Mga Balita sa Simbahan
Si Presidente Nelson Nahimong ang Labing Tigulang nga Presidente sa Simbahan
Natawo niadtong Septyembre 9, 1924, si Presidente Russell M. Nelson bag-ong nagsaulog sa iyang ika-98 nga adlaw nga natawhan. Niadtong Abril 14, 2022, siya nahimong ang labing tigulang nga Presidente sa kasaysayan sa Simbahan.
Naghisgot sa serbisyo ug kinabuhi ni Presidente Nelson, si Presidente Dallin H. Oaks, Unang Magtatambag sa Unang Kapangulohan, miingon “Siya usa ka dinasig ug maalamon nga lider ug ang labing malumo ug mabination nga tawo nga inyong malauman nga ikauban.”
Si Presidente Henry B. Eyring, Ikaduhang Magtatambag, mipadayag sa iyang mga hunahuna mahitungod sa tahas ni Presidente Nelson isip propeta sa Ginoo: “Matag higayon nga kami mogawas sa opisina, si Presidente Oaks ug ako moingon, ‘Nahitabo na usab.’ Makita gyod ninyo nga moabot ang pagpadayag. Makita ninyo siya nga mangayo og tambag, ug dayon ang desisyon moabot ug ang tanan diha sa kwarto makahibalo nga kini ensakto ug gikan sa Dios. Hinay siyang moingon, ‘Ako nagtuo nga kini mao ang gusto sa Ginoo nga atong buhaton.’ Ingon og mahitabo kini kanunay.”