“Seni Huani, Pueto Liko,” Liahona, Sune 2022.
ʻOku ʻi Heni ʻa e Siasí
Seni Huani, Pueto Liko
ʻOku hanga ʻe he ngaahi fale lanu kehekehe ʻo e tukui ʻapi ʻi La Pealá ʻo ʻai ke longomoʻui ʻa e matāfanga ʻAtalanitiki ʻo Seni Huani Motuʻá. Naʻe fakaava ʻa e fuofua falelotu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ni ʻi Pueto Liko ʻi he 1970. ʻI he ʻaho ní ʻoku ʻi he vahefonua ko ʻeni ʻo ʻAmeliká ha:
-
(fakafuofua ki he) kāingalotu ʻe 23,400
-
siteiki ʻe 5, misiona ʻe 1, haʻofanga lotu ʻe 39
-
ngaahi senitā hisitōlia fakafāmili ʻe 8, temipale ʻe 1 (lolotonga langa)
Fakatefito ʻi he Fāmilí, Poupouʻi ʻe he Siasí
ʻI Kalolainá, ko ha kolo kaungāʻapi ʻo Seni Huani, naʻe ʻuma ai ʻa Lemisī Sanitana ti ʻAkuiao ki heʻene tama fefiné. ʻOku pehē ʻe Lemisī, “ʻOku fakatefito ʻa e Siasí ʻi he fāmilí. Ka ʻokú ne poupouʻi kimautolu ʻaki hono tokoniʻi e kāingalotú ke nau feakoʻaki mo fefakamālohiaʻaki.”