“Te u Tauhi Fēfē Nai Hoku Sinó ke Hangē ha Temipalé?,” Liahona, ʻAokosi 2023.
Haʻu, ʻo Muimui ʻIate Au
Te u Tauhi Fēfē Nai Hoku Sinó ke Hangē ha Temipalé?
Naʻe akonaki ʻa Palesiteni Lāsolo M. Nalesoni ʻo pehē:
“Ko e meʻaʻofa ʻo hotau sinó, ko ha mana fakaofo ia.
“… Ko ho sinó, tatau ai pē pe ko e hā hono ngaahi meʻafoaki fakanatulá, … ko ha temipale [ia] ki ho laumālié.”1
Ka ko e taimi ʻe niʻihi ʻoku tau fakaangaʻi hotau fōtungá pe fakaʻamu naʻe kehe hotau sinó. Mahalo te tau fihia ʻi he ngaahi ākenga pe tuʻunga fakamāmani ʻoku fakatupu ai ke ngalo ʻiate kitautolu ʻa e meʻa ne fakataumuʻa ki ai hotau sinó. Ko e ngaahi temipale ia maʻa hotau laumālié pea mo e Laumālie Māʻoniʻoní.
Kumi ʻa e Ngaahi Talí ʻi he 1 Kolinitō 6
ʻOku hoko nai hoku sinó ko ha temipale kia hai? (Vakai, 1 Kolinitō 6:19.)
ʻOku ʻoʻoku nai hoku sinó pe ʻa e ʻOtuá ia? (Vakai, 1 Kolinitō 6:20.)
Naʻe fai ʻe Palesiteni Nalesoni ʻa e faleʻi ko ʻení:
“Ko e taimi kotoa pē te ke sio ai ʻi he sioʻatá, fakakaukau ko ho temipalé ho sinó. …
“Te ke fili fēfē nai ʻa e founga ke tokangaʻi mo fakaʻaongaʻi ai ho sinó?
“Ko e hā ʻa e ngaahi ʻulungaanga fakalaumālie te ke fili ke fakatupulakí?”2