Nutri i Konpartí Bo Testimonio

Momentunan desisivo den bida ta bin hopi biaha inesperá, i hasta ora bo ta yòn ainda. Permití mi kompartí un historia ku boso tokante un studiante di skol sekundario, Kevin, skohí pa biaha for di e estado pa un evento di studiantenan lider, manera kontá den su mes palabranan.

“Mi turno den e rei a yega, i e empleado di registrashon di aparensia ofisial a puntra pa mi nòmber. El a wak su lista i a bisa, ‘Asina ku abo ta e hóben di Utah.’

“‘Bo ke men ku mi ta e úniko?’ Mi a puntra.

“‘Si, e úniko.’ El a duna mi mi plachi ku mi nòmber i ‘Utah’ imprimí bou di mi nòmber. Ora mi ta peg’é, mi a sinti manera mi tabata marká.

“Mi a bai ku e grupo den e left di e hotèl ku sinku otro studiante di skol sekundario ku plachi di nòmber meskos ku di mi. “Hei, bo ta di Utah. Bo ta un Mormon?’ un studiante a puntra.

“Mi a sinti mi inkómodo ku tur e lidernan studiante aki for di henter e pais. ‘Si’ mi a atmití ku basilashon.

“‘Boso ta esnan ku ta kere den José Smith, ku a bisa ku el a mira angelnan. Bo no ta kere esei di bèrdat, no?‘

“Mi no tabata sa kiko pa bisa. E studiantenan den e left tur a keda wak mi. Mi a kaba di yega, i ya kaba tur hende a pensa ku mi tabata diferente. Mi a bira un poko defensivo, pero despues m’a bisa, ‘Mi sa ku Jose Smith tabata un profeta di Dios.’”

“‘Di unda esei a bini?’ Mi a puntra mi mes. Mi no tabata sa ku mi tabatin e den mi. Pero e palabranan a sinti berdadero.

“Si, mi a tende ku boso tur ta djis algun loko religioso,’ el a bisa.

“Ku esei, tabatin un pousa inkomodo ora e porta di e left a habri. Ora nos a reuní nos ekipahenan, el a kana den pasio hariendo.

“Despues, un stèm mi tras a puntra, ‘Hei, Mormonnan no tin un sorto di un otro Beibel?’

“Ai no. No atrobe. Mi a bira pa wak un otro studiante ku tabata den e left ku mi, Christopher.

“E ta yamá e Buki di Mormon,’ mi a bisa, keriendo di para e tópiko. Mi a kue mi tasnan i a kuminsá kana den e pasio.

“Esei ta e buki ku José Smith a tradusí?’ el a puntra.

“‘Si, e ta,’ mi a kontestá. Mi a sigui kana, sperando pa evitá bèrgwensa.

“‘Wèl, bo sa kon mi por haña unu?’

“Un skritura mi a siña den seminario diripiente a bin na mi mente. ‘Mi no tin bèrgwensa di e evangelio di JesuCristo.¹ Ora esaki a drenta mi mente, mi a sinti mi bèrgonsá ku mi tabata asina yen di bèrgwensa.

“Pa sobrá di e siman e skritura ei no a bai laga mi. Mi a kontestá mes tantu pregunta tokante e Iglesia ku mi tabata por, i mi a haña hopi amigu.

“Mi a deskubrí mi tabata orguyoso di mi religion.

“Mi a duna Christopher un Buki di Mormon kaba. Despues el a skirbí mi, bisando mi ku el a invitá e mishoneronan na su kas.

“Mi a siña pa no tin bèrgwensa pa kompartí mi testimonio.”²

Mi ta inspirá pa Kevin su kurashi den kompartí su testimonio. Ta un kurashi ripití tur dia pa miembronan fiel di Iglesia den henter mundu. Miéntras mi ta kompartí mi pensamentunan, mi ta invitá bo pa reflekshoná riba e kuater preguntanan aki:

1. Mi sa i ta komprondé kiko un testimonio ta?

2. Mi sa kon pa duna mi testimonio?

3. Kiko ta e opstákulonan den kompartí mi testimonio?

4. Kon mi ta mantené mi testimonio?

Bo testimonio ta e poseshon di mas presioso, hopi bia asosiá ku sentimentunan spiritual profundo. E sentimentunan aki ta usualmente komuniká ketu i ta deskribí manera un “stèm, suave i kalmu.”³ Ta bo kerensia òf konosementu di bèrdat duná manera un testigu spiritual pa medio di e influensia di e Spiritu Santu. Atkirí e testimonio aki lo kambia loke bo ta bisa i kon bo ta aktua. Elementonan klave di bo testimonio, konfirmá pa e Spiritu Santu ta inkluí:

• Dios ta bo Tata Selestial; abo ta Su yu. E stima bo.

• JesuCristu ta biba. E ta e Yu di e Dios bibu i bo Salbador i Redentor.

• José Smith ta un profeta di Dios yamá pa restorá e Iglesia di JesuCristo.

• E Iglesia di JesuCristo di e Santunan di e Delaster Dianan ta e reino di Dios riba e tera.

• E Iglesia restorá di JesuCristo ta guiá awe pa un profeta bibu .

Bo ta duna bo testimonio ora bo kompartí sentimentunan spiritual ku otronan. Komo un miembro di e Iglesia, bo tin oportunidatnan pa duna bo testimonio vokal den reunionnan formal di Iglesia òf ménos formal, kombersashon personal ku famia, amigunan, i otronan.

Un otro manera ku bo por kompartí. bo testimonio ta dor di akitut hustu. Bo testimonio swb den JesuCristo no ta djis loke bo ta bisa—e ta ken bo ta.

Kada bia ku bo duna bo testimonio vokalmente òf a demostrá pa medio di bo akshonnan bo kompromiso pa sigui JesuCristo, bo ta invitá otronan pa “bini na Cristo.”⁴

Miembronan di Iglesia ta para komo testigu di Dios na tur tempu, den tur kosnan, i na tur lugánan. ⁵ Oportunidatnan pa hasi esaki den e universo digital usando kontenido inpiradó di bo mes òf kompartí kontenido ku ta elevá prepará pa otronan ta sin límite. Nos ta tèstifiká ora nos ta stima, kompartí, i invitá, hasta online. Bo mensahenan den twitter, mensahenan dirkto, i loke bo ta skirbi lo haña un propósito mas elevá, [mas] sagrado ora bo tambe usa e media sosial pa mustra kon e evangelio di JesuCristu ta kambia bo bida.

Opstákulonan pa kompartí bo testimonio por inkluí inseguridat tokante kiko pa bisa. Matthew Cowley, un Apòstel di kumnsamnetu, a kompartí e eksperensia aki ora el a sali pa un mishon di sinku aña pa New Zealand na edat di 17 aña:

“Nunka lo mi lubidá e orashonnan di mi tata e dia ku mi a bai. Nunka mi a skucha un bendishon asina bunita den henter mi bida. Despues su último palabranan na mi na e stashon di trein, ‘Mi yu hòmber, lo bo sali pa e mishon ei; lo bo studia; lo bo purba na prepará bo sermonnan; i tin biaha ora nan yamá bo, lo bo pensa ku bo ta maraviosamente prepará, pero ora bo lanta para, bo mente lo bira kompletamente bashí. Mi ta tin e eksperiensia ei mas ku un bia.

“Mi a bisa, ‘Kiko bo ta hasi ora bo mente ta bashí?’

“El a bisa, ‘Bo ta lanta para i ku tur e fervor di bo alma, bo ta duna bo testimonio ku José Smith tabata un profeta di e Dios bibu, i pensamentunan lo drenta bo mente i palabranan na bo boka … na e kurason di tur hende ku ta skucha. I asina mi mente, siendo mayoria bia bashí durante mi … mishon… , a duna mi e oportunidat pa duna mi testimonio di e evento mas grandi den historia di mundu for di tempu di krusifikashon di e Maestro. Purbé un bia, hóbennan. Si bo no tin nada otro pa bisa, tèstifiká ku José Smith tabata un profeta di Dios, i henter e historia di Iglesia lo fluí den bo mente.”⁶

Meskos, Presidente Dallin H. Oaks a kompartí, “Algun testimonio ta mihó hañá pará riba pia dunando nan ku na rudia resando pa nan.”⁷ E Spiritu ta duna testimonio na e diskursante i tambe na e skuchadó.

Un otro opstákulo, manera Kevin su historia a enfatisá, ta miedu. Manera Pablo a skirbi Timoteo:

“Pasó Dios no a duna nos un spiritu di kobardia; pero di poder, i di amor. …

“Bo tin bèrgwensa di testiguá di nos Señor.”⁸

Sentimentunan di miedu no ta bini di Señor pero hopi bia di e atversario. Tin fe, manera Kevin tabatin, lo permití bo pa vense e sentimentunan aki i kompartí libremente loke tin riba bo kurason.

Mi ta kere un testimonio ta natural den nos, sinembargo, pa por mantené i desaroyé mas kompletamente, Alma a siña ku nos mester “nutri [nos testimonio] ku hopi kuidou.⁹” Ora nos hasi asina, “e lo haña raís, i krese, i lo produsí fruta.”¹⁰ Pero sin esaki, “e ta seka bai.”¹¹

Kada miembro stimá di e Promé Presidensia a proveé nos ku direkshon pa kon nos mantené nos testimnoio.

Presidnete Henry B. Eyring ku amor a siña nos, ku “fiesta riba e palabra di Dios, orashin di henter nos kurason, i obediensia na e Señor Su mandamentunan mester ta aplikabel di forma uniforme i kontinuamente pa bo tstimonio por krese i prosperá.¹²

President Dallin H. Oaks a kòrda nos ku pa retené nos testimonio, “nos mester di partisipá di e Santa Sena tur simn (wakD&C 59:9) oa kualifiká pa e presioso promesa ku nos ‘semper lo tin Su Spiritu huntu ku [nos]’ (D&C 20:77).”¹³

I Presidente Russell M. Nelson amabelmente a konsehá

“Alimentá bo teestimonio ku bèrdat. …

“… Nutri bo mes den e palabra di profetanan antiguo i moderno. Pidi Señor pa siña bo kon pa skuch‘E mihó. Pasa mas tempu den tèmpel i den obra di historia di famia.

“… Hasi bo testimonio bo prioridat prinsipal.”¹⁴

Mi rumannan stimá, mi ta primintí ku ora boso komprondé mas kompletamente kiko un testimonio ta, i ora boso kompartié, lo bo vense opstákulonan di inseguridat i miedu, lo permití bo pa nutri i mantené e poseshon di mas presioso aki, bo testimonio.

Nos ta bendishoná di tin hopi ehèmpelnan di profetanan antiguo i moderno ku a duna nan testimonionan ku brio.

Despues di Cristo Su morto, Pedro a para i a tèstifiká:

“Laga ta bon kla pa boso tur, … ku pa e nòmber di JesuCristo di Nazarèt, esun ku boso a krusifiká, ku Dios a lanta for di morto, … e hòmber pará boso dilanti. …

“Pasó riba mundu no tin niun otro nòmber duná na hende, ku por salba nos.”¹⁵

Amulek, siguiendo Alma su predikashi riba fe, a deklará ku poder: “Ami lo testifiká na boso di mi mes ku e kosnan aki ta bèrdat. Ata, mi ta bisa boso, ku mi sa ku Cristo lo bini entre e yunan di hende, … pa tuma riba dje e transgreshonnan di su pueblo, i ku e lo ekspiá e pikánan di mundu; pasobra Señor Dios a bis’é.”¹⁶

Joseph Smith i Sidney Rigdon, despues di tabata testigu di un vishon glorioso di e Salbador resusitá, a tèstifiká:

“I awor, despues di tur e tantu testimonionan ku a wòrdu duná di dje, esaki ta e testimonio, e último di tur, ku nos ta duna di dje: Ku e ta bibu!

“Pasobra nos a miré, na man drechi di Dios; i nos a skucha si bos testifikando ku e ta e Unigenito di e Tata.”¹⁷

Rumannan, mi ta invitá boso pa buska oportunidatnan pa duna bo testimonio den palabra i echonan. Tal oportunidat a bin na mi resientemente, na final di un reunion ku e alkalde di un suidat kapital na Sur Amérika, den su ofisina ku algun di su ofisialnan di su kabinèt. Ora nos a konkluí ku un sentimentunan masha kordial, mi a pensa ku duda ku mi mester kompartí mi testimonio. Siguiendo e impreshon, mi a duna mi testimonio ku JesuCristo ta e Yu di e Dios bibu i e Salbador di e mundu. Tur kos a kambia e momentu ei. No por a nenga e spiritu den e kamber ei. A parse ku tur hende tabata emoshoná. “E Konsoladó … ta duna registro di e Tata i di e Yu.”¹⁸ Mi ta masha gradisí mi a tuma e kurashi pa duna mi testimonio.

Ora un momentu asina aki bin, gar‘é i brasé. Lo bo sinti e kalor di e Konsoladó den bo ora bo hasié.

Mi ta ofresé mi testimonio i yestifiká na boso—Dios ta nos Tata Selestial, JesuCristo ta bibu, i E Iglesia Di JesuCristu di e Santunan di e Delaster Dianan ta Dios Su Iglesia na mundu awendia dirigí pa nos kerido profeta, Presidente Russell M. Nelson. Den e nòmber di JesuCristo, amèn.