Mo Dau Yalovinaka!

E dua na tagane ena noqu kalasi e koronivuli e dau sotava na dredre me vuli-ka. Au dau tovaki koya ni ra dau vakanini koya na tamata, ka’u dau vukei koya ena kalasi ni dau gadrevi. E tukuna o noqu qasenivuli ni sa qai dua na yabaki oqo e raica kina o koya ni sa lewe ni nona kalasi.

Ena gauna e mate kina na nona momo na noqu qasenivuli, e sa rarawa sara vakalevu o koya. E sega ni kila o koya baleta na Lotu, au qai tukuna vei koya ni sa lomani koya na Tamada Vakalomalagi. Au a cakava vua edua na kadi ka’u tukuna vua ni na rawa ni raici nona momo tale. Au sa mani solia vua na noqu pera lailai me vukei koya ena gauna ni rarawa.

O Olivia ka tiko volekati keitou e dau dredre vua na taubale, vosa kei na rogoca na vosa. E tukuna o tinai Olivia ni sa kalougata sara o Olivia ni dua na nona itokani vakataki au. E kalougata talega o au!

Au dau taleitaka na lagata na sere mai na Children’s Songbook. E tukuna na noqu matavuvale ni vukei ira me vakila na Yalo Tabu. Na Yalo Tabu e vukei au meu vakila e dua na veivakakatakatai e loma.