Uo i le Uo
O Le Fua Faalilolilo
Saunia e Sister Cristina B. Franco
Fesoasoani Lua i le Au Peresitene Aoao o le Peraimeri
Sii mai le “O le Olioli i le Auauna Atu ma le Lē Manatu Faapito,” Liahona, Nov. 2018, 55–57.
E finagalo le Tama Faalelagi ina ia tatou auauna atu i isi. O lo’u faiaoga Peraimeri sa avea o se faataitaiga maoae o le auauna atu. A matou o mai i le Peraimeri, o taimi uma lava sa aumai ai e Sister Antonietti se keke sukalati. Sa ou lē fiafia i keke sukalati! Sa fiafia uma i ai isi tamaiti. Ae ou te lei aia lava.
I se tasi aso sa ia fesili mai ia te a’u, “Aisea e te lē taumafai ai e tofo sina fasi keke? O lenei keke ua faia i se fua faapitoa.”
Na ou ioe e taumafai. Ae tou te iloa? Na ou fiafia i ai!
I le tele o tausaga mulimuli ane sa ta’u mai ai e lo’u tina ia te au le fua faalilolilo a Sister Antonietti. “E lei tele ni tupe na i ai a Sister Antonietti,” o le tala lea a lo’u tina. “O vaiaso taitasi e tatau ona ia filifili ai i le va o le totogiina o le tietie i le pasi e alu i le Peraimeri pe faatau mea e manaomia e fai ai le keke sukalati mo lau vasega. Sa ia filifilia lava e le aunoa le keke sukalati. Nai lo le tietie i le pasi, sa ia savali i le silia ma le lua maila [3 km], i aso taitasi, e tusa lava pe o le a le tau.”
O le fua faalilolilo a Sister Antonietti o lona alofa lea sa i ai mo isi!