Sau, Mulimuli Mai ia te A’u: Tusi a Mamona
Aisea ua Faasoa Mai ai e Alema le Tala ia Mose ma le Gata Apamemea?
13–19 Iulai
Ina ua uma ona faatusatusa e Alema le afioga a le Atua i se fatu (tagai i le Alema 32:28–43), sa fesili tagata ia te ia pe faapefea ona totō le fatu. Sa faaaoga e Alema le tala ia Mose ma le gata apamemea mai le Numera mataupu 21 e fai ma faataitaiga o le faatinoina o le faatuatua (tagai i le Alema 33:19–23).
O Se Faatusa o Keriso
O se faatusa o se mea e suitulaga pe ua faaataata mai ai se mea faitino po o se tagata. Ina ua utia tagata Isaraelu e gata uogo, sa sii i luga e Mose le gata apamemea, lea na avea ma se faatusa o Keriso. O i latou uma na faatinoina le faatuatua ma vaavaai atu i ai sa faamaloloina, e pei lava o i latou uma o e faatino lo latou faatuatua ia Iesu Keriso o le a faamaloloina faaleagaga.
O Nisi sa Faamaaa o Latou Loto
E tusa ai ma le faigofie o le vaai atu, o nisi o tagata na faamaaa o latou loto ma mumusu, ma na maliliu o se taunuuga o le utia. Aisea na latou le tetepa ai? (tagai Alema 33:20). O le a se mea ua aoao mai e lenei mea e uiga i le faatuatua ma le le talitonu?
Pe O Le A Faamaloloina Oe?
Afai e mafai ona faamaloloina oe e ala i le faia o se mea faigofie e pei o le vaavaai, e te le faia ea? Ua tuuina mai e Alema lenei fesili ma valaaulia i tatou e vaai atu i le Faaola e ala i le talitonu ia te Ia (tagai i le Alema 33:21–22).