Talofa mai le Ripapelika Temokarasi o Congo!
Talofa, o ma’ua o Margo ma Paolo!
O loo ma asiasi i le Ripapelika Temokarasi o Congo, po o le D. R. Congo.
D. R. Congo e tu i le ogatotonu o Aferika. E tusa ma le 80 miliona tagata e nonofo iina.
O se vaega tele o D. R. Congo o loo lilo i le vaomatua. E nonofo ai foi le tele o manu mananaia, e pei o elefane, kolila, ma raino [rhinos]. O lenei manu e ta’ua o le okapi.
O D. R. Congo ua lauiloa mo lona faatufugaga faaleaganuu matagofie, e aofia ai faatagata laau, ato lalaga, ma ufimata.
Sa amata ona aoaoina e faifeautalai mai le tatou ekalesia ia tagata i D. R. Congo i le 1986. O lenei ua toeitiiti lava a oo i le 60,000 tagata iina e auai i Le Ekalesia a Iesu Keriso o le Au Paia o Aso e Gata Ai.
I D. R. Congo, o le toatele o tagata e talanoa i le gagana Farani i le lotu. O le gagana aloaia lena a le atunuu. Ae e lata i le 250 isi gagana o tautalagia i D. R. Congo!
O lenei tausaga, na maua ai e D. R. Congo lona malumalu muamua! O tagata o le Ekalesia iina ua fiafia ua maua se malumalu i lo latou atunuu.
Faafetai mo le asiasi mai i le D. R. Congo faatasi ma i ma’ua. Feiloai i se isi taimi!