O Le Tamai Taavaletoso Falaoa

Ata

The Little Bread Wagon

Sa pupula mata o Semi ma māvava. Na mafai ona ia sosogia se manogi manaia.

Mmmm, o loo fai e Papa ni falaoa! Na mafaufau ai Semi.

E tao e Papa ni falaoa mo le aiga i Aso Toonai uma lava. Sa fiafia Sammy e matamata ia te ia o aveese pāpā falaoa manutinuti eena i fafo o le ogaumu. E masani lava ona tuuina atu e Papa ia Semi le tipiga falaoa muamua.

Ae e le o se Aso Toonai lenei, na mafaufau ai Semi. Aisea ua tao falaoa ai Papa?

Sa aluese Semi mai le moega ma alu atu i le umukuka. Sa ia fesili ia Papa po o le a le mea o tupu.

“E te manatua le mea na fai mai lo tatou epikopo tatou te faia?” Sa fesili atu ai Papa.

Sa lue atu le ulu o Semi. “Sa ia fai mai ia i tatou e fesoasoani atu i tagata. Ma sa ou fesoasoani ia Tuafafine Matini e ave lana ato i le fogafale i luga, manatua?”

“Sa e faia se galuega lelei,” o le tala lea a Papa. “Sa ou tatalo i se auala e mafai ona ou fesoasoani ai. Sa ou maua le manatu e tao ni falaoa e faasoa atu.“

Sa tilotilo atu Semi i le faamalama o le ogaumu. Sa ia faitauina ia pāpā falaoa.

“Tasi … Lua … Tolu … fa. O ai o le a e aveina i ai falaoa?”

“O le mea lena ou te manaomia ai lau fesoasoani,” o le tala lea a Papa. “E tasi le pāpā mo Tuafafine Matini. Ma ni pāpā se lua mo le aiga o Mila. O ai e tatau ona tatou tuuina atu i ai le falaoa lona fa?”

Sa mafaufau i ai Semi.

“Ae a le Susuga a Lee?” Na fesili ai Sammy. Sa nofo le Susuga a Lee i le latou fale mautotogi. E le alu soo o ia i fafo. E tele lava ina ia vaavaai atu i tagata mai lona faamalama.

“O se manatu manaia tele lena!” na fai atu ai Papa.

Ina ua vela falaoa, sa fesoasoani Semi ia Papa e afifi falaoa. Ona ia aumai lea o lana taavaletoso. Sa la tuu pāpā falaoa i totonu.

“Ua sauni le taavaletoso falaoa e taavale atu!” Na fai mai ai Semi.

Sa fesoasoani Papa ia Semi e toso le taavale. Sa lagona e le loto o Semi le manaia ma le mafanafana, na pei lava o falaoa sa la saunia e faasoa atu!