Vakamau, iLavo kei na Vakabauta

iVakatakilakila

Sunday and Priscilla on their wedding day

Au a tiko ena dua na soqoni ni tabagone qasecake e Kumasi, Ghana, e sega ni baleta niu gadreva e dua na noqu itau yalewa—au a sa vosaki tu—ia baleta niu nanuma au gadreva meu vakayaloqaqataki ka sa vanua donu saraga na soqoni oya. E saumi na noqu masu ena soqoni ni vosa oti o Sister Call, e dua na daukaulotu matua ka lesi me cakacaka kei ira nai tabagone qasecake, ka vosa me baleta na bibi ni vakamau e valetabu.

Ni sa mai cava na veitalanoa, e veisau vakasauri na kena irairai, “E sega ni o gadreva na ilavo mo vakamau—o gadreva ga na vakabauta.” Au vakila ni vosa sara tikoga mai vei au, ia au sega ni nanuma ni rawa ni yaco vei au baleta ni keitou se qai volia ga e vica nai yaya ena vakavakarau ni vakamau. Au kaya vei au, “Ena rawa vakacava meu gadreva ga na vakabauta ka segai na ilavo?”

Au vakasamataka vakavica talega na veika oqo ena loma ni macawa. Ni yaco tiko qo au tarogi au, “E vakayalayala beka na Kalou ena veika e rawa ni cakava o Koya?” E liu, au nanuma e sega, ia au qai vakasamataka tale io. Ia, qai muria mai e dua na taro, “Ena rawa vakacava ni vakaiyalayala o Koya kevaka esa kaukauwa sara o Koya?” E vakavulica vei au na Yalotabu na isaunitaro: na veivakalougatataki ni Kalou e vakatau ena noda talairawarawa vei Koya. E sega ni yalani kina Nona rawa ni vakalougatataki keda, ia eda sureti ira na veivakalougatataki oqori ena vakabauta meda cakava na veika e vinakata o Koya meda cakava.

E muri, au qai qiriti noqu duguci, o Priscilla, me veitalanoataka na neirau ituvatuva ni vakamau. E dina ga ni lailai na neirau ilavo, keirau nanuma me digitaka e dua na tikinisiga ni vakamau, ia keirau sega ni rawa ni navuca vata e dua na siga. Keirau duavata me keirau tarogi bisopi na tikinisiga ena ivola ni vula ni tabanalevu kei na iteki. Mai na rua na siga e tukuna mai o koya, keirau digia na 27 ni Sepiteba, 2014—ka kena ibalebale ni sa vo saraga e vitu ga na macawa kina siga ni vakamau!

E taroga o Priscilla, “Obim [ka kena ibalebale “na utoqu” ena vosa vaka Igbo], e tiko beka vei iko eso na ilavo? Sa rui lekaleka na gauna.”

Au sauma yani, “E sega, ia e tiko vei au eso na vakabauta.”

E dredre o koya qai kaya mai, “Sa donu. Daru masu ka lolo.” Me veisautaka mada na ena noqu vosa ga 1 Nifai 3:7, e tomana o koya, “Ena dolava na Turaga na sala me daru baleta ni sa vakarota o koya me vakamau.”

Ena loma ni macawa oya au a veisaumitaka e dua na cakacaka au a cakava ena vica na vula yani ki liu. Sa qai kaya vei au o Priscilla ni vinakata o koya me tekivutaka e dua na bisinisi me vakatubu ilavo kina. Ena ilavo au a rawata mai, e volia mai kina o koya na kato ni marama ka qai volitaka tale. Ni oti na nona volia eso ana iyaya esa vola tu me voli, e vo vei koya e rauta ni vakaruataki na levu ni lavo au solia vua.

Ena gauna oqo e sega ni dua na cakacaka e lako mai vei au. Na cakacaka kece e yalataki e mai sega tale yani. Sa vo vei keirau e rua na macawa ka se vo tikoga na ka e gadrevi me keirau volia. E vakatura o noqu duguci me toso mada na tikinisiga. Au tukuna ga vua, “E dua na cakamana ena yaco mai.”

Ena rua na siga ni se bera na neirau vakamau, e yaco na cakamana: au a saumi ena dua na cakacaka au a cakava ena rua na macawa sa oti. Au a vulica talega ni vakabauta kei na cakacaka, ena vakalougatataki iko na Turaga mo rawata na veilalawa dodonu.

Keirau lako mai kea kina na baqe me tauri mai na ilavo ena jeke oya ka gole sara kina makete me voli na vo ni yaya e vinakati, ena tau bi ni uca, ka keirau raica ni veivakadonui vakalomalagi ena neirau cakacaka ni vakabauta.

Ni lailai mai na 24 na auwa, keirau a vakamau. Ni keirau a kerei me tukuni na vosa ni yalayala, e sega ni vaka tale e dua na ka au se bau vakila ena noqu bula. Au vakila niu sa rawata sara kau vakabauta niu na rawata na veika kecega ena vakabauta mai na gauna oya. Keirau a qai vauci ena Valetabu e Accra Ghana.

E dina ga ni keirau a gadreva eso nai lavo me vakarau kina vakamau, na ka bibi duadua o gadreva sai koya na vakabauta.