1 N tenua n Okitobwa, n te ririki tenga ruabubua tebwi ma waniua, I tekateka n au ru ni ^aiangoi koroboki aika tabu;

2 Ao ni iangoa te karea ni ^akamaiu ae korakora are e karaoaki iroun Natin te Atua, ibukin ^bkaboakin te aonaba.

3 Ao te ^atangira ae korakora ao n rianako tamaroana are kaotaki iroun te Tama ao te Nati n rokon te ^bTia Kabooira nakon te aonaba;

4 Bwa rinanon ana ^amwakuri ni kamaiu, ao man te ^bongeaba nakon tuua n te euangkerio, a na kona botanaomata ni kamaiuaki.

5 Ngke I tabe ni karaoa aei, e okirikaaki au iango nakon ana koroboki te abotoro ae Betero, nakoia ^aaomata aika itiaki n taai ake ngkoa ake a maeanako n aaba i ^bBonto, Karatia, Kabatokia, ao mwakoron Atia tabeua, ike e a tia n tataekinaki iai te euangkerio i mwin taurakin te Uea.

6 I kauka te Baibara ao I wareka te katenua ao te kaaua ni mwakoro n ana moan reta Betero, ao ngke I wareware e korakora rotakiu, e korakora riki nakon ake mai mwaaina, ma mwakorona aika kaotaki ikai:

7 “Bwa e tia ni maraki naba Kristo ibukin buure, ae raoiroi ibukiia akana a buakaka, bwa e aonga ni kairiira nakon te Atua, e kamateaki n rabwatana, ma E kamaiuaki n Tamneina:

8 “Are e nako naba iai n reireia tamnei ake n te ^ane ni kaikain;

9 “Ake a aki ongeaba ngkoa, ngke e tataningaia aomata taotaonan nanon te Atua n ana bong Noa, ngke e kumeaki ni katauraoaki te ake, are a kamaiuaki i nanona ti tabeman te aomata, aika waniman, n te ran.” (1 Betero 3:18–20.)

10 “Bwa e tataekinaki naba te euangkerio nakoia akana mate ibukin aei, bwa a aonga ni motikaki taekaia n ai aroia aomata n rabwataia, ma a aonga ni maiu n ai aron te Atua n tamneia.” (1 Betero 4:6.)

11 Ngke I iangoi bwaai aikai ake a ^akoreaki, a kaukaki ^bmatan ootau, ao Tamnein te Uea e ^ctiku i aou, ao I nooriia ^dmaate aika uanao, aika mangori ao aika a kakannato naba.

12 Ao a uaia ni ikoikotaki n te tabo ae ti teuana kurubu n tamnei aika ^araoiroi aika aki kona ni warekaki mwaitiia, ake a tia ni ^bkakakonimaki n ana koaua Iesu ngke a maiu n te maiu ae mamate;

13 Ao ake a tia n anga ^akarea ni katootongan ana karea ae korakora Natin te Atua, ao n ^brinanon karawawata i bukin aran te Tia Kaboia.

14 Naakai ni kabane a tia ni kitana te maiu ae mamate, ni matoatoa n te ^akantaninga i bukin te ^bmangauti ae mimitong, rinanon ana ^cakoi te Atua te ^dTama ao ^eNatina ae te Rikitemanna, Iesu Kristo.

15 I nooria bwa a kaonaki n te ^akimwareirei ao te kukurei, ao a uaia ni kimwareirei ibukina bwa e a kaan roko aia bong ni kamaiuaki.

16 A botaki ni kaantaninga rokon Natin te Atua nakon te ^aaonaba n tamnei, n taekina kaboakia man ana ^bkabaebae te mate.

17 Bubuia ake a matu e na ^amanga kaokaki nakon arona ae kororaoi, te ^bri nakon riina, ao iana ma irikona i aoia, te ^ctamnei ao te rabwata a na katiteuanaki n aki manga karaureaki, bwa a aonga ni karekea bwaninin te ^dkimwareirei.

18 Ngke te botanaomata ae rangi ni korakora aei a tataninga ao a marooro, ni kimwareirei n aoan kamaiuakiia man ana kabaebae te mate, e kaoti Natin te Atua, ni katanoata te ^ainaomata nakoia ake a tautoronaki ake a tia ni kakaonimaki;

19 Ao ikekei e ^ataekina nakoia te ^beuangkerio ae akea tokina, te reirei ibukin te mangauti ao kaboakia botanaomata man te ^cbwaka, ao man aia bure n tatabemaniia nako ngkana a ^draira nanoia.

20 Ma nakoia ake a ^abuakaka e aki nako, ao i buakoia ake a buakaka ao ake aki rairi nanoia ake a ^bkabarekaia i nanon maiuia, e aki taetae.

21 Naake a kaitaraa ake aki butimwaea aia koaua ao aia kauring burabeti ake ngkoa a aki nooria, ke n noora ubuna.

22 Ike a mena iai naakai, e tautaeka te ^arotongitong, ma i buakoia ake a raoiroi bon iai te ^brau;

23 Ao aomata aika itiaki a kimwareirei ni ^akaboakia, ao a ^bkatorobubua ao a butimwaea Natin te Atua bwa aia Tia Kaboia ao te Tia Kamaiuia man te mate ao ^ctaurekereken moone.

24 E oota moaia, ao te ^araneanea man rokon te Uea e tiku i aoia, ao a ^banene ni kamoamoa arana ae tabu.

25 I miimi, bwa I ataia ae te Tia Kamaiu e kabanea ae kaniia teniua te ririki n ana mwakuri ni ibuobuoki i buakoia Iutaia ao naake n te bata are Iteraera, ni kataia n reireiniia te euangkerio ae akea tokina ao ni weteia nakon te rairannano;

26 Ao, e ngae ngke a korakora ana mwakuri, ao kakai, ao katanoataakin te koaua, n te ^amwaaka ae korakora ao te kariaiakaki, bon ti tabeman ae a ongo bwanaana, ao a kimwareirei n rokona, ao a karekea te kamaiuaki ni baina.

27 Ma ana mwakuri ni ibuobuoki i buakoia naake a tia ni mate e bon toki n te tai ae ^akimototo are riki i marenan taurakina n te kaibangaki ao mangautina;

28 Ao I iangoi ana taeka Betero—ike e taekinna bwa Natin te Atua e kabwarabwara nakoia tamnei n te nne ni kaikain, ake n te tai teuana a aki ongeaba ngkoa, ngke n te taina e tataningaia aomata taotaonan nanon te Atua n ana bong Noa—ao e kanga ni kona n reke irouna bwa e na kabwarabwara nakoia tamnei akekei ao ni karaoi mwakuri aika kainnanoaki i buakoia n te tai ae uarereke.

29 Ao ngke I iangoia, a kaukaki matau, ao e ^arikirake au atatai, ao I nooria bwa te Uea e aki nako ngaia i buakoia aika buakaka ao ake aki ongeaba ake aki butimwaea te koaua, n reireiniia;

30 Ma nooria, mai i buakoia ake a raoiroi, e baireia ana taanga ao e rineia taan uarongorongo, ni kunikaia n te ^amwaaka ao te kariaiakaki, ao n anganiia te kariaiakaki bwa a na waaki nako ni uota ootan te euangkerio nakoia ake a mena n te ^brotongitong, ao nakoia tamneia aomata ^cni kabaneia; ao aio aron tataekinan te euangkerio nakoia maate.

31 Ao taan uarongorongo ake a rineaki a waaki nako n taekina ana bong te Uea ae ^abutimwaia ao ni katanoata te ^binaomata nakoia ake a tautoronaki ao a kabaeaki, ao nakoia ni kabane ake a raira nanoia man aia bure ao a butimwaea te euangkerio.

32 Aio aron tataekinan te euangkerio nakoia naake a tia ni ^amate i buakon aia bure, n akea ^batakin te koaua, ke i nanon riaoan te tua, bwa a tia n aki butimwaia burabeti.

33 Naakai a reireinaki te ^aonimaki iroun te Atua, te rairannano man te bure, ^bbwabetitoakin temanna ibukiia akeu a tia ni mate ibukin ^ckamaunaan buure, te ^dbwaintituaraoi ae te Tamnei ae Raoiroi man te katoka bai.

34 Ao ni kabane tuua ake tabeua n te euangkeri ake a kainnanoia bwa a na ataia bwa aonga ngaia n tau ni ^amotikaki taekaia n ai aroia aomata n rabwataia, ma ni maiu n ai aron te Atua n tamneia.

35 Ao ngaia are e a kaotaki i buakoia maate, aika a mangori ao a kakannato, aika buakaka ni ikotaki naba ma aika kakaonimaki, bwa kaboakia e a tia ni karaoaki rinanon ana ^akarea Natin te Atua i aon te ^bkaibangaki.

36 E kaotaki bwa te Tia Kabooira e kabanea ana tai ngke tiku n te aonaba n tamnei, n reireiniia ao ni katauraoia tamneia ^aburabeti aika kakaonimaki ake a tia ni kakoaua ibukina i nanon maiuia;

37 Bwa a aonga ni uota rongorongon te kaboaki nakoia ni kabane maate, nakoia ake e aki kona ngaia n roko irouia, ibukin aia ^akakaaitara ao riaoan te tua irouia, bwa rinanon aia mwakuri ana tia mwakuri a na kona naba ngaiia n ongo ana taeka.

38 I buakoia aike a kakannato ao a korakora ake a botaki n aia botanaomata aika raoiraoi ae korakora aei bon te Karo are ^aAtam, are Iai ma Ngkoa ao tamara ni kabane.

39 Ao Tinara ae mimitong ^aEwa, ma natina aine aika mwaiti aika kakaonimaki ake a tia ni maiu rinanon rooro nako ao a tia n taromauria te Atua ae koaua ao e maiu.

40 ^aAbera, te moan ni ^bmate ibukin ana koaua, e mena ikekei, ao tarina are ^cTeeta, temanna mai buakoia ake a korakora, are bon ^dkatootongan raoi tamana, Atam.

41 ^aNoa, are e anga te kauring ibukin te ieka, ^bTiem, te ^cibonga ae rietata ae kakannato; ^dAberaam, tamaia taan onimaki; ^eItaaka, ^fIakobwa, ao ^gMote, te tia anga te tua ae kakannato i Iteraera;

42 Ao ^aItaia, are e taekinna n te taeka ni burabeti bwa te Tia Kabooira e kabiraki bwa e na bautia akana a uruaki nanoia, ni katanoata te inaomata nakoia ake a ^btautoronaki, ao kaukan te ^cnne ni kaikain nakoia ake a kabaeaki, a mena naba ikekei.

43 Ni ikotaki ma anne, ^aEtekiera, are e kaotaki nakoina n te mii ni burabeti te mwarua ae korakora n ^brii aika mwauteretere, ake a na rabunaki aoia n te iriko, bwa a na manga teirake ni ^cmangautiia maate, bwa aomata aika maiu;

44 ^aTaniera, are e a kaman noora ao n taekina katean ^buean te Atua ni boong aika kaitira, are e na aki manga kamaunaki ke n aki anganaki aomata tabeman.

45 ^aEriati, are raon Mote i aon te Maunga ni ^bBitaki;

46 Ao ^aMaraki, te burabeti are kakoaua ibukin rokon ^bEria—are e taekinaki naba iroun Moronaai nakon te Burabeti Iotebwa Timiti, ni katanoata bwa e na roko i mwain rokon ana ^cbong ae kakannato ma ni kakamaaku te Uea—a mena naba ikekei.

47 Te Burabeti ae Eria e na unika i ^ananoia naati berita ake a karaoaki nakoia aia bakatibu,

48 Are e a kaman kaotaki i mwain te ^amwakuri ae korakora are e na karaoaki n ana ^btembora te Uea n te ^cmwioko n tararua ni kororaoin bongina, ibukin kaboakia maate, ao ^dkabaeakiia naati nakoia aia karo, bwa mwina te aonaba ae bwanin e na karawawataki ma te maraia ao a na bane ni kamaunaaki n rokona.

49 Ni kabane naakai ao a mwaiti riki, ao ^aburabeti naba ake a maeka i buakoia Nibwaite ao a taekina kakoauaan rokon Natin te Atua, a mena i buakon te botaki ae korakora ao a tataninga kamaiuakiia,

50 Bwa maate a tara buan ^atamneia n te tai ae maan man rabwataia bwa te ^btautoronaki.

51 Naakai ake e reireiniia te Uea, ao e anganiia te ^amwaaka bwa a na uti, i mwin mangautina mai buakoia maate, n rin i nanon abanuean Tamana, ike a na baunaki iai ma te ^baki mamate ao te ^cmaiu ae akea tokina,

52 Ao a na reitanako aia mwakuri man te tai arei n aron ana berita te Uea, ao n riki bwa taan katoong ^akakabwaia ni kabane ake a kawakinaki ibukiia ake a tangiria.

53 Te Burabeti Iotebwa Timiti, ao tamau, Hyrum Smith, Brigham Young, John Taylor, Wilford Woodruff, ao tabeman riki tamnei aika a tau n rineaki ake a ^akawakinaki bwa a na roko ni koron bong bwa a na ira te mwakuri ni kawenea ^baan te mwakuri ae korakora ni boong aika kaitira,

54 Ni ikotaki ma katean tembora ao karaoan taian otenanti i nanona ibukin kaboakia ^amaate, a mena naba n te aonaba n tamnei.

55 I nooria bwa a mena naba i buakoia ^atooka ao ake a kakannato ake a ^brineaki n te moan tai bwa a na riki bwa taan tautaeka n ana Ekaretia te Atua.

56 I mwaain naba bungiakiia, ngaiia, ma tabeman riki, a karekei aia moan reirei nako n te aonaba n tamnei ao a ^akatauraoaki bwa a na roko n te ^btai ae riai iroun te Uea bwa a na mwakuri n ana ^cnne ni kurebe ibukin kamaiuan tamneia aomata.

57 I nooria bwa ^aunimwaane aika kakaonimaki n te mwioko n tararua aei, ngkana a kitana te maiu ae mamate, a reitaanako aia mwakuri n tataekina te euangkerio ibukin te rairannano ao te kaboaki, rinanon ana karea Natin te Atua ae te Rikitemanna, i buakoia naake a mena n te ^brotongitong ao i aan te tautoronaki n te bure n te aonaba ae korakora ibukin tamneia maate.

58 Maate ake a raira nanoia a na ^akabooaki, rinanon te ongeaba nakon ^botenanti n ana auti te Atua,

59 Ao i mwin ae a tia ni kabwakaa tuaaia ibukin riaoan te tua irouia, ao a ^atebokaki ni kaitiakaki, a na karekea te kaniwanga ni kaineti ma aia ^bmwakuri, bwa bon ngaiia taan bwaibwai n te kamaiuaki.

60 Bon aio te mii ni burabeti ibukin kaboakia maate ae kaotaki nakoiu, ao I kakoaua, ao I ataia bwa te rongorongo aei e bon ^akoaua, rinanon ana kakabwaia ara Uea ao ara Tia Kamaiu, Iesu Kristo, eng. Amen.