Nomu sasaga mo Kila na iVakabula
E vakaitikotiko mai Utah, Amerika, o koya e vola.
Ni o vuli me baleti Jisu Karisito, o sa sureta tiko na Nona vakacegu ena nomu bula.
Matailalai mai na Evei na Lewe Ciwa, mai vei Liz Lemon Swindle
Vakasmataka ni o wilika na veika kece me baleta na iVakabula ena ivolanikalou—na iVola Tabu, na iVola i Momani, na Vunau kei na Veiyalayalati, kei na Mataniciva Talei. Sa wacava na levu ni gauna kei na cakacaka! Ena Janueri 2017, O Peresitedi Russell M. Nelson e bolei keda ena kena vakayacori—meda vulica na veika kece e vakayacora o Jisu ena ivolayavu ni cakacaka. E tukuna o Peresitedi Nelson na kena vakacavari na cakacaka oqo ena vakavuna “me tamata sa veisau.” E sega walega ni vulica vakalevu cake baleti Jisu Karisito ia e vakila talega e dua na yalodina me gumatua tiko Vua.1
Ena rawa talega vei iko mo toro voleka vei Karisito ni o vuli tiko baleti Koya. Na vulici ni Nona bula kei na inaki e sureta na Nona vakacegu ki na nomu bula ka vukei iko mo lako mai mo kilai Koya kei Tamada Vakalomalagi. Raica mada na nodrau isau ni taro na rua na itabagone oqo: (1) Na cava na nomu italanoa ni volanikalou taleitaki me baleta na iVakabula kei na cava e taleitaki kina vei iko? (2) Esa kauta mai vakacava vei iko na vakacegu na nomu vuli vakosipeli?
Au taleitaka na italano baleta na 10 na vukavuka baleta ni o Karisito e vakaraitaka na loloma levu vei koya na vukavuka e qai lesu mai me vakavinavinakataki Koya. E kaya o Koya, “Sa vakabulai iko na nomu vakabauta” (Luke 17:19; raica na verses 11–19). Au taleitaka na ivakaraitaki dina ka taucoko ni yalololoma e vakaraitaka o Koya vei ira kece.
Ena vuku ni dua na ka ese qai yaco wale toka ga ena noqu koronivuli, o ira kece na tu ekea e gadreva na vakacegu kei na sautu. Au sa kunea na vakacegu kei na kaukauwa ena noqu vuli-ka tiko ena semineri. Na qasenivuli ni semineri era kauta voleka mai na ivolanikalou kei na kosipeli vei keimami yadua. E dua na ka totoka na kena vakatauvatatani na rumu ni kalasi ni semineri kei na dua ga na rumu ni kalasi. E tiko kina e dua na yalo duatani ka kauta mai na vakacegu.
Gabriel S., yabaki 16, Colorado, Amerika
Na italanoa baleti Alama kei na vakabauta kei na vosa ni Kalou (raica na Alama 32:18–43) e vakavulica ena gauna eda teivaka na loloma, eda na ciqoma na loloma. Me vaka e vakamacalataka o Alama vei ira na Soramu, na vakabauta e vaka na sorenikau. Sai koya na kena vakabauti ni dua na ka e tiko e kea ni se bera ni da raica. Na vakabauta ena tubu ni sa gadreva e dua na tamata me vakabauta ka rogoca na vosa ni Kalou. Na veika oqo esa vukei au meu malua, vakaqaqacotaka na yaloqu, ka rawata e dua na ivakadinadina ni raici au na Tamada Vakalomalagi ena mata ni loloma kei na loloma veivueti.
Niu vulica na ivolanikalou e veisiga, au kila vinaka cake na Nona loloma na iVakabula me baleti keda yadua. Na kila oqo e vukei au meu vakamacalataka vei ira noqu itokani e koronivuli ni ra sega ni tu taudua ni ra sotava na leqa baleta ni tiko e dua na Kalou e lomani keda.
Maria D., yabaki 17, Guadalajara, Spain
Matailalai mai na Na Karisito kei Ira na Gone ni iVola ni Momani, mai vei Del Parson
Au taletaka ena 3 Nifai 17 ena veisiko ni Vakabula e Amerika ka qai sureti ira na gonelalai me ra lako mai Vua. E dabe vata kei ira ka taura na gauna me tiko kei ira yadua. Oqori e dua na italanoa taleitaki vei au ka vakaraitaka ocei o Jisu Karisito kei na levu ni Nona loloma me baleti keda yadua. Au vakabauta ena dabe talega kei keda yadua ena gauna eda gadreva kina na Nona veivuke.
Ena yabaki oqo au bolei au meu wilika e dua na tabana mai na ivolanikalou e veisiga. Niu sa cakava oqori, au sa dau nanamaki kina ena veisiga. Au sa vulica e levu cake na ka mai na vosa kei na italanoa ena ivolanikalou niu sa tovolea meu taura na gauna meu kila vinaka, kau sa toro voleka sara vua na Tamada Vakalomalagi kei na iVakabula niu sa vulica na veika baleti Rau. Oqori esa kauta mai kina noqu bula na vakacegu.
Anna C., yabaki 17, Utah, Amerika
Au taleitaka ni lako mai Amerika o Karisito, kevaka e tiko eso era tauvi mate ka ra vakaleqai tu ena kedra maliwa, ka qai vakabulai ira. Ka qai vakalougatataki ira na gonelalai o Koya. (Raica na 3 Nifai 17.) Au nanuma ni sa dua na italanoa totoka ka mana sara. Au taleitaki ira na gonelalai, kau dau taleitaka ni ra solia nodra loloma vakalevu cake vei ira na tamata, baleta ni ra sa rui savasava na gonelalai. Na italanoa e vakaraitaka na titobu ni loloma vei keda na iVakabula. Baleta ni lomani ira na tamata ena gauna oya o Koya esa cakava na veika kece e cakava, e rawa ni lomani keda talega nikua.
Aisea 53:3 e tukuna ni Vakabula e “sa tamata e daurarawa na lomana, ka sa daukila ka rarawa.” Niu vakasamataka na Veisorovaki i Karisito, na veika e sotava me baleti keda, kei na kena na rawa niu vosoti niu veivutunitaka na noqu ivalavala ca, au vakila na vakacegu. E vuqa vei ira ena iVola i Momani—na luvei Mosaia, Amoni kei Alama Lailai—e voravora na nodra veigauna sa oti, ia era rawa ni vosoti. Era vuki yani vei Karisito, veivutunitaki, ka qai yaco mo ivakaraitaki talei eda rawa ni vuli mai kina nikua. E veivakacegui vei au meu kila ni rawa niu vosoti.
Alina T., yabaki 18, Oregon, Amerika
Noqu ivolanikalou taleitaki baleti Jisu sai koya na gauna e vukica kina na wai me waini ena dua na soqo ni vakamau, ena veivakauqeti nei Tinana (raica na Joni 2:1–11). Oqo e noqu italanoa taleitaki baleti Jisu ena nona rokovi ira na marama kei na Tinana sara madaga. Na italanoa oqo e vakauqeti ira na gonelalai me ra talairawarawa vei ira nodra itubutubu, e sega ena rere ia ena loloma levu. Na ivakaraitaki i Jisu Karisito sai koya na ka e dodonu meda sasaga kina. Na Nona loloma vei Tinana e sega vakadua ni yali, ka dodonu me vakakina na noda loloma vei ira noda itubutubu. E noqu tikina taleitaki baleta na Nona cakamana e ivakaraitaki ni veiqaravi, ka rawa talega ni tauyavutaka na caka mana ena nodra vukei na tani.
Na veitalanoa oqo kei nai talanoa eso tale ena ivolanikalou esa kauta mai na vakacegu. Eka ni marau meu kila kevaka au sa tovolea tiko meu vulica na veika baleti Karisito ka vakamuria na Nona ivakavuvuli, ena rawa niu lesu tale vua na Tamada Vakalomalagi dauloloma ena dua na siga.
Anna R., yabaki 17, Victoria, Australia
Au taleitaka na italanoa ni taubale tiko ena wai o Karisito. E taubale yani ki na waqa eratou tiko kina na iApositolo, ka qai sureti Pita me taubale mai ena wai. E vakabauta taumada o Pita ni rawa ni taubale ena wai, ka qai vakayalia nona vakabauta ka sa tekivu me dromu. Ka qai dolele yani o Karisito ka taura na ligana (raica na Maciu 14:25–33). Na italanoa oqo e matalia vei au baleta ni o Karisito e dau dolele tu ga mai vei keda na Ligana ena noda bula—ka taqomaki keda.
E dau vukei au na vuli-ka baleta niu dau vulica na ivolanikalou ena veimataka ka dau vakavinakataka na noqu siga taucoko. Niu sega ni vuli, e sega soti ni dau marautaki se lasa—e sega ga ni dau vinaka. Niu dau wilika na noqu ivolanikalou vakawasoma ena veimataka, e dau vinaka sara na noqu siga baleta niu sa sureta na Yalo Tabu me tiko vata kei au ena siga taucoko.
James K., yabaki 17, Alaska, Amerika
Karisito kei na Vutuniyau Gome, mai vei Heinrich Hofmann
Au taleitaka na italanoa i Karisito kei na cauravou vutuniyau (raica na Marika 10:17–22). E solia vei au e dua na rai titobu me baleta na vakaliuca tiko na Kalou mai na veika kece tale eso. Na kerei me volitaki na veika kece vakavuravura e dua na kerekere dredre vei ira kece na tamata. Ia au nanuma na kena rawa ni vakaliuci na Kalou mai na veika eda taukena e dua na ka e dodonu meda vulica na tamata yadua ena bula oqo. Na loloma tawavakaiyalayala nei Jisu Karisito e dua na ka totoka. E vinaka cake mai na ilavo cava ga se veika eda taukena ena bula oqo.
Na wiliki ni volanikalou e kauta mai vei au na vakacegu kei na lomavinaka, vakakina na vuku vakayalomatua kei na kila ka vinaka. E dina ga niu sega ni rawa ni vakila ena gauna vataga oya na mana ni vulici ni ivolanikalou, au kila na kena wiliki na ivolanikalou e veivakayarayarataki vinaka ena noqu bula ka vukei au meu vakila na Yalo ka raica na Nona veivakauqeti.
Yuzhen C., yabaki 19, Taichung, Taiwan
Matailalai mai na Na Marama e Tara na Bele ni Sulu i Karisito, mai vei Heidi Daynes Darley
Ni sa lako tiko o Karisito me raica e dua na goneyalewa esa mate tiko, e vakabulai e dua na marama ka sa tiri dra balavu tu ena nona tara na Nona isulu. E vuki mai na Karisito ka vosa vua ni sa vakila ni a tarai Koya (raica na Luke 8:43–48). E dina ga ni lako tiko mee la’ki vakabula e dua tale, e taura na gauna o Karisito me raici koya talega. Ena solia talega na gauna vei keda kece o Karisito.
Esa rui osooso dina na noqu bula, na cici ki koronivuli se kalasi ni danisi tuteqe se eso tale na itavi. Ena veika kece oqori, e sega ni dua noqu gauna taudua se meu vakila na vakacegu. Ena gauna au wilika kina na ivolanikalou se kaya e dua na masu, au vakila na vakacegu. E dau vinaka meu vakila na veika oqo ka cegu mai na veiosooso vakaoqori. Ena veigauna vakaoqori ni vakacegu, au toro voleka vua na iVakabula ka tubu ena kosipeli.
Zoe B., yabaki 17, Utah, Amerika