Mau ’ā’amu i roto i te pāpa’ira’a mo’a
’Ua pe’e te feiā ha’apa’o maita’i ia Iesu.
’A taio i teie i roto i te 3 Nephi 17 e tae atu i te 4 Nephi 1.
Faʼahōho’araʼa nā Apryl Stott
’Ua fārerei Iesu i te ’āti Nephi, ’ua ha’api’i ’oia ia rātou nō ni’a i te bāpetizora’a ’e nāhea ’ia rave i te ’ōro’a mo’a. Ua fa’anaho ’oia i Tāna ’Ēkālesia.
’Ua ha’amaita’i Iesu i te tamari’i tāta’itahi. ’Ua haere mai te mau melahi ! ’Ua fa’aora Iesu i te ta’ata ’e ’ua pure nō rātou. I muri iho ua ho’i atu ’oia i te ra’i ra.
I muri a’e i tō Iesu revara’a, ’ua rave tāmau noa te ta’ata i tā Iesu i ha’api’i mai. ’Ua rave ’āmui rātou i te ’ohipa ’e ’ua ’ōpere i tā rātou, nō reira, ’aore e ta’ata veve. ’Ua ha’amaita’i te feiā fa’atere i te mau ta’ata tei ro’ohia i te ma’i.
’Aita e ’arora’a, ’ua mā’iti rā te ta’ata ’ia ’āfaro noa rātou tē tahi ’e tē tahi. ’Ua pe’e te mau ta’ata ato’a i te mau fa’auera’a a te Atua. ’E ’ua ’oa’oa rātou nō te hō’ē tau maoro !
E ’oa’oa a’e tō’u orara’a mai te mea ē, e pe’e au i te mau fa’auera’a a te Atua. E nehenehe au e hōro’a i tā’u nā vetahi ’ē. E nehenehe au e tauturu i te ta’ata ’ia ’āfaro tē tahi ’e tē tahi.