iTalanoa mai na iVolanikalou
E Volitaki ki Ijipita o Josefa
Mai na iVakatekivu 37–41.
O Josefa kei na 11 na tuakana. E solia vua na tamana e dua na kote totoka, duiroka. E tukuna na Kalou vei Josefa ni na liutaki iratou mai na tuakana.
Eratou cudru na tuakai Josefa. Eratou sega ni vinakata me nodratou iliuliu o Josefa! Eratou volitaki koya vei ira na tamata era lako tiko ki Ijipita, ka sa yaco me bobula o koya.
E a cakacaka vakaukauwa o Josefa. E digitaka o koya na dodonu, ena gauna madaga era lasutaka na veika baleti koya ka qai biu ki valeniveivesu.
Ena gauna sara madaga ni dredre, e nuitaka na Kalou o Josefa. Ka tiko kei Josefa na Kalou. E yaco me dua na iliuliu e Ijipita o Josefa! Ni sa qase mai, e veivuke o koya ena liutaki ni nona vuvale, me vaka ga ni a tukuna na Kalou.
Au rawa ni nuitaka na Kalou me vaka e cakava o Josefa. Au rawa ni digitaka na dodonu. Ena tiko vata kei au na Kalou veitalia ga na cava.