Autalavou
Ata na pueina e Leslie Nilsson
O telefoni feaveai e taugata i Chile, ae na ou faatuina se sini i le 2016 ina ia lava se tupe e faatau ai se telefoni. Mo le tausaga atoa, na ou faatauina atoatoa lole ma alfajores* ma faatau atu i a’u uo i le aoga. Na ou sefeina tupe uma na ou mauaina. Ou te le’i alu i ni faleaiga e ‘ai ai, ma ou te le’i alu foi i le tifaga.
Ou te le’i fia fesili i o’u matua mo se telefoni. Sa ou manao ina ia mafai ona ou fai atu sa ou mauaina lava e a’u. Sa faamalosiau mai lo’u tama. “Tumau ai pea, Carol,” o lana tala lea.
Sa ou aoaoina ni mea se tele. E leai se mea e maua fua. O sini e manaomia ai le taumafai, ae e le tatau lava ona tatou fiu. A tatou maua ni mea ma iloa le tele o galuega e faia e maua ai, o le a sili atu ona tatou faatauaina i latou.
Na ou iloa e tatau ona ou filifili po o le a le mea ou te manao e ausia ma le mea ou te fia alu i ai. Pe afai ou te fia faaipoipo i totonu o le malumalu, e tatau ona ou alu i le lotu ma seminare ma mulimuli ane i le inisitituti ma gaoioiga mo talavou nofofua matutua. Ma e manaomia ona ou tafao faamasani i alii talavou agavaa. O le ausiaina o sini e manaʻomia ai le ositaulaga i le taimi nei mo se mea lelei mulimuli ane.
Carol, 15, Chile