Nāhea e nehenehe ai ia tātou ’ia ’ite i te mana fa’aora o te mesia ?

(28 nō Tetepa–11 nō ’Ātopa)

How can we experience the healing power of Christ

I roto i te tau tāvinira’a a Iesu Mesia i te ’āti Nephi, ’ua fa’a’ite ’oia i te here rahi ’e i tōna mana fa’aora i te feiā ato’a tei haere mai iāna ra. E aha tā tātou e nehenehe e ha’api’i mai i roto i te mau mea i fāri’ihia e te ’āti Nephi i pīha’i iho i te Faaora ?

Te mau tāmatara’a o te ’āti Nephi

’Ua riro te rahira’a matahiti hou te taera’a mai o Iesu ’ei mau matahiti arepurepu. ’Ua fa’a’oroma’i te mau ’āti Nephi :

Te ’arepurepura’a tīvira (a hi’o 3 Nephi 7:1–4).
Te parau-ino ’e te parau faufau (a hi’o 3 Nephi 2:3, 7:7).
Te fa’a’inora’a i te pupu ta’ata (a hi’o 3 Nephi 6:10–14).
Hāmani-’ino-ra’a pae fa’aro’o (a hi’o 3 Nephi 1:9).
Tama’i (a hi’o 3 Nephi 2:17).
Te mau ’ati nātura e toru mahana pouri (hi’o 3 Nephi 8).

Te tāvinira’a a te Mesia i te ’āti Nephi

I tō te Fatu fāra’a mai i te ’āti Nephi, ’ua ani ’oia i te feiā ato’a tei « ro’ohia i te tahi huru ma’i » (3 Nephi 17:7) ’ia haere mai i mua ’e ’ia fa’aorahia. E ’ere tāna anira’a nō te mau fifi ana’e tei fāri’i-noa-hia a’e nei e te ’āti Nephi. E au rā te reira nō te mau pēpē ’ite-hia ’e te ’ite-’ore-hia tā te ’āti Nephi i amo i te roara’a o tō rātou orara’a. ’Ua fa’aora o Iesu Mesia i te « mau ta’ata ato’a » (3 Nephi 17:9) ’e ’ua tāvini « tāta’ihō’ē » ia rātou (3 Nephi 17:21).