vakaoqo na Turaga, mo dou taqomaka na nomudou vuvale, vanua, kei na nodra galala kei na dodonu mai na veivakarusai, veivakabobobulataki kei na veivakararawataki (raica na Alama 43:47; Alama 46:12–13; V&V 134:11). Kei ira na Yalododonu Edaidai era veiqaravi tu ena nodra veimatanitu era vakamuria tiko na ivakavuvuli ni “sa kilikili meda vakarorogo vei ira na tui, peresitedi, iliuliu kei ira na turaganilewa” (Yavu ni Vakabauta 1:12).