“E faapefea ona ou maua ni uo e lelei tulaga faatonuina?”

Faaali atu ia i latou le alofa ma ia agalelei. Faaali atu e te popole ia i latou ma lo latou fiafia. Afai latou te le faʻaali atu latou te tausia oe ma e le agalelei, atonu e te le manao e tulituliloa lena faauoga.

Avea ma se faataitaiga o le ola ai i ou tulaga faatonuina. Ma afai e i ai ni au uo e le tutusa o latou tulaga faatonuina ma oe, faʻaali atu ia i latou e faapitoa i latou i le silafaga a le Atua. Na alofa Iesu i tagata uma ma aoao i latou e mulimuli i Ona ala.

E mafai ona e maua ni uo fou ma tulaga faatonuina lelei e ala i le o e aoao atu ma faifeautalai. Latou te iloa ni nai tagata talavou e manaomia se uo i le Ekalesia.

Ou te tatalo soo ina ia iloa pe o aʻu uo o tagata sao ia e mafai ona fesoasoani ia te au e siitia ai oʻu tulaga faatonuina ma laʻu molimau ia Iesu Keriso.

Ua ou iloa afai ou te alu ese atu e sue tagata o loo faaalia le malamalama o Keriso, ua faia ai le eseesega uma. E silafia e le Tama Faalelagi ou manaoga ma afai e te faia lau vaega, ona Ia taliina lea o na tatalo.