E Faapefea ona Suia e le Salamo le Faanoanoa i le Olioli?

20–26 Iulai

Na faasoa atu e Alema lona aafiaga o le liua i lona atalii o Helamana. Sa ta’u atu e Alema ia te ia le auala na “tigaina ai [o ia] i le mafatia faavavau” ona o “[ana] agasala uma” (Alema 36:12–13). O le a sou lagona pe a e lagonaina le tausalaina mai le agasala?

Fanauina i lā le Atua

Ina ua mavae aso e tolu o mafatiaga i le loto ma le agaga, sa i ai se manatu o Alema na faamāmāina ai le mafatia na ia lagonaina (tagai Alema 36:19). Sa ia molimau mai ua “fanauina [o ia] i la le Atua” (Alema 36:23). O le a se manatu na taitai atu ai i lona fanauina i la le Atua? (tagai fuaiupu 18.)

Olioli ina ua mavae le Faanoanoa Tele

Na oo Alema i le faanoanoa tele ona o ana agasala, ae ina ua ia manatuaina ma valaau atu ia Iesu Keriso, na suia lona faanoanoa i le suamalie ma le matagofie o le olioli o le faamagaloga (tagai Alema 36:20).

Faalagolago i le Atua

E ala i le manatuaina o le Togiola a Iesu Keriso, na aoao ai Alema e faalagolago i le Atua ma iloa o le a sii ae o ia i luga i le aso gataaga (tagai Alema 36:3). Na faapefea e le manatuaina ma le faalagolago i le Togiola a le Faaola ona aumaia ia te oe le olioli?