Disípulado Duradero
Nos por haña konfiansa spiritual i pas. miéntras nos ta nutri e kustumbernan sagrado i rutinanan hustu ku por sostené i duna kombustibel na e kandela di nos fe.
Durante e verano pasá, mas ku 150.000 di nos hóbennan rònt mundu a krese den fe na un di shenti piko seshonnan largu di siman di Fortalesé e Hubentut di òf konferensia di FSY. Saliendo di e isolashon pandémiko, pa hopi e tabata un akto di fe den Señor pa asta asistí. Hopi di e partisipantenan hóben ta parse di ta sigui un arko ku ta subi te na kombershon mas profundo. Na final di nan siman, mi ta gusta puntra nan, “Awor, kon a bai?
Tin biaha nan a bisa algu manera esaki: “Awèl, riba djaluna mi tabata asina molostiá ku mi mama pasó el a obliga mi bin i hasi e kos aki. I mi no tabata konosé niun hende. I mi no a pensa ku e tabata pa mi. I mi no lo tin niun amigu. … Pero awor ta djabièrnè i ami ke djis keda aki nan. Lo mi ke djis sinti e Spiritu den mi bida. Mi ke biba di e forma aki.”
Nan kada unu tin nan propio historia di konta.di momentunan di klarifikashon i di donnan spiritual labando dor di nan i kargando nan riba e arko di kresementu. Mi tambe a kambia dor di e verano di FSY aki ora mi a mira e Spiritu di Dios ku implakabelmente a kontestá na e deseonan hustu di e kurasonnan individual di e multitut hóben aki, ku kada unu a haña e kurashi pa konfi’E ku un siman bou di Su kuido.
Manera barkunan di stal ku e kasko briante riba laman, nos ta biba den un ambiente spiritualmente korosivo kaminda e konvikshon mas briante mester ta konsientemente mantené si no e por skarf, pa despues oksidá, i despues bin garna.
Kiko ta e Kosnan ku Nos Por Hasi pa Mantené e Kandela di Nos Konvikshonnan?
Eksperensianan manera konferensia di FSY, kampamentunan, reunionnan sakramental, i mishonnan por yuda poleis nos testimonionan, hibando nos dor di e arko di kresementu i diskubrimentu spiritual pa lugánan di pas relativo. Pero kiko nos mester hasi pa keda einan i kontinuá pa “pusha bai dilanti ku firmesa den Cristo?” (2 Nefi 31:20) na lugá di slep kai bèk? Nos mester sigui hasi e kosnan ei ku defakto a hiba nos einan, manera hasi orashon frekuentemente, sumergí nos mes den skritura, i sirbi sinseramente.
Pa algun di nos, e por rekerí un ehersisio di konfia den Señor asta pa asistí na reunion sakramental. Pero una bes ku nos ta einan, e influensia sanadó di Señor su sakramento, infushon di e prinsipionan di evangelio, i e nutrishon di e komunidat di iglesia por manda nos na kas riba un di un manera mas elevá.
Di Unda e Poder den Reuní Huntu den Persona Ta Bin?
Na FSY, algun shen mil i mas di nos hubentut a bin pa konosé e Salbador mihó dor di usa un formula simpel di bin huntu kaminda dos òf mas ta reuní den Su nòmber (wak Mateo 18:20, partisipando den evangelio i skritura, kantando huntu, resando huntu, i hañando pas den Cristo. Esaki ta un poderoso resèpt pa un lantamentu spiritual.
E grupo di rumannan ku a biaha di leu awor a bai kas pa determiná kiko ta nifiká pa keda “kon fia den Señor” (Proverbionan 3:5; lema di hubentut di 2022) ora nan wòrdu lastrá den e kakofónia di un mundu tumultoso. Ta un kos pa “skuch’E” (Joseph Smith—History 1:17) den un lugá ketu di kontemplashon ku skritura hanchu habrí. Pero ta kompletamente un otro kos pa ehekutá nos disípulado den e un avalancha di distrakshon, kaminda nos tin ku lucha pa “skuch’E” asta dor di desenfoke di preokupashon pa nos mes, i konfiansa ku ta fayando No laga tin niun duda: ta e mesun kosnan di heruenan [ta keda] demostrá pa nos hubentut ora nan pone nan kurason i mente pa para firme kontra e tektónikanan di moral ku ta kambiando den nos tempu.
Kiko Famianan Por Hasi na Kas pa Edifiká riba e Momentum Kreá pa Aktividatnan di Iglesia?
Mi a yega di sirbi komo kasá di e presidente di Mujeres Jovenes riba nivel di estaka. Un anochi mi tabatin e asignashon pa regla e buskuchinan den e sala di rekreo miéntras mi kasá tabata dirigí e charla fogonera den e kapia pa e mayornan i nan yunan (muhé) ku tabata prepará pa asistí na un kampamentu e siguiente siman. Despue di a splika unda nan mester ta i kiko nan mester hasi, el a bisa, “I awor djamars mainta ora boso baha boso mucha dushinan aki na e bùs, brasa nan fuerte. I boso sunchinan ayo—pasó nan no lo bin bèk.”
Mi a tende un hende suspirá, despues ma realisá ku tabata ami. “Nan no lo bini bèk?”
Pero despues el a sigui: “ora boso baha e muchanan di djamars mainta, nan lo bai for di e distraishonnan di kosnan menor i pasa un siman huntu siñando i kresiendo i konfiando den Señor. Nos lo resa huntu i kanta i kushiná i sirbi huntu i kompartí testimonio huntu i hasi e kosnan ku ta permití nos pa sinti Tata Selestial Su Spiritu, henter siman largu, te ora e penetrá te den nan wesunan. I djasabra, e muchanan ku boso ta mira baha for di bùs ei lo no ta esnan ku boso a baha riba djamars. Nan lo ta kriatura nobo. I si boso yuda nan sigui for di e plano ei mas haltu, nan lo asombrá boso Nan lo kontinuá ta kambia i krese. I asina bo famia tambe.
E djasabra ei, a sosodé manera el a predisí. Ora mi tabata stiwando e tèntnan, mi a tende mi kasá su stèm for di e amfiteater chiki di palu kaminda e muchanan a reuní promé nan regresá kas. Mi a tendé ta bisa, “Oh, ata bo ei. Nos a bin ta wak boso hinter siman. Nos muchanan di djasabra.”
E hóbennan inkondisional di Sion ta biahando dor di tempunan impreshonante. Hañando goso den e mundu di interupshon profesá sin ta parti di e mundu ei, ku e parti ku bo no ta mira direkshon di santidat, ta nan karga partikular. Mas o menos shen aña pasá, G. K. Chesterton a papia manera ku el a wak e buskeda komo sentrá riba e hogar i sostené pa e Iglesia ora el a bisa, “Nos mester sinti e universo mesora manera e palasio di un ogro, pa keda aslatá, i wak na nos propio kabaña, den kual nos por regresá anochi?”(Orthodoxy [1909], 130).
Gradesidamente, nan no tin ku bai den bataya nan so. Nan tin otro. I nan tin abo. I nan ta sigui un profeta bibiende, Presidente Russell M. Nelson, kende ta dirigí ku e optimismo di un vidente den proklamando ku e gran esfuerso di e tiempo aki—e rekogimentu di Israel—lo ta tantu grandioso komo mahestuoso (wak “Hope of Israel” [worldwide youth devotional, 3 yüni, 2018], HopeofIsrael.ChurchofJesusChrist.org).
E verano aki, mi kasá, Kalleen, i ami tabata kambiando avion na Amsterdam ora, kaminda, hopi aña pasá mi tabata un misionero nobo. Despues ku mi a pasa hopi tempu luchando pa siña Hulandes, nos buelo di KLM a aterisá, i e kapitan a hasi un anunsio inkoherente via di e sistema di mikrofono. Despues di un momento di silensio, mi kompañero a gruñá: “mi ta kere ku esei tabata Hulandes.” Nos a wak ariba, lesando otro su mente: Tur kos ta pèrdí.
Pero nada no tabata pèrdí. Ora mi ta maraviá tokante e saltonan di fe, ku e tempu ei nos a tuma nos tabata kana den e aeropuerto riba nos kaminda pa e milagernan ku lo basha riba nos komo mishonero, abruptamente mi a bin bèk na e presente dor di un mishonero bibu i halando rosea ku tabata na punto di abordá un avion pa bai bèk kas. El a introdusí su mes i puntra, “Presidente Lund, kiko mi tin ku hasi awor? Kiko mi tin ku hasi pa keda fuerte?”
Pues, esaki ta e mesun pregunta ku ta den mente di boso hubentut ora nan sali for di konferensia di FSY, kampamentu di hubentut biahenan pa tèmpel, i tur ora ku nan sinti e poder di shelu. “Kon stima Dios por kambia den disípulado duradero?”
Mi a sinti un brote di amor pa e mishonero sirbiendo e lastu oranan di su mishon, i den e momento di silensio di e Spiritu, mi a tende mi stèm krak ora mi a bisa simpelmente: “bo no mester bisti e plaka pa karga Su nòmber.”
Mi ker a pone mi man riba su skouder i bisa, “Esaki ta loke bo tin ku hasi. Bo ta bai kas, i bo ta djis ta esaki. Bo ta asina bon ku kasi bo ta lombra den skuridat. Bo disiplina di mishon i e sakrifisio a hasi bo un yu magnífiko di Dios. Keda hasi na kas loke a traha asina podereso p’abo aki. Bo a siña pa resa i pa na ken bo ta resa i e idioma di orashon. Bo a studia Su palabranan i a bin stima e Salbador dor di trata di ta manera DjE. Bo a stima Tata Selestial manera E a stima e Tata Selestial, sirbi otronan manera E a sirbi otronan i a biba e mandamentunan manera E a biba nan—i ora bo no a hasi esaki, bo ta arepentí. Bo disípulado no ta solamente un slogan riba un T-shirt—e ta bira part di bo bida ku su proposito pa biba pa otronan. Pues bo ta bai kas, i hasi esei. Ta esei. Karga e momentu spiritual aki den restu di bo bida.
Mi sa ku dor di konfia Señor JesuCristo i Su kaminda di kombenio, nos por haña konfiansa spiritual i pas. miéntras nos ta nutri e kustumbernan sagrado i rutinanan hustu ku por sostené i duna kombustibel na e kandela di nos fe. Ku kada unu di nos move semper mas serka di e kandelanan di atvertensia i, loke sea pasa, keda firme. Den e nòmber di JesuCristo, amèn.