Fakaʻilekitulōnika Pē
Ko Hono Fakahoko ʻo e Ngaahi Taumuʻá ʻi he ʻAloʻofa ʻa Kalaisí
ʻI heʻetau fekumi ki ha tokoni fakalangí, ʻokú ne fakaʻatā ai kitautolu ke tau hoko ʻo hangē ange ko Sīsū Kalaisí ʻi heʻetau moʻui fakaʻahó.
Ko Sīsū Kalaisi ʻa e sīpinga haohaoa ʻo e tupulakí.
“Naʻe ʻikai te ne maʻu mei he fonú ʻi he kamataʻangá, ka naʻá ne fai atu mei he ʻaloʻofa ki he ʻaloʻofa, ʻo aʻu ki heʻene maʻu hono fonú;
“Pea ko ia naʻe ui ia ko e ʻAlo ʻo e ʻOtuá, koeʻuhí he naʻe ʻikai te ne maʻu mei he fonú ʻi he kamataʻangá” (Tokāteline mo e Ngaahi Fuakava 93:13–14).
Te tau lavameʻa ʻi he muimui ki Heʻene sīpingá ʻo fakafou ʻi heʻetau ngāué mo e ʻaloʻofa ʻa Kalaisí.
ʻOku malava ke kau ʻi he ʻaloʻofá ʻa e mālohi mo e ivi ʻoku maʻu meia Sīsū Kalaisi mo ʻEne Fakaleleí. “Ko e tefitoʻi fakakaukau ʻo e foʻi leá ko ha tokoni pe mālohi ʻoku fakalangi, ʻoku maʻu mei he mohu angaʻofa mo e ʻofa ʻa Sīsū Kalaisí.”1
Ko e konga ʻo e palani ʻa e Tamai Hēvaní kiate kitautolú ke tau ako mo tupulaki “mei he ʻaloʻofa ki he ʻaloʻofa,” kae ʻoua leva ke tau hoko ʻo haohaoa ʻia Kalaisi (vakai, Molonai 10:32).
ʻI heʻetau ngāueʻi ʻetau ngaahi taumuʻá ke tupulaki ʻo hangē ange ko Sīsū Kalaisí, ʻoku totonu ke tau fakakau Ia pea falala kiate Ia ke maʻu ha mālohi, ivi, mo ha fiefia lahi ange.
Ako lahi ange ki hono fokotuʻu ʻo ha ngaahi taumuʻá mei he ngaahi akonaki kimuí ni ʻa e kau palōfitá mo e kau ʻaposetoló ʻi he mītia fakasōsialé pe Fānaú mo e Toʻu Tupú Tohi Fakahinohino ʻa e Toʻu Tupú.